مەملەكەتتىك ساياسي كەڭەستىڭ ورىنباسار ءتوراعاسى ما بياۋ تەكسەرۋ - زەرتتەۋ گرۋپپاسىن باستاپ شينجياڭعا تەكسەرۋ - زەرتتەۋ جۇرگىزۋگە كەلدى
پارتيانىڭ باسشىلىعىن كۇشەيتىپ، مىندەت اتقارۋ ساپاسى باعدارىن ورناتايىق
2019.01.29 14:58 كەلۋ قاينارى : شينجياڭ گازەتى
ءتىلشى لي ياڭ 1 - ايدىڭ 27 - كۇنى ۇرىمجىدەن حابارلايدى. 1 - ايدىڭ 23 - كۇنىنەن 27 - كۇنىنە دەيىن مەملەكەتتىك ساياسي كەڭەستىڭ ورىنباسار ءتوراعاسى ما بياۋ مەملەكەتتىك ساياسي كەڭەستىڭ تەكسەرۋ - زەرتتەۋ گرۋپپاسىن باستاپ شينجياڭعا كەلىپ، جەرگىلىكتى ورىننىڭ ساياسي كەڭەس قىزمەتىنە تەكسەرۋ - زەرتتەۋ جۇرگىزدى. 1 - ايدىڭ 27 - كۇنى تۇستەن بۇرىن تەكسەرۋ - زەرتتەۋ گرۋپپاسىنداعىلار ۇرىمجىدە اڭگىمە ءماجىلىس اشتى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى اڭگىمە ماجىلىسكە قاتىناستى.
تەكسەرۋ - زەرتتەۋ گرۋپپاسى شينجياڭداعى كەزىندە ىلگەرىندى - كەيىندى تارباعاتاي ايماعى، تۇرپان قالاسى سياقتى جەرلەرگە بارىپ، ساياسي كەڭەس تارباعاتاي ايماقتىق قىزمەت كوميتەتى، ءدوربىلجىن اۋداندىق ساياسي كەڭەس، تۇرپان قالالىق ساياسي كەڭەس، ءپىشان اۋداندىق ساياسي كەڭەس قاتارلى نەگىزگى ساتىداعى ساياسي كەڭەس ۇيىمدارىنا جانە مۇشەلەردىڭ مىندەتىن اتقارۋ ءبىرىنشى شەبىنە ىشكەرىلەي بارىپ، ساياسي كەڭەس كادرلارىمەن، نەگىزگى ساتىداعى مۇشەلەرمەن اڭگىمەلەسىپ، اۋىس - ءتۇيىس جاساپ، ولاردىڭ ۇسىنىس - پىكىرلەرىن دەن قويا تىڭدادى.
ما بياۋ مىنانى اتاپ كورسەتتى: جاقىنعى جىلداردان بەرى، اۆتونوميالى رايونداعى ءار دارەجەلى ساياسي كەڭەس ۇيىمى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، اۆتونوميالى رايوندىق پارتكومنىڭ وزەكتى قىزمەتىن ارقاۋ ەتىپ، يدەيالىق ساياسي جاقتان جەتەكشىلىك ەتۋدى كۇشەيتىپ، ورتاق تانىمدى كەڭىنەن ۇيىستىرىپ، مۇقياتتىلىقپەن مىندەت اتقارىپ، جاۋاپكەرشىلىگىن ادا ەتىپ، ورنىقتىلىقتى قورعاۋ، كەدەيلىكتەن ارىلتۋدان قامال الۋ، نەگىزگى ساتىنىڭ نەگىزىن بەكەمدەۋ سياقتى جاقتاردا كوپتەگەن ناقتى قىزمەتتەر ىستەپ، شينجياڭ قىزمەتىنىڭ باس نىساناسىن جۇزەگە اسىرۋ ءۇشىن ماڭىزدى ۇلەس قوستى. سونىمەن بىرگە، جەرگىلىكتى ورىن ساياسي كەڭەسىنىڭ رولىن ساۋلەلەندىرۋ جاقتارىندا كوپتەگەن تاماشا تاجىريبەلەردى، جاقسى ادىستەردى قالىپتاستىردى، ۇيرەنۋگە، ۇلگى الۋعا تاتيدى.
ما بياۋ مىنانى باسا دارىپتەدى: اۆتونوميالى رايونداعى ءار دارەجەلى ساياسي كەڭەس ۇيىمدارى ساياسي دەڭگەيدى اناعۇرلىم جوعارىلاتىپ، باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە ونى جاقسارتۋ جونىندەگى ماڭىزدى يدەياسىن ىشكەرىلەي ۇيرەنۋ، دايەكتىلەندىرۋ جاعىنا كۇش سالۋ كەرەك. جاڭا داۋىردەگى حالىق ساياسي كەڭەسىنىڭ جاڭا ورنى مەن جاڭا بورىشىن كوزدە ۇستاپ، جەرگىلىكتى ورىن ساياسي كەڭەسىنىڭ مەملەكەتتى جونگە سالۋداعى ماڭىزدى رولىن جەتە تانىپ، پارتيانىڭ باسشىلىعىنا تاباندى بولىپ جانە ونى كۇشەيتىپ، مىندەت اتقارۋ ساپاسى باعدارىن ورناتىپ، ساپانى جوعارىلاتىپ، ونىمدىلىكتى ارتتىرۋدى مىندەت اتقارۋ قىزمەتىنىڭ تۇتاس بارىسىمەن جانە ءار جاعىمەن ساباقتاستىرۋ كەرەك. جاڭا داۋىردەگى ساياسي كەڭەس قىزمەتىنىڭ ەرەكشەلىگى جانە قاعيداسى جونىندە ىزدەنىس جاساپ جانە ونى يگەرىپ، نەگىزگى ساتىداعى كەڭەستىك دەموكراتيادا حالىق ساياسي كەڭەسىنىڭ وزگەشە ارتىقشىلىعى مەن رولىن ويداعىداي ساۋلەلەندىرۋ كەرەك. نازاريالىق زەرتتەۋدى اناعۇرلىم كۇشەيتىپ، جاڭا داۋىردەگى ساياسي كەڭەس قىزمەتىنىڭ تۇزىمدەنۋىن، جۇيەلىلەنۋىن، تارتىپكە ءتۇسۋىن ىلگەرىلەتۋ جاعىندا ۇزدىكسىز كۇش سالىپ، حالىق ساياسي كەڭەس ءتۇزىمىنىڭ اناعۇرلىم تولىسۋىن، اناعۇرلىم تۇراقتانۋىن ىلگەرىلەتۋ ءۇشىن ۇلەس قوسۋ كەرەك.
نۇرلان ءابىلماجىن ۇلى اۆتونوميالى رايوندىق ساياسي كەڭەستىڭ قىزمەت جاعدايىنان مالىمەت بەردى. ول مىنانى اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك ساياسي كەڭەستىڭ دەن قويا جەتەكشىلىك ەتۋىندە جانە اۆتونوميالى رايوندىق پارتكومنىڭ دۇرىس باسشىلىعىندا، تۇتاس رايونىمىزداعى ءار دارەجەلى ساياسي كەڭەس ۇيىمدارى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن دايەكتىلەندىرىپ، تياناقتاندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ارناۋلى كەڭەس قۇرىلىمى رولىن تولىق ساۋلەلەندىرىپ، نازاريالىق ۇيرەنۋدى، قوس باعىتتا كۇش سالۋدى، ءتۇزىم قۇرىلىسىن، ۇسىنىس جوبانىڭ ساپاسىن، وزىندىك قۇرىلىستى، بايلانىس جاساۋ، جەتەكشىلىك ەتۋدى مىقتاپ يگەرىپ، ساياسي كەڭەس قىزمەتىندە ۇزدىكسىز جاڭا جاعداي جاساۋدى ىلگەرىلەتتى. بۇدان كەيىنگى قىزمەت بارىسىندا پارتيانىڭ حالىق ساياسي كەڭەس قىزمەتىنە جاپپاي باسشىلىعىنا ۇزدىكسىز تاباندى بولىپ، نازاردى شينجياڭ قىزمەتىنىڭ باس نىساناسىنا شوعىرلاندىرۋ نەگىزىندە مىندەت اتقارىپ، جاۋاپكەرشىلىگىن ادا ەتۋگە تاباندى بولىپ، يدەيالىق ساياسي جاقتان جەتەكشىلىك ەتۋدى، ورتاق تانىمدى كەڭىنەن ۇيىستىرۋدى مىندەت اتقارۋ قىزمەتىنىڭ وزەكتى بۋىنى ەتۋگە تاباندى بولىپ، مىندەت اتقارۋ ساپاسى باعدارىن اناعۇرلىم كورنەكتى ورىنعا قويۋعا تاباندى بولىپ، نازاريالىق زەرتتەۋدى جانە امالياتتىق ىزدەنىستى ونان ارى كۇشەيتۋگە تاباندى بولىپ، باس نىساناعا اناعۇرلىم جاقسى قىزمەت ەتۋ ءۇشىن كۇش - قۋاتىمىزدى ارنايمىز.
ماجىلىستە اۆتونوميالى رايوندىق پارتكوم بىرلىكساپ بولىمىندەگى قاتىستى جاۋاپتى جولداس، نەگىزگى ساتىداعى ساياسي كەڭەستەگى جانە دەموكراتيالىق پارتيا - توپتاردىڭ شينجياڭ رايوندىق كوميتەتتەرىندەگى ءبىر ءبولىم جاۋاپتى جولداستار مالىمەت بەرىپ ءسوز سويلەدى ءارى تەكسەرۋ - زەرتتەۋ گرۋپپاسىنىڭ مۇشەلەرىمەن ءوزارا پىكىر اۋىستىردى.
مەملەكەتتىك ساياسي كەڭەستىڭ تەكسەرۋ - زەرتتەۋ گرۋپپاسىنىڭ مۇشەلەرى چىن حۇيفىڭ، نيۋ ليۋىن، اۆتونوميالى رايوندىق ساياسي كەڭەستىڭ ورىنباسار ءتوراعاسى چىڭ جىنشان قاتىستى قيمىلدارعا جەكە - جەكە قاتىناستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
