سىرتقى ىستەر مينيسترلىگى: جۇڭگو مەن ءۇندىستاننىڭ شەكارا ماسەلەسى جونىندەگى ەرەكشە ۋاكىلدەر جيىنى 11 – ايدىڭ 23 – كۇنى چىڭدۋدا وتكىزىلەدى
2018.11.22 14:24 كەلۋ قاينارى : حالىق تورابى
حالىق تورابى، 11 – ايدىڭ 21 – كۇنى، بەيجيڭ (ءتىلشى: فان حايشۇي) سىرتقى ىستەر مينيسترلىگىنىڭ مالىمدەمەشىسى گىڭ شۋاڭ 11 – ايدىڭ 21 – كۇنى كەزەكتى تىلشىلەردى قابىلداۋ جيىنىن باسقارىپ، جۇڭگو مەن فيليپپيننىڭ «مۇناي – تابيعي گاز الابىن اشۋ جاعىندا سەلبەستىك جاساۋ جونىندەگى كەلىسىم جادىناماسىنا» قول قويعانى، جۇڭگو – ا ق ش قارىم – قاتىناسى، جۇڭگو مەن ءۇندىستاننىڭ شەكارا ماسەلەسى قاتارلى جاقتاردا سۇراۋلارعا جاۋاپ بەردى.
گىڭ شۋاڭ الدىمەن جۇڭگو مەن ءۇندىستاننىڭ شەكارا ماسەلەسى جونىندەگى ەرەكشە ۋاكىلدەرىنىڭ 21 – رەتكى كەزدەسۋى 11 – ايدىڭ 23 – كۇنىنەن 24 – كۇنىنە دەيىن وتكىزىلەتىنىن جاريالادى. وسى جونىندە ءتىلشى بىلاي دەپ سۇرادى: بۇل ىسكە ءشۇبا كەلتىرەتىندەر جۇڭگو مەن ءۇندىستاننىڭ شەكارا ماسەلەسى جونىندەگى كەلىسسوزدەرىندە اسا كوپ ىلگەرىلەۋشىلىك بولعان جوق دەپ قارايدى. جۇڭگو جاق كەلىسسوز ۇردىسىنە قانداي باعا بەرەدى؟
گىڭ شۋاڭ مىنانى ءبىلدىردى: جىل باسىنان بەرى، ەكى ەل باسشىلارىنىڭ ستراتەگيالىق جەتەكشىلىگىندە، جۇڭگو مەن ءۇندىستان قارىم – قاتىناسىندا جاقسى جاققا قاراي دامۋ بەتالىسى بايقالدى، ءتۇرلى سالالارداعى اۋىس – كۇيىس پەن سەلبەستىك ۇزدىكسىز تەرەڭدەدى. ەكى جاق شەكاراعا قاتىستى ىستەردە تىعىز بايلانىس ورناتتى جانە سايكەسىپ وتىردى، كەڭەسۋ جانە ءماسليحاتتاسۋ ارقىلى الاۋىزدىقتاردى ويداعىداي مەڭگەرگەندىكتەن، ەكى ەلدىڭ شەكارا ءوڭىرى جالپى جاقتان ورنىقتىلىقتى ساقتاپ وتىر.
گىڭ شۋاڭ مىنانى اتاپ كورسەتتى: بۇل رەتكى كەزدەسۋ — مەملەكەتتىك كەڭەس مۇشەسى جانە سىرتقى ىستەر مينيسترى ۋاڭ يدىڭ جۇڭگو جاقتىڭ ەرەكشە ۋاكىلى مىندەتىن وتكىزىپ العاننان كەيىن تۇڭعىش رەت كەزدەسۋگە قاتىناسۋى بولىپ وتىر، ەكى جاق تا وسكەلەڭ ءمان بەرۋدە. ەكى ەلدىڭ ەرەكشە ۋاكىلدەرى شەكارا ماسەلەسى جونىندە ىشكەرىلەي كەڭەس وتكىزىپ، ەكى ەل باسشىلارىنىڭ ورتاق تانىمىنىڭ رۋحىنا ساي، ەكى ەل قارىم – قاتىناسىنىڭ جالپى جاعدايى مەن ەك ەل حالقىنىڭ باقىتىن شىعار ءتۇيىن ەتە وتىرىپ، ەكى جاق قازىرگە دەيىن قول جەتكىزگەن جەتىستىكتەر نەگىزىندە كەلىسسوز ءۇردىسىن بەلسەندى ىلگەرىلەتەدى، سونىمەن بىرگە، شەكارا وڭىردەگى الاۋىزدىقتاردى ويداعىداي مەڭگەرىپ، شەكارا ءوڭىردىڭ بەيبىتشىلىگى مەن تىنىشتىعىن قورعايدى. مۇنان سىرت، ەكى جاق جۇڭگو مەن ءۇندىستان قارىم – قاتىناسىندا ساقتالىپ وتىرعان كەلەلى ماسەلەلەر مەن ورتاق كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە پىكىر الماستىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
