ەڭ جوعارى حالىق سوتى مەكەمەسى اكىمشىلىك كەلىسىم ءادىليالىق تۇسىندىرمەسىن جاريالادى، اكىمشىلىك ورگانداردىڭ ساياساتتىق ۋادەسىن قاتاڭ جۇزەگە اسىرۋىنا كەپىلدىك ەتىلمەك
2019.12.11 15:45 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 10 - كۇنى، بەيجيڭ (ءتىلشى لو شا). «ۇكىمەتتىڭ كەزەك الماستىرۋى، باسشىلاردىڭ الماسۋى سياقتىلاردى سىلتاۋ ەتىپ كەلىسىمگە قايشىلىق جاساپ، كەلىسىمدى بۇزىپ زاڭدى ۇقىق - مۇددەگە زيان جەتكىزگەندەر زاڭدىق جانە ەكونوميكالىق جاۋاپكەرلىك ارقالاۋى كەرەك. مەملەكەت مۇددەسى، الەۋمەتتىك مۇددە نەمەسە باسقا دا زاڭدىق سەبەپتەر سالدارىنان ۇكىمەتتىڭ ۋادەسى مەن توقتامداعى كەلىسىمدەردى وزگەرتۋگە تۋرا كەلسە، كاسىپورىن مەن قارجىلاندىرۋشىنىڭ وسىدان تۋىنداعان مال - مۇلىك زيانىنا زاڭ بويىنشا تولەم بەرىلەدى».
ەڭ جوعارى حالىق سوتى مەكەمەسى 12 - ايدىڭ 10 - كۇنى اقپار جاريالاۋ ءماجىلىسىن اشىپ، اكىمشىلىك كەلىسىم دەلولارىن قاراۋعا قاتىستى ءبىرقانشا ماسەلە جونىندەگى بەلگىلەمەنى جاريالادى. ەڭ جوعارى حالىق سوتى مەكەمەسى اكىمشىلىك سوت كوللەگياسىنىڭ باستىعى حۋاڭ يۇڭۋەي اقپار جاريالاۋ ماجىلىسىندە بىلاي دەدى: ءادىليالىق تۇسىندىرمە حالىق بۇقاراسىنىڭ جەرى، ءۇيى ۇكىمەت جاعىنان الىنعان، پايدالانىلعان كەزدە تولەم الۋىنا بايلانىستى جاسالعان اكىمشىلىك كەلىسىم دەلولارىنداعى زاڭدى ۇقىق - مۇددەسىن شىنايى قامتاماسىزداندىرىپ، اكىمشىلىك ورگانداردىڭ ساياساتتىق ۋادەسىن قاتاڭ ورىنداۋىنا كەپىلدىك ەتتى.
وسى ءادىليالىق تۇسىندىرمەگە نەگىزدەلگەندە، اكىمشىلىك ورگاندار اكىمشىلىك باسقارۋ نەمەسە الەۋمەتتىك قىزمەت وتەۋ نىساناسىن جۇزەگە اسىرۋ ءۇشىن، ازاماتتارمەن، زاڭدىق يەلەرمەن نەمەسە باسقا دا ۇيىمدارمەن كەڭەسىپ جاساسقان اكىمشىلىك زاڭ جاعىنان ۇقىق - بورىش مازمۇنى بار كەلىسىمدەر اكىمشىلىك ارىز - شاعىم زاڭىندا بەلگىلەنگەن اكىمشىلىك كەلىسىمدەرگە جاتادى. ازاماتتاردىڭ، زاڭدىق يەلەردىڭ نەمەسە باسقا دا ۇيىمداردىڭ جەرى، ءۇيى سياقتىلار وتكىزىپ الىنعاندا، پايدالانۋعا الىنعاندا تولەم بەرۋ كەلىسىمى، ۇكىمەت قارجى قوسقان قامتاماسىزداندىرۋ سيپاتىنداعى تۇرعىن ءۇيدى مايعا بەرۋ، ساۋدالاۋ سياقتى 6 ءتۇرلى اكىمشىلىك كەلىسىم جونىنەن اكىمشىلىك ارىز - شاعىم بەرىلگەندە، حالىق سوتى مەكەمەسى ونى زاڭ بويىنشا قابىلداۋى كەرەك.
ءادىليالىق تۇسىندىرمەدە سونىمەن بىرگە بىلاي دەپ بەلگىلەنگەن: اكىمشىلىك كەلىسىمنىڭ جاسالۋى، اتقارىلۋى، وزگەرۋى، اياقتاۋى سياقتى سەبەپتەردەن داۋ - شار تۋىلىپ، ازاماتتار، زاڭدىق يەلەر نەمەسە باسقا دا ۇيىمدار تالاپكەر بولىپ، اكىمشىلىك ورگانداردى جاۋاپكەر ەتىپ، اكىمشىلىك ارىز - شاعىم بەرسە، حالىق سوت مەكەمەسى ونى زاڭ بويىنشا قابىلداۋى كەرەك. حالىق سوت مەكەمەسى اكىمشىلىك كەلىسىم دەلوسىن قابىلداعاننان كەيىن، جاۋاپكەر سول كەلىسىمنىڭ جاسالۋى، اتقارىلۋى، وزگەرۋى، اياقتاۋى سياقتىلار جونىندە شاعىم ارىز بەرسە، حالىق سوتى مەكەمەسى وعان رۇقسات ەتپەيدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
