لي كىچياڭ قازاقستاننىڭ پرەمەر مينيسترى ساعىنتايەۆپەن جۇڭگو – قازاقستان ۇكىمەت باسشىلارىنىڭ 4 – رەتكى مەرزىمدى كەزدەسۋىن وتكىزدى
2018.11.23 16:16 كەلۋ قاينارى : حالىق تورابى
حالىق گازەتى، 11 – ايدىڭ 22 – كۇنى، بەيجيڭ (ءتىلشى: دۋ يفەي) مەملەكەتتىك كەڭەس زۇڭليى لي كىچياڭ 11 – ايدىڭ 22 – كۇنى تۇستەن كەيىن حالىق سارايىندا قازاقستاننىڭ پرەمەر مينيسترى ساعىنتايەۆپەن جۇڭگو – قازاقستان ۇكىمەت باسشىلارىنىڭ 4 – رەتكى مەرزىمدى كەزدەسۋىن وتكىزدى.
لي كىچياڭ مىنانى ءبىلدىردى: جۇڭگو مەن قازاقستان شىن ىحىلاستى، ءوزارا سەنىمدى تاتۋ كورشىلەر جانە ءوزارا تيىمدىلىك جەتكىزىپ، تەڭ يگىلىكتەنەتىن جاپپاي ستراتەگيالىق سەرىكتەر. بيىل 6 – ايدا ءتوراعا شي جينپيڭ جۇڭگوعا مەملەكەت ىسىمەن ساپارلاي كەلگەن ءارى شاڭحاي سەلبەستىك ۇيىمىنىڭ چيڭداۋ سامميتىنە قاتىناسقان پرەزيدەنت نازاربايەۆپەن ءساتتى كەڭەس وتكىزدى. ەكى ەل جوعارى دەڭگەيدەگىلەر ارا تىعىز بارىس – كەلىس جاساپ، ساياسي جاقتاعى ءوزارا سەنىمدىلىك نىعايىپ، ءوندىرىس قۋاتى جاعىنداعى سەلبەستىكتە سۇبەلى تابىستارعا قول جەتكىزدى. جۇڭگو جاق «ءبىر بەلدەۋ، ءبىر جول» دارىپتەمەسىن قازاقستان جاقتىڭ دامۋ ستراتەگياسىمەن اناعۇرلىم ويداعىداي ۇشتاستىرۋدى، جۇڭگو مەن قازاقستاننىڭ جوعارى دەڭگەيدەگى ءوزارا سەنىمدىلىك ورناتۋ جانە سەلبەستىك جاساۋ تىلەگىن شىن مانىندەگى تابىسقا اينالدىرۋدى،ۇزدىكسىز تۇردە ەكى ەل حالقىنا باقىت باعىشتاۋدى قالايدى.
لي كىچياڭ مىنانى اتاپ كورسەتتى: وسى رەتكى جۇڭگو مەن قازاقستان ۇكىمەت باسشىلارىنىڭ مەرزىمدىك كەزدەسۋى مەزگىلىندە، ەكى جاق ءوندىرىس قۋاتى جانە قارجىلاندىرۋ، سيفرلى ەكونوميكا قاتارلى سالالاردى قامتىعان سەلبەستىك قۇجاتتارىنا قول قويادى، بۇل جۇڭگو مەن قازاقستان سەلبەستىگىنىڭ ءوزارا تيىمدىلىك جەتكىزەتىن سەلبەستىك ەكەنىن، سەلبەستىك ءورىسىنىڭ ۇزدىكسىز كەڭەيۋدە ەكەنىن ايگىلەيدى. ءبىز قازاقستان جاقپەن بىرگە ءتۇيىندى سالالارداعى سەلبەستىكتەردى تياناقتى ىلگەرىلەتىپ، ەنەرگيا جاعىنداعى سەلبەستىكتى ورنىقتىرىپ جانە كەڭەيتىپ، باسقا دا جاڭا گۇلدەنگەن سالالارداعى سەلبەستىكتەردىڭ ءورىسىن كەڭەيتۋدى؛ قارجىلاندىرۋدى قورعاۋ جاعىنداعى جاڭا نۇسقاداعى كەلىسىمگە كەڭەسپەن قول قويۋدى جەدەلدەتىپ، ءوزارا قارجىلاندىرۋ سەلبەستىگىنە زاڭدىق جاقتان كەپىلدىك ەتۋدى؛ مادەنيەت، جاستار ارا، ساياحات قاتارلى جاقتارداعى اۋىس – كۇيىستى ىلگەرىلەتىپ، جۇرتشىلىقتىڭ بارىس – كەلىسىنە اناعۇرلىم كوپ تيىمدىلىكتەر جاساپ، جۇڭگو مەن قازاقستاننىڭ تاتۋلىعىنىڭ حالىقتىق نەگىزىن بەكەمدەۋدى؛ شاڭحاي سەلبەستىك ۇيىمى قاتارلى كوپ جاقتىلى قارىم – قاتىناستار اياسىندا تىعىز سايكەسىپ، كوپ جاقتى قارىم – قاتىناستار مەن ەركىن ساۋدا جۇيەسىن قورعاپ ءوڭىردىڭ بەيبىتشىلىگى مەن ورنىقتىلىعىنا جانە دامۋىنا دەم بەرۋدى قالايمىز.
ساعىنتايەۆ مىنانى ءبىلدىردى: قازاقستان مەن جۇڭگونىڭ جاپپاي ستراتەگيالىق سەرىكتەستىك قارىم – قاتىناسى جوعارى دەڭگەيدە ورىستەتىلۋدە، ەكى ەلدىڭ باسشىلارى ءوزارا جيى ساپارلاۋدى جالعاستىرىپ، ساياسي جاقتا جوعارى دەڭگەيدە ءوزارا سەنىمدىلىك ورناتتى. قازاقستان جاق «نۇرلى جول» ساياساتىن «ءبىر بەلدەۋ، ءبىر جول» دارىپتەمەسىمەن ۇشتاستىرىپ، ساۋدا، قارجىلاندىرۋ، ءوندىرىس قۋاتى، اۋىل شارۋاشىلىعى، ەنەرگيا قاتارلى سالالارداعى سەلبەستىكتەردى تەرەڭدەتىپ، قىزمەتكەرلەردى تاربيەلەۋ جانە تاجىريبە الماستىرۋدى كۇشەيتىپ، ەكى ەل قارىم – قاتىناسىنىڭ ۇزدىكسىز جاڭا دەڭگەيگە قادام تاستاۋىن ىلگەرىلەتۋدى قالايدى.
كەڭەس اياقتاعاننان كەيىن، ەكى ەل ۇكىمەت باسشىلارى قاتىستى ەكى جاقتىلى سەلبەستىك قۇجاتتارىنا قول قويۋ بارىسىنا بىرگە كۋا بولدى.
مەملەكەتتىك كەڭەس مۇشەسى ءارى سىرتقى ىستەر مينيسترى ۋاڭ ي، مەملەكەتتىك ساياسي كەڭەس ءتوراعاسىنىڭ ورىنباسارى، مەملەكەتتىك دامۋ جانە رەفورما كوميتەتىنىڭ مەڭگەرۋشىسى حى ليفىڭ قاتىستى قيمىلدارعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
