7 جىلدان بەرى ەلىمىز سوت مەكەمەلەرىنىڭ ءبىرىنشى سوتتىق ازاماتتىق ىستەر دەلولارىنىڭ نىسانا سوماسى 21 تريلليون يۋاننان استى
2020.10.16 14:11 كەلۋ قاينارى : حالىق تورابى
ەڭ جوعارى حالىق سوت مەكەمەسىنىڭ باستىعى جوۋ چياڭ 10 – ايدىڭ 15 – كۇنى ەڭ جوعارى حالىق سوت مەكەمەسى اتىنان مەملەكەتتىك حالىق قۇرىلتايىنىڭ تۇراقتى كوميتەتىنە حالىق سوت مەكەمەسىنىڭ ازاماتتىق ىستەر سوت قىزمەتىن كۇشەيتۋ، ەكونوميكا مەن قوعامنىڭ باياندى، اقاۋسىز دامۋ جاعدايىنا زاڭ بويىنشا قىزمەت وتەۋ جانە ونى قامتاماسىزداندىرۋ احۋالىنان مالىمەت بەردى. باياندامادا كورسەتىلۋىنشە، 2013 ـ جىلدان 2020 ـ جىلى 6 – ايعا دەيىن، بۇكىل ەلىمىزدەگى سوت مەكەمەلەرىنىڭ ازاماتتىق ىستەر ءبىرىنشى سوتتىق دەلولارىنىڭ نىسانا سوماسى 21 تريلليون 600 ميلليارد يۋانعا جەتىپ، جىلىنا ورتا ەسەپپەن % 23.7 ارتتى.
ازاماتتىق ىستەر دەلوسى ەكونوميكالىق، قوعامدىق دامۋدىڭ «كورسەتكىشى». ەكونوميكالىق، قوعامدىق دامۋعا ساياتىن ماسەلە حالىق بۇقاراسىنىڭ ازاماتتىق ىستەر ۇقىعىمەن، ءوندىرىس، تۇرمىسىمەن تىعىز قاتىستى. باياندامادا كورسەتىلۋىنشە، تاياۋ جىلداردان بەرى ەلىمىزدىڭ ازاماتتىق ىستەر دەلولارى تەز ارتقان، ازاماتتىق ىستەر ءبىرىنشى سوتتا جاڭادان قابىلدانعان دەلولار 2013 - جىلعى 7 ميلليون 782 مىڭنان 2019 - جىلى 13 ميلليون 852 مىڭعا جەتىپ، جىلىنا ورتا ەسەپپەن %10.1 ارتتى. توراپ ينفورماتسياسى، ءبىلىم مەنشىك ۇقىعى، فينانس، كۇيرەۋ، ورتا بايلىعى، شەتەلگە ساياتىن ىستەر، تەڭىز ىستەرى سياقتى سالالاردا قىرۋار جاڭا تيپتەگى دەلولار جارىققا شىقتى.
«ءتۇرلى ازاماتتىق ىستەر دەلولارىن زاڭ بويىنشا، ءادىل، ۇتىمدى قاراپ، داۋ ـ شارلاردى ۇيلەسىمدى شەشىپ، جۇڭگوشا سوتسياليستىك ازاماتتىق ىستەر ءادىليا ءتۇزىمىن اقاۋسىزداندىرۋدى، كەمەلدەندىرۋدى ىلگەرىلەتتى.» باياندامادا بىلاي دەلىنگەن: 2013 - جىلدان 2020 - جىلى 6 – ايعا دەيىن، بۇكىل ەلدەگى سوت مەكەمەلەرى ازاماتتىق ىستەر دەلوسىنان 92 ميلليون 2 مىڭىن قابىلداپ، 89 ميلليون 203 مىڭىن قاراپ اياقتاتتى. ازاماتتىق ىستەر جونىندەگى ءادىليالىق تۇسىندىرمەدەن 71ىن جاساپ، ازاماتتىق ىستەر جەتەكشى سيپاتتى دەلولارىنان 67سىن جاريالاپ، ورتالىق ورنالاستىرعان جانە ەڭ جوعارى حالىق سوت مەكەمەسى العا قويعان ازاماتتىق ىستەر ءادىلياسىنا قاتىستى رەفورما مىندەتتەرىنەن 25ىن ورىندادى.
باياندامادا مىنالار اتاپ كورسەتىلدى: حالىق سوت مەكەمەسى ءادىليالىق توتەپ بەرۋ شارالارىن بەلگىلەپ، كاسىپورىنداردىڭ قيىنشىلىق قىسپاعىنان قۇتىلۋىنا، داۋ - شارلاردى توراپتا ۇتىمدى شەشۋىنە دەم بەرىپ، ىندەتتەن ساقتانۋ جانە ونى تىزگىندەۋ مەن ەكونوميكالىق، قوعامدىق دامۋ قىزمەتىن ءبىرتۇتاس جوسپارلاپ ىلگەرىلەتۋگە قىزمەت وتەدى. بيىل 2 ـ ايدىڭ 3 ـ كۇنىنەن بەرى، مەملەكەت بويىنشا سوت مەكەمەلەرى 5 ميلليون 60 مىڭ دەلو تۇرعىزىپ، توراپتا 660 مىڭ رەت سوت اشتى، 2 ميلليون 340 مىڭ رەت توراپتا جاراستىردى، 14 ميلليون 320 مىڭ رەت ەلەكتروندى جەتكىزدى، «سوت جۇرگىزۋ، اتقارۋ توقتاتپاۋ، ادىلدىك پەن ادىلەتتىلىكتى اقساتپاۋ» جۇزەگە اسىرىلدى.
سونىمەن بىرگە، حالىق سوت مەكەمەسى ەلىمىزدىڭ ساۋدا ورتاسىن ساپالاندىرۋعا دەم بەرىپ، مۇلىك ۇقىعىن ءادىليالىق جاقتان قورعاۋدى كۇشەيتتى، بازار باسەكەسى ءتارتىبىن قورعاپ، بازارلانعان، زاڭمەن باسقارىلاتىن، حالىقارالانعان ساۋدا ورتاسىن جاراتتى. ەكونوميكانىڭ جوعارى ساپالى دامۋىنا، ءۇش ءىرى قامال الۋ شايقاسىن ويداعىداي جۇرگىزۋگە قىزمەت وتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
