لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2019.01.31 16:16 كەلۋ قاينارى : حالىق تورابى
شينحۋا اگەنتتىگى، 1 – ايدىڭ 30 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 1 – ايدىڭ 30 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى. ماجىلىستە حالىقتىق كاسىپورىنداردىڭ، ورتا، شاعىن كاسپورىنداردىڭ كەشەۋىلدەتىلگەن قاراجاتىن اداقتاۋ جونىندەگى قىزمەت دوكلادى تىڭدالدى، كەشەۋىلدەتىلگەن قاراجاتتى اداقتاۋ تەبىنىن نىعايتۋدىڭ باياندى مەحانيزمىن كەمەلدەندىرۋ تالاپ ەتىلدى، تۇراقتى مۇلىكتى تىزىمدەپ ءبىر جاقتى ەتۋ ۋاقىتىن بارىنشا قىسقارتۋ جونىندە شارالار العا قويىلىپ، كاسىپورىندار مەن جۇرتشىلىقتىڭ ءىس بىتىرۋىنە قولايلىلىق جاساۋ دارىپتەلدى؛ «كەرەكتەن شىققان اۆتوكولىكتەردى قايتا جيناپ الۋدى باسقارۋ ءادىسى (وزگەرىس ەنگىزىلگەن جوبا نۇسقاسى)» ماقۇلداندى.
ماجىلىستە بىلاي دەپ اتاپ كورسەتىلدى: پارتيا ورتالىق كوميتەتى مەن مەملەكەتتىك كەڭەستىڭ ورنالاستىرۋىنا ساي، بىلتىر 11 - ايدان بەرى جەر - جەر مەن قاتىستى تاراۋلار جانە مەملەكەت مەنشىگىندەگى ءىرى كاسىپورىندار حالىقتىق كاسپورىنداردىڭ، ورتا، شاعىن كاسىپورىنداردىڭ كەشەۋىلدەتىلگەن قاراجاتىن بەلسەندى اداقتادى. قازىر بۇكىل ەلىمىزدەگى ۇكىمەت تاراۋلارى مەن مەملەكەت مەنشىگىندەگى ءىرى كاسىپورىندار 160 ميلليارد يۋاننان استام قاراجاتتى اداقتاپ يەلەرىنە تابىس ەتتى، شارۋا جۇمىسكەرلەر مەن حالىق تۇرمىسى ينجەنەريالارىنىڭ كەشەۋىلدەتىلگەن قاراجاتتارى الدىمەن اداقتاپ قايتارىلدى. كەلەسى قادامدا بىرىنشىدەن، اداقتاۋ قىزمەتى ءۇرتىس تەبىندى جۇرگىزىلىپ، اداقتاپ قايتارۋ جوسپارى بەلگىلەنىپ، كوكتەم مەرەكەسىنەن ىلگەرى شارۋا جۇمىسكەرلەردىڭ كەشەۋىلدەتىلگەن ەڭبەكاقىلارى تۇگەلدەي قايتارىلادى. جەرگىلىكتى ۇكىمەتتەردىڭ جاڭادان ارتقان زايومى كەشەۋىلدەتىلگەن قاراجاتتى قايتارۋعا جۇمسالىپ، جەرگىلىكتى ۇكىمەتتەر قارجى قۇراۋ تەكشەسى ارقىلى زايوم تاراتىپ نەمەسە باسقا دا فينانستىق تاسىلدەر ارقىلى زايومنان ىركىلگەن ءوسىم اقشانى كەشەۋىلدەتىلگەن قاراجاتتى قايتارۋعا جۇمسايدى. قازىر تۇراقتاندىرىلعان كوپ جىل بويى كەشەۋىلدەتىلىپ كەلگەن قاراجاتقا بايلانىستى بۇكىل ەلىمىزدەگى ۇكىمەت تاراۋلارى مەن مەملەكەت مەنشىگىندەگى ءىرى كاسىپورىندار كەمىندە جارتىسىنان استامىن جىل سوڭىنا دەيىن قايتارىپ بولادى. ورتالىقتاعى كاسپورىندار حالىقتىق كاسىپورىنداردىڭ كەشەۋىلدەتىلگەن قارىزىن باستاماشى بولىپ قايتارىپ، جىل سوڭىنا دەيىن قۇتىلۋعا كۇش سالادى. وزگە كاسىپورىندار دا قارىزدى جەدەل قايتارادى. ەكىنشىدەن، ۇلگى الىپ تەكسەرۋ، قازىنالىق باقىلاۋ كۇشەيتىلىپ، ناشار ىقپال تۋدىرعان تيپتىك دەلولار جاريالانىپ، سەنىمنەن ايرىلعاندارعا بىرلەسە وتىرىپ جازا قولدانىلادى. ۇشىنشىدەن، قاراجاتتى كەشەۋىلدەتۋدەن ساقتانۋدىڭ باياندى مەحانيزمى ورناتىلىپ، ۇكىمەتتىك ينجەنەريا نىساندارىنا ءتۇرلى فورمامەن كاسىپورىنداردان قوسىمشا قارجى قوسىپ كوتەرمەگە الۋدى تالاپ ەتۋگە تيىم سالىنادى. ينجەنەريانىڭ ىلگەرىلەۋ اياق الىسىنا قاراي قاراجات تولەۋدىڭ سالىستىرمالى تالابى جوعارىلاتىلادى، قاتىستى زاڭ - ەرەجە كەمەلدەندىرىلەدى، جاڭادان قارىزدانۋ ءجايتى قاتاڭ تەجەلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
