- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
باقىتتى وتباسىنىڭ باعدارشامى
2016.05.31 13:44 كەلۋ قاينارى : شينجياڭ گازەتى
«باقىتتىڭ قۇلپى − جارقىن مىنەزدىڭ جانە ادامگەرشىلىكتىڭ كىلتىمەن عانا اشىلادى» دەيتىن تولعامى تەرەڭ، تالعامى دانا پاراسات يەلەرىنىڭ جاۋھار پايىمدارى ەستى جاننىڭ قۇلاعىن ەلەڭ ەتكىزبەي قويماس - اۋ ءسىرادا، شاڭىراققا باق قوندىرىپ، قۇت ۇيالاتىپ، ادامگەرشىلىك پەن ەستىلىكتەن تۋىرلىق تىگۋدىڭ ءبىر ۇشى بىلەكتە بولسا، ءبىر ۇشى جۇرەكتە. ءيا، وتباسىنىڭ بەرەكەسى مەن مەرەكەسى وتاعاسى مەن وتاناسىنىڭ توعىسقان جۇرەك ۇنىنەن ءنار الىپ اۋەلەيدى دە، اسىل مۇرات نەگىزىندە اقىلمەن جەڭىستىك الىپ، باۋىرىنان پانا تابار بايتەرەكشە تەرەڭگە تامىر تارتىپ، باياندىلىقپەن پايىزداپ، نۇرلى شاپاعات ساۋلەسىن توگەدى. الاۋىزدىق ەتەكتەن الىپ، ەڭسەمىزدى ەسەرلىك باسسا، شاڭىراق كۇرسىنىپ، كەرەگە مۇڭعا باتىپ، قاسىرەتكە باتادى.
جاراسىمدى، باقىتتى وتباسىن قۇرۋ − جاراسىمدى قوعام قۇرۋدىڭ نەگىزگى شارتى. جاراسىمدى، باقىتتى وتباسىن قۇرۋ قامقورلىق جاساۋ، سەنىمدىلىك ورناتۋ، پىكىر الماستىرۋ، ورىن اۋىستىرۋ جانە كىشى پەيىلدىلىك ىستەۋ سىندى اسىل قاسيەتتەردەن باستاۋ الادى.
1. قامقورلىق جاساۋ
وتباسى مۇشەلەرى ءبىر - بىرىنە قامقورلىق جاساۋ، ءبىرىن - ءبىرى ايالاۋ قاجەت، اسىرەسە، ەرلى - زايىپتىلار ارا ءوزارا قامقورلىق جاساۋ، ءوزارا قۇرمەت ەتۋ كەرەك، دورەكى سويلەپ، سۋىق راي كورسەتۋگە بولمايدى. بالالار مەن ۇلكەندەردىڭ الدىندا جاقسى ونەگە كورسەتۋ، اسىرەسە، وتاعاسى باستاماشىلىق رولىن تولىق ساۋلەلەندىرۋى قاجەت؛ قارتتارى بار وتباسىلارى كوپ ۋاقىت اجىراتىپ قارتتارمەن بىرگە بولۋى، ولاردى قۇرمەتتەپ، شەكسىز قامقورلىق جاساۋى كەرەك.
2. سەنىمدىلىك ورناتۋ
وتباسى مۇشەلەرى اراسىندا جانە ەرلى - زايىپتىلار ارا ءوزارا سەنىمدىلىك ورناتۋ، بالالار مەن ۇلكەندەرگە سەنىم ارتا ءبىلۋ كەرەك. ەرلى - زايىپتىلار ارا رياسىز پوزيتسيا ۇستاپ، ادالدىقتى ارقاۋ ەتۋ قاجەت، ءوز الدىنا ەسەپ جاساپ، وتىرىك ايتىپ، قارسى جاقتى الداپ - ارباۋعا بولمايدى، باسقالارعا سەنىم ارتا ءبىلۋ، قارسى جاقتان بەتالدى كۇماندانىپ، ءتىل تيگىزۋگە بولمايدى. ءوز وتباسىنا ادالدىق ىستەي الماعان ادام باسقالارعا، قوعامعا، مەملەكەتكە دە ادالدىق ىستەي المايدى.
3. پىكىر اۋىستىرۋ
ەرلى - زايىپتىلار ارا، بالالار جانە ۇلكەندەرمەن پىكىر الماستىرىپ تۇرۋ كەرەك. «كۇندە بىرگە جۇرگەندىكتەن ارادا ايتاتىنداي نە ءسوز بار دەيتىن» وعاش كوزقاراستان ارىلىپ، ەرلى - زايىپتىلار ارا سىرلاسۋعا ۋاقىت اجىراتىپ، وتباسىنداعى، ءتىپتى، قوعامداعى ىستەر جونىندە پىكىر الماستىرىپ تۇرعان ءجون، كۇمىلجىپ، ويىنداعىسىن اشىق ايتپاي بۇركەمەلەپ، بارلىعىن ىشكە جيۋ ەشكىمگە دە جاراستىق پەن سيلاستىق اپەرمەيدى.
4. ورىن اۋىستىرۋ
ورىن اۋىستىرىپ ويلاۋ، باسقالار تۇرعىسىنان وي جۇرگىرتۋ. ەرلى - زايىپتىلار ارا ءوزارا قادىرلەپ، ءوزارا ءتۇسىنىسۋ قاجەت، بىرەر ىسكە جولىققاندا باسقالاردى جازعىرۋعا بولمايدى، باسقالاردىڭ جاعدايى مەن كوڭىل كۇيىنە نازار اۋدارۋ كەرەك، «ەگەر بۇل ءىس مەنىڭ باسىما كەلسە جاعداي قالاي بولار ەدى» دەيتىن اسىل مۇرات نەگىزىندە ورناعان ادامگەرشىلىك تالعامىنا باعىنۋ. قارسى جاقتىڭ ءبىر جايلى ەتكەن جۇمىسى ۇيلەسىمسىز، ءتىپتى، دۇرىس بولماسا دا قارسى جاقتى شابىتتاندىرا وتىرىپ، كوڭىل كۇيىن ورنىقتىرىپ،ءىستىڭ ءجونىن تۇسىندىرۋگە مۇمكىندىك جاراتۋ قاجەت. وسىلاي بولعاندا، ەرلى - زايىپتىلار اراسىنداعى قاجەتسىز الاۋىزدىقتار مەن قايشىلىقتاردى ازايتىپ، بەرەكەنىڭ قايماعىن قالىڭداتۋعا بولادى.
5. كىشىپەيىل بولۋ
وتباسىنداعى قارىم - قاتىناس پەن ەرلى - زايىپتىلار اراسىنداعى قارىم - قاتىناستى ۇيلەسىمدى ءبىر جايلى ەتۋدە كىشى پەيىل بولۋعا كوڭىل بولگەن ءجون، كۇندەلىكتى تۇرمىستا كىشى پەيىلدىلىك پەن بايىپتىلىق كورسەتكەندە عانا ەرلى - زايىپتىلار ارا تاتۋ - ءتاتتى بولىپ، وتباسى جاراسىمدىلىقپەن باقىتتىڭ كاۋسار بۇلاعىنان سۋسىندار ەدى. وتباسىندا كىشكەنە نەمەسەءىرى جۇمىستار بولسىن كوپ كەڭەسىپ، قارسى جاقتىڭ پىكىرىنە قۇرمەت ەتۋ، قارسى جاقتىڭ پىكىرىن قابىلداۋ كەرەك. «مەنىڭ اق دەگەنىم العىس، قارا دەگەنىم قارعىس» دەيتىن ويدان ەرتە ىرگە ءبولىپ، اقىلمەن جەڭىستىك الىپ، باقىتتى تۇرمىستىڭ بالزام ءشارباتىنان سۋسىندايىق.
اۋدارعان: تۇيمەقان يساقان قىزى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
