لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2018.11.22 16:26 كەلۋ قاينارى : حالىق تورابى
شينحۋا اگەنتتىگى، 11 – ايدىڭ 21 – كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 11 – ايدىڭ 21 – كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى. ماجىلىستە شەكارا اتتاعان ەلەكتروندىق ساۋدا بولشەك ساتۋ يمپورت ساياساتىن جالعاستىرۋ جانە كەمەلدەندىرۋ ءارى قولدانىلۋ كولەمىن كەڭەيتۋ، ەسىك اشۋدى كەڭەيتۋ ارقىلى تۇتىنۋ كومەسكى كۇشىنە بارىنشا شابىت بەرۋ ۇيعارىلدى؛ زات اينالىسى تورابىن ورنالاستىرۋ قۇرىلىسىن ىلگەرىلەتۋ، حالىق شارۋاشىلىعىنىڭ اينالىس ساپاسى مەن ونىمدىلىگىن جوعارىلاتۋدى جەبەۋ ورنالاستىرىلدى.
ماجىلىستە بىلاي دەپ اتاپ كورسەتىلدى: پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارى بويىنشا، شەكارا اتتاعان ەلەكتروندىق ساۋدا سياقتى جاڭا كاسىپ كۇيىنىڭ، جاڭا ۇلگىنىڭ دامۋىن تەزدەتۋ ەسىك اشۋ ورەسىن جوعارىلاتۋعا، سىرتقى ساۋدا يمپورت – ەكسپورتىنىڭ ورنىقتى ارتۋىن جانە جاڭا قوزعاۋشى كۇشتىڭ جەتىلۋىن جەبەۋگە، تۇتىنۋ مەن كاسىپتەندىرۋدى ىلگەرىلەتۋگە ءتيىمدى. ماجىلىستە مىنالار ۇيعارىلدى: ءبىرىنشى، كەلەر جىلى 1 – ايدىڭ 1 – كۇنىنەن باستاپ شەكارا اتتاعان ەلەكتروندىق ساۋدا بولشەك ساتۋ يمپورتىندا قازىر اتقارىلىپ وتىرعان باقىلاپ - باسقارۋ ساياساتى جالعاستى اتقارىلادى، شەكارا اتتاعان ەلەكتروندىق ساۋدا بولشەك ساتۋ يمپورت تاۋارلارىنا قاراتا تۇڭعىش يمپورت ەتۋ رۇقسات بەكىتپەسىن الۋ، تىركەتۋ نەمەسە تىزىمگە الدىرۋ تالابى اتقارىلمايدى، قايتا جەكەلەردىڭ پايدالانۋعا العان زاتىن شەكارادان كىرگىزۋ بويىنشا باقىلاپ – باسقارۋ جۇرگىزىلەدى. ەكىنشى، ساياساتتى پايدالانۋ كولەمى بۇرىنعى حاڭجوۋ قاتارلى 15 قالادان تاعى دا بەيجيڭ، شىنياڭ، نانجيڭ، ۋحان، شي – ان، شيامىن قاتارلى شەكارا اتتاعان ەلەكتروندىق ساۋدا جالپىلىق تاجىريبە رايونىن جاڭادان قۇرعان 22 قالاعا كەڭەيتىلەدى. سىناق ءتۇيىنى ەتىلمەگەن قالالاردىڭ تىكەلەي ساتىپ الىپ يمپورت ەتۋ كاسىبىنە قاراتا قاتىستى باقىلاپ – باسقارۋ ساياساتى بويىنشا اتقارۋعا بولادى. ءۇشىنشى، شەكارا اتتاعان ەلەكتروندىق ساۋدا بولشەك ساتۋ يمپورتىندا تىزىمدىك ىشىندەگى تاۋارلارعا قاراتا شەكتى سومادا كەدەن باجىسىن الماۋ، يمپورت بۋىنىنداعى ارتقان قۇن باجىسى مەن تۇتىنۋ باجىسىندا زاڭدا بەلگىلەنگەن باجىنىڭ %70 بويىنشا الۋ نەگىزىندە تيىمدىلىك ساياساتىنان يگىلىك بەرىلەتىن تاۋارلار كولەمى تاعى دا كەڭەيتىلىپ، بۇقارانىڭ قاجەتسىنۋ مولشەرى جوعارى بولىپ وتىرعان باجى تۇرىندەگى 63 تاۋار جاڭادان قوسىلادى. باجى تيىمدىلىگى ساياساتىنان يگىلىكتەنەتىن تاۋارلاردىڭ شەكتى سوماسى جوعارىلاتىلىپ، ءبىر رەتكى ساۋدا شەگى قازىرگى 2000 يۋاننان 5000 يۋانعا جوعارىلاتىلادى، جىلدىق ساۋدا شەگى قازىرگى كىسى باسىنا جىلىنا 20 مىڭ يۋاننان 26 مىڭ يۋانعا جوعارىلاتىلادى، بۇدان كەيىن تۇرعىندار كىرىسىنىڭ جوعارىلاۋىن ساي لايىقتى رەتتەلىپ وتىرادى. ءتورتىنشى، حالىقارالىق ورتاق قولدانىلاتىن ءادىس بويىنشا، شەكارا اتتاعان ەلەكتروندىق ساۋدا ەكسپورتىنا قولداۋ كورسەتىلەدى، ەكسپورتتان قايتارىلاتىن باجى سياقتى قاتىستى ساياساتتار زەرتتەلىپ، كەمەلدەندىرىلەدى. بەسىنشى، باقىلاپ – باسقارۋدا كەشىرىمشىل بولۋ، قىراعى بولۋ پرينسيبى بويىنشا شەكارا اتتاعان ەلەكتروندىق ساۋدا كاسىپورىندارى، تەكشەلەرى جانە تولەۋى، زات اينالىسى جاعىنان قىزمەت وتەۋشى ساۋداگەرلەر سياقتلاردىڭ جاۋاپكەرلىكتى تياناقتاندىرۋى زاڭ بويىنشا كۇشەيتىلەدى، تاۋارلاردىڭ ساپا حاۋىپسىزدىگىن باقىلاپ – ولشەۋ جانە قاتەردەن ساقتانۋ كۇشەيتىلىپ، ءادىل باسەكەلى بازار ءتارتىبى قورعالىپ، تۇتىنۋشىلاردىڭ ۇقىق – مۇددەسى قامتاماسىزداندىرىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
