نارىقتى باقىلاۋ جانە باسقارۋ باس مەكەمەسى جاڭا بەلگىلەمە شىعارماقشى:
قۋاتتىق ونىمدەردىڭ تۇسىندىرمەسىنە «ءدارى - دارمەك رەتىندە پايدالانۋعا بولمايدى» دەگەن ەسكەرتۋ جازىلۋى كەرەك
2019.02.01 11:10 كەلۋ قاينارى : حالىق تورابى
حالىق تورابى، 1 – ايدىڭ 31 – كۇنى، بەيجيڭ (دۇڭ تۇڭ) قۋاتتىق ازىق – تۇلىكتەردىڭ تۇسىندىرمەسىن باقىلاۋ مەن باسقارۋدى اناعۇرلىم جۇيەگە ءتۇسىرىپ، تۇتىنۋشىلاردىڭ قۋاتتىق ازىق – تۇلىكتەر مەن جاي ازىق – تۇلىكتەردى، ءدارى - دارمەكتەردى وڭاي پارىقتاۋىنا قولايلىلىق جاراتىپ، تۇتىنۋشىلاردى بايىپتىلىقپەن تۇتىنۋعا، ءبىلىپ تۇتىنۋعا جەتەلەۋ ءۇشىن، نارىقتى باقىلاۋ جانە باسقارۋ باس مەكەمەسى «نارىقتى باقىلاۋ جانە باسقارۋ باس مەكەمەسىنىڭ قۋاتتىق ازىق – تۇلىكتەردىڭ تۇسىندىرمەسىن باسقارۋعا قاتىستى بەلگىلەمەلەرى جونىندەگى ۇقتىرۋدى (پىكىر الاتىن نۇسقا)» (تومەندە «بەلگىلەمە» دەپ اتالادى) زەرتتەپ دايىندادى ءارى اشىق تۇردە پىكىر الدى.
بەلگىلەمەدە مىنالار تالاپ ەتىلگەن: قۋاتتىق ازىق – تۇلىكتەردىڭ تۇسىندىرمەسىندە ەرەكشە ەسكەرتۋ بولەگى جانە ەرەكشە ەسكەرتۋ مازمۇنى بولۋى كەرەك، ونىڭ ۇستىنە، ەرەكشە ەسكەرتۋ بولەگىنىڭ ەڭ شاعىن ساتىلىم قورابىنداعى قوراپتالعان زاتتىڭ (ىدىس) نەگىزگى تۇسىندىرمە بەتىندە ۇستايتىن ارا سالماعى كەمىندە %30 بولەگىنەن كەم بولماۋى كەرەك. ەرەكشە ەسكەرتۋ قارا ارىپپەن باسپادان باسىلىپ شىعۋى كەرەك، وندا مىناداي مازمۇندار قامتىلۋى كەرەك: قۋاتتىق ءونىمنىڭ اۋرۋ – سىرقاۋدان ساقتانۋ، اۋرۋ – سىرقاۋدى ەمدەۋ رولى جوق؛ بۇل ءونىمدى ءدارى – دارمەك ورنىنا پايدالانۋعا بولمايدى.
بەلگىلەمەدە مىنالار اتاپ كورسەتىلگەن: قۋاتتىق ازىق - تۇلىكتىڭ تۇسىندىرمەسىندەگى مازمۇن قۋاتتىق ازىق – تۇلىكتى تىركەگەن كەزدەگى كۋالىكتەگى نەمەسە ەستەلىككە الدىرعان كەزدەگى كۋالىكتە انىق جازىلعان قاتىستى مازمۇندارمەن بىردەي بولۋى كەرەك؛ قۋاتتىق ازىق – تۇلىكتەردى وندىرۋشىلەر مەن تيجارات ەتۋشىلەر وزدەرى وندىرگەن نەمەسە تيجارات ەتكەن قۋاتتىق ازىق – تۇلىكتىڭ تۇسىندىرمەسىنىڭ شىنايىلىعىنا، كەمەلدىلىگىنە، جۇيەلىلىگىنە جاۋاپتى بولۋى، الەۋمەتتىك باقىلاۋدى قابىلداۋى، ازىق – تۇلىكتىڭ حاۋىپسىزدىگى جونىندەگى جاۋاپكەرشىلىكتى ارقالاۋى كەرەك؛ قۋاتتىق ازىق – تۇلىكتىڭ تۇسىندىرمەسىندە ەرەكشە ەسكەرتۋ بولەگىنىڭ جانە ەرەكشە ەسكەرتۋ مازمۇنى بولۋى كەرەك. ەرەكشە ەسكەرتۋ بولەگى ەڭ شاعىن ساتىلىم قورابىنداعى قوراپتالعان زاتتىڭ (ىدىس) نەگىزگى تۇسىندىرمە بەتىندە ۇستايتىن ارا سالماعى كەمىندە %30 بولەگىنەن كەم بولماۋى كەرەك.
ەرەكشە ەسكەرتۋ بولەگىندەگى ارىپتەر ەرەكشە ەسكەرتۋ بولەگىنىڭ رەڭىمەن انىق پارىقتالاتىن بولۋى كەرەك. ەرەكشە ەسكەرتۋ مازمۇنى قارا ارىپپەن باسپادان باسىلىپ شىعۋى كەرەك، ەرەكشە ەسكەرتۋدە مىناداي مازمۇندار قامتىلۋى كەرەك: قۋاتتىق ازىق – تۇلىكتىڭ اۋرۋ – سىرقاۋدان ساقتانۋ، اۋرۋ – سىرقاۋدى ەمدەۋ رولى جوق، بۇل ءونىمدى ءدارى – دارمەك ورنىنا پايدالانۋعا بولمايدى. نەگىزگى تۇسىندىرمە بەتىنىڭ كولەمى 100 شارشى سانتيمەتردەن ۇلكەن نەمەسە 100 شارشى سانتيمەترگە تەڭ بولعان كەزدە، ءارىپتىڭ بيىكتىگى 6.0 ميلليمەتردەن تومەن بولماۋى كەرەك. نەگىزگى تۇسىندىرمە بەتىنىڭ كولەمى 100 شارشى سانتيمەتردەن تومەن بولعان كەزدە، ەسكەرتۋ مازمۇنىنىڭ ارىپتەرىنىڭ ەڭ كىشى بيىكتىگى جوعارىداعى بەلگىلەمە بويىنشا سالىستىرمالى تۇردە وزگەرىپ وتىرادى.
پىكىر الاتىن جوبادا مىنالار تالاپ ەتىلگەن: قۋاتتىق ازىق – تۇلىكتەردىڭ تۇسىندىرمەسىندە شاعىمدانۋعا جانە قىزمەت وتەۋگە ارنالعان تەلەفون ءنومىرى بولەگى بولۋى، وعان شاعىمدانۋعا جانە قىزمەت وتەۋگە ارنالعان تەلەفون ءنومىرى، قىزمەت وتەۋ ۋاقىتى قاتارلى ينفورماتسيالار جازىلۋى كەرەك. شاعىمدانۋ جانە قىزمەت وتەۋ تەلەفونى ءارىبىنىڭ ۇلكەندىگى «قۋاتتىق ءونىم رولى» جازىلعان ءارىپتىڭ ۇلكەندىگىنەن كىشى بولماۋى كەرەك. تىركەۋگە نەمەسە ەستەلىككە الدىرعان ۇقساس قۋاتتىق ازىق – تۇلىكتىڭ شاعىمدانۋ جانە قىزمەت وتەۋ تەلەفون ءنومىرى ۇقساس بولۋى كەرەك. قۋاتتىق ازىق – تۇلىكتەردى ءوندىرۋشى جانە تيجارات ەتۋشى كاسىپورىندار قىزمەت وتەۋگە ۋادە بەرگەن ۋاقىت ارالىعىندا تەلەفوندى قابىلداۋعا، تۇتىنۋشىلاردىڭ شاعىمىن، اشكەرەلەۋىن ءبىرجاقتى ەتۋگە، قاتىستى قىزمەت وتەۋ ينفورماتسيالارىن ەستەلىككە الۋعا جانە ونى كەمىندە ەكى جىل ساقتاۋعا كەپىلدىك ەتۋى كەرەك.
بەلگىلەمە 2020 – جىلى 1 – ايدىڭ 1 – كۇنىنەن باستاپ كۇشكە يە بولادى. 2020 – جىلى 1 – ايدىڭ 1 – كۇنىنەن بۇرىن وندىرىلگەن قۋاتتىق ازىق – تۇلىكتەردى ساقتالاتىن ۋاقىتى اياقتاعان كەزگە دەيىن ساتۋعا بولادى. 2020 – جىلى 1 – ايدىڭ 1 – كۇنىنەن كەيىن وندىرىلگەن قۋاتتىق ازىق – تۇلىكتەردىڭ تۇسىندىرمەسى وسى ۇقتىرۋدىڭ تالابىنا سايكەس كەلمەسە، «جۇڭحۋا حالىق رەسپۋبليكاسى ازىق – تۇلىك حاۋىپسىزدىگى زاڭىنىڭ» 124 –، 125 – تارماقتارىنداعى قاتىستى بەلگىلەمەلەر بويىنشا جازالاۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
