شينجياڭ ءتارتىپ تەكسەرۋ جانە باقىلاۋ ورگاندارى كەدەيلەردى سۇيەمەلدەۋ جاعىنداعى ءىرىپ – ءشىرۋ ماسەلەلەرىن شوعىرلى تۇردە تەكسەرىپ ءبىرجاقتى ەتتى
كەدەيلەردى سۇيەمەلدەۋ «ىرىمشىگىنە» تيسكەندەردىڭ سازايىن تارتقىزدى
2018.11.22 14:23 كەلۋ قاينارى : حالىق تورابى
حالىق گازەتى، 11 – ايدىڭ 21 – كۇنى، ءۇرىمجى (ءتىلشى: لي يانان) «ءپىشان اۋدانى ءپىشان اۋىلى جىلقى فەرماسى قىستاعى پارتيا ياچەيكاسىنىڭ بۇرىنعى شۋجيى، قىستاق كوميتەتىنىڭ بۇرىنعى مەڭگەرۋشىسى وپۋر حابيپ قاتالى 7 پارتيالى كادر قىزمەت قولايلىلىعىنان پايدالانىپ، الاياقتىق ىستەپ، وتكىزىپ الۋ رەسميەتىن بەلگىلەمەگە قايشى ءبىتىرىپ، مەملەكەتتىڭ بەيقۇت ءۇي سالىپ، حالىقتى اۋقاتتاندىرۋ ينجەنەرياسى بويىنشا بولگەن قوسىمشا قاراجاتىن ۇستەمەلەپ الىپ، باسقالاردىڭ اتىن جامىلىپ ءوز قالتاسىنا باسقان، ولاردىڭ ءبارى سايكەستى جازاعا تارتىلدى!» جۋىردا شينجياڭ تۇرپان قالالىق ءتارتىپ تەكسەرۋ كوميتەتىنىڭ باقىلاۋ كوميتەتى كەدەيلەردى سۇيەمەلدەۋ جاعىنداعى قاراجاتتارعا «سۋىق قولىن سوزعان» تيپتىك دەلولار جونىندە حابارلاندىرۋ شىعاردى، جىلقى فەرماسى قىستاعىنداعى 7 پارتيالى كادردىڭ تارتىپكە قايشىلىق جاساعان «توپتىق دەلوسى» جۇرت نازارىن ايرىقشا اۋداردى.
كەدەيلەردى سۇيەمەلدەۋ «ىرىمشىگىنە» قول تيگىزۋگە باتىلى بارعانداردىڭ سازايىن ابدەن تارتقىزۋ كەرەك. جىل باسىنان بەرى، شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى باقىلاۋ كوميتەتى كەدەيلەردى سۇيەمەلدەۋ جاعىنداعى ءىرىپ – ءشىرۋ جانە ستيل ماسەلەلەرىن ارناۋلى تۇردە جونگە سالۋدى ءار كەزەكتى جۇرتشىلىق قىزمەتىنە جەتەكشىلىك ەتۋ جانە تەكسەرۋ جۇرگىزۋدىڭ ماڭىزدى مازمۇنى رەتىندە قارادى، وتە – موتە، كەدەيلەردى سۇيەمەلدەۋ قاراجاتىن، نىساندار شوعىرلانعان ەرەكشە كەدەي اۋداندار مەن اۋىل – قىستاقتاردى قاداعالاپ، كەدەيلەردى سۇيەمەلدەۋ قاراجاتىن باسقاعا پايدالانۋ جانە وعان قيانات جاساۋ ارەكەتتەرىن قاتاڭ انىقتاپ ءبىرجاقتى ەتتى، سونىمەن بىرگە، جۇرتشىلىقتىڭ اڭىسى كۇشتى بولعان، سيپاتى جيرەنىشتى بولعان ءبىر توپ تيپتىك ماسەلەلەر جونىندەگى ءجىپ ۇشتارىن سارالاپ، ولاردى تىكەلەي تەكسەرىپ، تىكەلەي ءبىرجاقتى ەتتى. بيىل الدىڭعى ءۇش توقساندا بۇكىل شينجياڭدا كەدەيلەردى سۇيەمەلدەۋ سالاسىنداعى ءىرىپ – ءشىرۋ جانە ستيل ماسەلەلەرىنەن جيىنى 10632 ماسەلەنى تەكسەرىپ انىقتاپ، 10878 ادامدى ءبىرجاقتى ەتتى، مۇندا 4362 ادامعا پارتيا ءتارتىبى جانە اكىمشىلىك ىستەر جازاسىن بەردى، 6549 ادامدى ۇيىمدىق جاقتان جازالادى، 163 ادامنىڭ ماسەلەسىن ءادىليا تاراۋلارىنا جوتكەپ بەردى.
شينجياڭداعى ءار دارەجەلى ءتارتىپ تەكسەرۋ جانە باقىلاۋ ورگاندارى اشىق جاريالاۋ ءتاسىلىن ويداعىداي يكەمدى پايدالانىپ، جازالانعان كادرلەردى ءتارتىپ جايلى ءوز باسىنان كەشكەندەرىن اڭگىمەلەۋگە ۇيىمداستىرىپ، كەدەيلەردى سۇيەمەلدەۋ جاعىنداعى ءىرىپ – ءشىرۋ جانە ستيل ماسەلەلەرىن تەكسەرىپ انىقتاۋ مەن جونگە سالۋدىڭ «سوڭعى تاراۋلارىن» ۇقىپتىلىقپەن ويداعىداي ىستەپ، باقىلاۋ مەن ءتارتىپتى اتقارۋدىڭ، جاۋاپكەرشىلىكتى قۋزاستىرۋدىڭ ونىمدىلىگىن جوعارىلاتىپ، «ءبىر ادامدى جازالاپ، ءبىر توپ ادامعا تاربيە بەرۋ» ماقساتىن شىنايى ىسكە اسىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
