پيڭشان كەدەيلىكتەن ارىلتۋدىڭ سىنىنان وتۋگە قۇلشىنۋدا (شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ جەتەكشىلىگىندە − جاڭا ءداۋىر، سونى بەينە، تىڭ سەرپىلىس)
«حالىق گازەتىنىڭ» تىلشىلەرى شۇي يۇنپيڭ، جاڭ جىفىڭ
2018.11.26 16:03 كەلۋ قاينارى : شينجياڭ گازەتى
«توڭكەرىستىك بايىرعى رايون پيڭشان كەدەيلىك قالپاعىن الىپ تاستادى!» حابار تارالىسىمەن حىبەي ولكەسى پيڭشان اۋدانىنىنىڭ شيبايپو قىستاعىنداعى جاسى 70 تەن اسقان ساقا پارتيا مۇشەسى يان چيڭحاي تەبىرەنگەنىنەن كوزىنە جاس الدى.
پيڭشان − مەملەكەتتىڭ كەدەيلەردى سۇيەمەلدەۋ، وركەندەتۋ قىزمەتىندەگى ءتۇيىندى اۋدان. 2013 – جىلدىڭ سوڭىندا بۇل اۋداندا ارحيۆ تۇرعىزىلىپ، كارتوچكا بەرىلگەن 37 مىڭ كەدەي وتباسىدا جالپى 111 مىڭ 619 جان بار بولاتىن. 2017 – جىلدىڭ سوڭىنا دەيىن پيڭشاندا كەدەيلىكتەن ارىلماعان ءبىر مىڭ 849 وتباسى، 3 مىڭ 606 جان قالىپ، كەدەيلىكتىڭ تۋىنداۋ شاماسى %0.84 كە ءتۇستى. پيڭشان اۋداندىق پارتكومنىڭ شۋجيى لي شۇيياڭ بىلاي دەدى: توڭكەرىستىك بايىرعى رايون جونىنەن ايتقاندا، كەدەيلىكتەن ارىلتۋدان قامال الۋ حالىق تۇرمىسىنداعى ماڭداي الدى ينجەنەريا، سونداي – اق ماڭىزدى ساياسي مىندەت، جاڭا جاعدايداعى تاعى ءبىر سىناعىمىز سانالادى، تاياۋ جىلداردان بەرى اۋدانىمىز قاجىرلىلىقپەن ىستەپ، تولىمدى بولارلىق جاۋاپ قايتاردى.
توڭكەرىستىك بايلىق كەدەيلەردى ءدال سۇيەمەلدەۋگە «ساياحات جۇردەك پويەزىن» ازىرلەپ بەردى
شيبايپو قالاشىعى شيگوۋ قىستاعىندا تاياۋ جىلداردان بەرى توڭكەرىستىك ساياحات دامي ءتۇستى، پارتيا ياچەيكاسىنىڭ شۋجيى ۋەي جاۋ تىلشىگە بىلاي دەدى: بيىل مەملەكەت مەرەكەسىنىڭ التىن اپتالىعىندا شيبايپوعا كەلگەن ساياحاتشى 200 مىڭنان استى. شيگوۋ قىستاعى شيبايپو كورىنىس رايونىنا جاقىن، قىستاعىمىزدىڭ ساياحاتى دا جاندانىپ جاتىر. قىستاق تۇرعىنى ليۋ شياۋچۇن بىلاي دەدى: قازىر تاۋ قويناۋى كىرىس كوزىنە اينالدى، ءبىز توڭكەرىستىك ساياحاتقا سۇيەنىپ كەدەيلىكتەن ارىلدىق.
شيگوۋ قىستاعى سۋ قاينارىن قورعاۋ وڭىرىنە ورنالاسقان، ليۋ شياۋچۇن وتباسىلارىنىڭ ەگەتىن جەرى از بولاتىن، وتكەندە كۇندەرى تاپشىلىقپەن ءوتىپ كەلگەن. كەيىن ول «شيبايپو شارۋالار شاتتىعى اۋلاسىندا» اسپاز بولادى، كەلىنشەگى شيبايپو كورىنىس رايونىندا ساياحات جەتەكشىسى بولادى، ەكەۋىنىڭ ەڭبەكاقىسىن قوسقاندا ءار ايدا 7 مىڭ يۋاننان اسادى. بىلتىر ول جەڭىل اۆتوموبيل ساتىپ الدى، كۇندەرى بارعان سايىن جاقسارىپ كەلەدى.
تاۋ جولى يرەلەڭدەپ جاتىر، كوپ ۇزاماي ءبىر سارقىرامانى كوردىك، بەييە اۋىلى ميميشۇي ساياحات كورىنىس رايونىندا ساياحاتشىلار قايشالىسادى. 70 جىلدىڭ الدىندا بۇل ارادا پارتيامىزدىڭ، ارميامىزدىڭ ءبىرىنشى سۋ ەلەكتر ستانسياسى − ميميشۇي سۋ ەلەكتر ستانسياسى سالىنىپ، توڭكەرىستىك بايىرعى رايونعا العاشقى ەلەكتر جارىعىن جەتكىزىپتى. بۇل كۇندە ميميشۇي ساياحات كورىنىس رايونىندا توڭكەرىستىك ساياحات توڭكەرىستىك بايىرعى رايوننىڭ كەدەيلىكتەن ارىلتۋ ىستەرىنە دەم بەرىپ وتىر ەكەن، توڭىرەكتەگى ءبىر مىڭ 400 دەن استام كەدەي وتباسى ساياحات ارقىلى كىرىستەرىن ارتتىرىپ وتىرىپتى. پيڭشان اۋداندىق كەدەيلەردى سۇيەمەلدەۋ كەڭسەسىنىڭ مەڭگەرۋشىسى مي شۋميڭ تانىستىرىپ بىلاي دەدى: بۇل ارادا توڭكەرىستىك مادەنيەت بايلىعى مول، وتكەندە وتە تۇيىق بولدىق، كەلۋشىلەر از بولاتىن. قازىر ساياحاتشىلار كوبەيدى، بۇقارا دا مۇنىڭ ءدامىن تاتىپ وتىر.
كورىنىس رايونىنان ارالىعى 7 شاقىرىم كەلەتىن پيڭسۇن قىستاعىنداعى كەدەي وتباسى جاڭ چيڭياڭداردىڭ ءبىر مۋ عانا جەرى بار، بۇرىن ءبىر جىلدىق كىرىسى 2 مىڭ يۋانعا جەتپەيتىن، جاسى 56 عا كەلسە دە باس قۇراماعان ەدى. بيىل ول كورىنىس رايونىنا جاسىلداندىرۋ جۇمىسشىسى بولىپ قابىلداندى، ءبىر ايداعى ەڭبەكاقىسى 3 مىڭ يۋان؛ كورىنىس رايونى كەدەيلەردى سۇيەمەلدەۋ شاعىن سومالى قارىزىن جارناعا اينالدىرىپ وتىر، ودان جىلىنا 3 مىڭ يۋان پايدا بەرىلەدى؛ جەردى كوتەرمەگە بەرۋدەن جىلىنا مىڭ يۋان الادى، تۇرمىسى بارعان سايىن جاقسارۋدا. تاياۋدا جاڭ چيڭياڭ قالىڭدىق تاپتى، ول قۋانىشپەن: جاڭا ءۇي سالۋعا ازىرلەنىپ جاتىرمىن، ەرتەرەك توي جاساپ السام دەگەن نيەتىم بار، − دەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
