نەگىزگى ساتىداعى كادرلەردى ۋايىمنان ارىلتىپ، ولاردىڭ قيىنشىلىعىن شەشىم ەتۋگە كوبىرەك كوڭىل بولەيىك
لۇي شياۋشۇن
2018.11.22 14:21 كەلۋ قاينارى : حالىق تورابى
بىرنەشە كۇننەن بەرى، يۇننانداعى 80 – جىلدان كەيىن تۋعان اۋىلدىق پارتكوم شۋجيى لي جۇڭكايدىڭ مىندەتكە وتىرۋ الدىندا جاريالاعان «جاسى مەن ءوڭ - الپەتى سايكەس كەلمەيتىن» سۋرەتى عالامتوردا قىزۋ تالقى قوزعادى. 40 جاسقا كەلمەگەن كادردىڭ شاشى بۋرىل تارتا باستاپتى، بالكىم، تۇقىم قۋالاۋ سەبەبىنەن شىعار، دەگەنمەن، قىزمەتتىڭ جاپالى ەكەنى دە تالاسسىز اقيقات. جىل بويى ۇستەمە جۇمىس ىستەپ، ءىسساپارعا كوپ شىعاتىن لي جۇڭكاي ەڭ ۇزاق بولعاندا 50 كۇن بويى ۇيىنە قايتا الماعان.
باس شۋجي شي جينپيڭ كەزىندە: «كەدەيلىكتەن ارىلتۋدا قامال الۋدىڭ الدىڭعى شەبىندە قىزمەت ىستەپ جاتقان نەگىزگى ساتىداعى كادرلەر قاتتى جاپا شەگۋدە» دەپ اتاپ كورسەتكەن ءارى «جەرگىلىكتى پارتكوم مەن ۇكىمەت ولارعا كوڭىل ءبولۋى، قامقورلىق جاساۋى، نازار اۋدارۋى كەرەك. توتەنشە كەدەي وڭىرلەردى كادرلەردى شىنىقتىراتىن، كادرلەردى تاڭدايتىن ماڭىزدى تەكشە رەتىندە قاراۋ كەرەك» دەپ تالاپ ەتكەن. بيىل ورتاعا قويىلعان «قالىڭ كادرلەردى جاڭا داۋىردە جاڭا مىندەت ارقالاۋعا جانە تىڭ ناتيجەلەردى جاراتۋعا اناعۇرلىم شابىتتاندىرۋ جونىندەگى پىكىردە» نەگىزگى ساتىداعى كادرلەرگە، وتە – موتە، قيىنشىلىعى بار، جاپالى وڭىرلەر مەن كەدەيلىكتەن ارىلتۋدا قامال الۋدىڭ الدىڭعى شەبىندە قىزمەت ىستەپ جاتقان كادرلەردى اناعۇرلىم كوبىرەك ءتۇسىنۋ جانە قولداۋ ، ولاردى ىرىقتىلىقپەن ۋايىمنان ارىلتىپ، ولاردىڭ قيىنشىلىعىن شەشىم ەتىپ، ساياسات، مامىلە قاتارلى جاقتاردا ولارعا تيىمدىلىك جاساۋ، ولاردىڭ الاڭسىز بولۋىنا، باسپانالى بولۋىنا، قىزمەتىمەن الاڭسىز شۇعىلدانۋىنا، مىندەتىن اناعۇرلىم ويداعىداي اتقارىپ، ۇلەس قوسۋىنا شارت – جاعداي جاراتىپ بەرۋ قاجەت دەپ اتاپ كورسەتىلگەن.
كادر شارشاپ - شالدىعىپ شاشى اعارعانمەن، ونىڭ ىستەگەن قىزمەتى جۇرتشىلىقتىڭ باقىت سەزىمىن جوعارىلاتسا، ول ىشتەي قۋانادى. بيىل 7 – ايدا مەن سولتۇستىكتەگى بەلگىلى قىستاققا ءبىرىنشى شۋجي بولىپ مىندەتكە ىلىنگەن بولاتىنمىن، «قىستاقتارداعى شۋجيلەردىڭ» زەينەتى مەن بەينەتىن باسىمنان كەشىردىم. كەدەيلەردى سۇيەمەلدەۋ قىزمەتىنە جاۋاپتى جاس كادر كەدەيلىكتەن ارىلتۋدا قامال الۋ قىزمەتىن ويداعىداي ىستەۋ ءۇشىن ۇنەمى مەكەمەدە تاماقتانىپ، مەكەمەدە تۇنەيدى. اۋەلى ءبىر جولى مەنىمەن كەزدەسكەندە قالجىڭعا سۇيەپ: «كيىمدەرىم ساسىپ كەتتى، ەندى ۇيگە قايتىپ كيىم اۋىستىرماسام، وتباسىلارعا بارعاندا مەنەن جيىركەنەتىن شىعار» دەگەنى بار. كەدەي وتباسىنداعىلار ەمحاناعا جاتسا، سۇيەمەلدەيتىن كادر ءوز ەركىمەن ەمحاناعا بارىپ حال سۇرايدى؛ كۇن سۋىتسا، باعىتتامالى تۇردە كەدەيلەردى سۇيەمەلدەيتىن ورىن وتباسىلارعا بارىپ، جىلۋلىق ساقتايتىن ەسىك پەردەسى، كورپە كىرلىگى قاتارلىلاردى جەتكىزىپ بەرەدى. ءبىر كەدەي وتباسىنداعىلار: «قوعامىڭ جاقسى بولسا، جاقسى پەرزەنتىڭ بولعانىمەن بىردەي ەكەن – عوي»، — دەگەن بولاتىن.
جەكە باسى جاپا – ماشاحات شەكسە دە، ەسەسىنە جۇرتشىلىقتىڭ باقىتىنا قول جەتكىزۋ دەگەن ۇعىم ولاردىڭ ءون – بويىنان اسا جاندى تۇردە ايگىلەنەدى. نەگىزگى ساتىداعى كادرلەر جاپا – ماشاحاتتان قورىقپايدى، جۇرتشىلىققا قىزمەت وتەۋدى تاڭداعان ەكەن، ءوزىنىڭ جاۋاپكەرشىلىگىن ادا ەتۋگە قۇلشىناتىنى ءسوزسىز.
شاشى اعارعان كادردىڭ سۋرەتى جۇرەكتەردەگى ۇندەستىكتى قوزعادى، بۇل نەگىزگى ساتىداعى كادرلەرگە كوڭىل ءبولۋ مەن ايالاۋدا ءبىزدىڭ ءالى دە ىستەيتىن جۇمىستارىمىزدىڭ كوپ ەكەنىن بىلدىرەدى، ماڭىزدىسى نەگىزگى ساتىداعى كادرلەر مەن قىزمەتكەرلەردىڭ قىزمەتتى ورىستەتۋىنە شارت – جاعداي جاراتىپ بەرىپ، ولاردى ۋايىمنان ارىلتىپ، ولاردىڭ قيىنشىلىعىن شەشىم ەتۋ بولىپ تابىلادى. «حالىق گازەتىندە» كەزىندە «كەدەيلەردى سۇيەمەلدەۋدە كەستە تولتىرۋعا عانا سۇيەنۋگە بولمايدى» دەگەن شولۋ جاريالانعان، شولۋدا قىستاققا تۇسكەن ءبىرىنشى شۋجيدىڭ 15 كۇندە «كەدەيلىكتەن ارىلتۋدا قامال الۋ تۇسىنىكتەمە كارتۋچكاسىن» ءۇش رەت تولتىرىپ شىعاتىنى ايتىلعان، ونىڭ ۇستىنە قولمەن جازىپ شىعۋ كەرەك، ءوشىرىپ قايتا جازۋعا بولمايدى. شىنتۋايتىندا، ينفورماتسيالار انىق تياناقتاندىرىلسا بولعانى، كوپتەگەن كەستەلەردى قىسقارتۋعا ابدەن بولادى، نەمەسە كومپيۋتەردەگى جۇمساق بولشەكتەر ارقىلى دەر كەزىندە جاڭالاپ وتىرۋعا بولادى، كەستەنى قايتالاي تولتىرا بەرۋدىڭ قاجەتى جوق.
نەگىزگى ساتىداعى كادرلەردىڭ ايتۋىنشا، جوعارى ورىنداعى ءىشىنارا باسشىلار «تەك ناتيجەنى قاجەت ەتىپ، اتقارىلۋ بارىسىنا كوڭىل بولمەيدى»، وزىنە قاراستى قىزمەتتى عانا كۇيتتەپ، قول استىنداعى قىزمەتكەردىڭ ءىس جۇزىندىك قىزمەت جاعدايىنىڭ قانداي بولۋىمەن ەسەپتەسپەي، قاشان دا بۇيرىق رايىمەن تالاپ قويادى، قىسىم تۇسىرەدى، كادرلەرگە كوڭىل ءبولۋى، ولاردى شابىتتاندىرۋى جەتەرسىز.
«ءبىز شارشاپ – شالدىعۋدان قورىقپايمىز، دەمالاتىن ۋاقىت جوق بولۋدان قورىقپايمىز، دەگەنمەن، ءتۇسىنۋ مەن قۇپتاۋ اناعۇرلىم جەتكىلىكتى بولسا دەپ تىلەيمىز، تۇسىنبەستىك تۋىلۋدان الاڭدايمىز». ورتالىقتىڭ ەڭ جاڭا تالاپتارىن تەز ارادا تياناقتاندىرۋ، «قاتاڭ باسقارۋدى» بوساڭسىتپاۋمەن بىرگە، «قامقورلىق جاساۋ دا» كەم بولماۋى كەرەك. قاتاڭ باسقارۋ مەن كوڭىل ءبولۋدى، سەنىم ارتۋدى ۇشتاستىرىپ، ساياسات جاعىندا شابىتتاندىرىپ، قىزمەت جاعىندا قولداۋ ءبىلدىرىپ، مامىلە جاعىندا قامتاماسىزداندىرىپ، كوڭىل - كۇي جاقتا ايالاپ، كادرلەردىڭ داڭق سەزىمىن، قاراستىلىق سەزىمىن، قول جەتكىزۋ سەزىمىن كۇشەيتۋ كەرەك.
كەزىندە جىل بويى قىستاقتا تۇرىپ كەدەيلەردى سۇيەمەلدەۋ قىزمەتىن ىستەيتىن 60 جاسقا تاياعان كادرمەن اڭگىمەلەسكەن بولاتىنمىن، ودان نەلىكتەن ۇزدىكسىز 6 جىل بويى قىستاقتا تۇرۋدى تاڭدادىڭىز دەپ سۇراعانىمدا، ول: «جۇرتشىلىققا از دا بولسا جۇمىس تىندىرىپ بەرۋدى ويلادىم»، — دەگەن بولاتىن. مىنا ءداۋىر «جۇرتشىلىققا از دا بولسا جۇمىس تىندىرىپ بەرۋدى ويلايتىن» كادرلەرگە ەڭ جاقسى تەكشە دايىنداپ بەردى. كادرلەرگە شىن ىحىلاسپەن كوڭىل ءبولۋ جانە ايالاۋ، نازاردى وسىنداي كادرلەرگە كوبىرەك اۋدارۋ كەرەك، مىنە بۇل «اق شاشتى كادردىڭ» بىزگە بەرەتىن ەڭ ۇلكەن ەسكەرتۋى.
(اۆتورى حالىق گازەتى شولۋ ءبولىمىنىڭ رەداكتورى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
