وبا قالاي تارالادى، وبادان قالاي ساقتانۋ كەرەك؟
تومەندەگى وبا ىندەتىنەن ساقتانۋ بىلىمدەرىن ءبىلىپ الىڭىز
2020.07.15 15:11 كەلۋ قاينارى : حالىق تورابى
حالىق تورابىنىڭ 7 – ايدىڭ 13 – كۇنى حاربيننەن بەرگەن حابارى. 7 – ايدىڭ 13 – كۇنى حيلۇڭجياڭ ولكەلىك دەنساۋلىق ساقتاۋ، سالاماتتىق كوميتەتى، ولكەلىك اۋرۋدان ساقتانۋ - تىزگىندەۋ ورتالىعى وبا ىندەتىنەن ساقتانۋ جانە ونى تىزگىندەۋ جونىندە نۇسقاۋ بەردى.
وبا ىندەتىنىڭ نەگىزگى ەرەكشەلىگى
وبا − ءبىر ءتۇرلى كۇشتى جۇقپالى اۋرۋ. وبا − ەرسىن تاياقشا باكتەرياسى تۋدىرعان، ەلىمىزدەگى ەكى A تۇردەگى جۇقپالى اۋرۋدىڭ ءبىرى. جۇعىمتالدىعى كۇشتى، اۋىرىپ قايتىس بولۋ مولشەرى جوعارى، تارالۋ جىلدامدىعى تەز. جاسىرىن مەزگىلى قىسقا، ادەتتە 1 ~ 6 كۇن ارالىعىندا بولادى. كوبىندە 2 - 3 كۇن، ءىشىنارا ناۋقاستاردا 8 - 9 كۇنگە بارادى.
وبا ىندەتىنىڭ كلينيكالىق بەلگىسى
وبا باكتەرياسىمەن جۇعىمدالعاننان كەيىن كلينيكادا بەز وباسى، وكپە وباسى جانە شىرىك قان اۋرۋى تيپىندەگى وبا دەپ بولىنەدى. بەز وباسى ەڭ كوپ كەزىگەدى. ادەتتە قىزۋى ورلەيدى جانە ءبىر ءبولىم ورىنداعى ليمفا تۇيىندەرى ىسىنەدى، ساۋىعۋ مولشەرى جوعارى بولادى. وكپە وباسى كوبىنەسە قاتتى قىزادى، جوتەلەدى، كەۋدەسى قىسىلادى، تىنىس الۋى قيىندايدى، جوتەلگەندە قان كەلەدى، اۋرۋ شۇعىل قوزعالاتىندىقتان، تەز اسقىنادى، ەگەر دەر كەزىندە ەمدەلمەسە، قايتىس بولۋ مولشەرى جوعارى بولادى. شىرىك قان اۋرۋى تيپتى وبا − وبا ىندەتىنىڭ ەڭ قاتەرلى ءبىر ءتۇرى، قايتىس بولعاندار كوگەرىپ كەتەتىن جانە تەرىسىنەن قان شىعىپ كەتەتىندىكتەن تەرىسى قارايىپ كەتەدى، سوندىقتان «قارايىپ ٶلۋ ىندەتى» دەپ تە اتالادى.
وبا ىندەتىنىڭ تارالۋ جولدارى
دانەكەرلىك جولمەن تارالۋ: بۇرگە وبا ىندەتىنىڭ تارالۋىنداعى نەگىزگى دانەكەر.
جۇعىسۋ ارقىلى تارالۋ: ادامزات اڭ اۋلاۋ، سويۋ، تەرىسىن سىپىرۋ جانە ەتىن جەۋ سياقتى تاسىلدەر ارقىلى ىندەتكە شالدىققان جانۋارلارعا تىكەلەي جۇعىسسا وبا ىندەتىنە وڭاي شالدىعادى.
ۇشپا كوبىك ارقىلى تارالۋ: وكپە وبا اۋرۋىنا شالدىققانداردىڭ ىشىندە وبا باكتەرياسى كوپ بولادى، ناۋقاس تىنىس العاندا، جوتەلگەندە وبا باكتەرياسىن توڭىرەگىندەگى اۋاعا شىعارادى، باكتەريا اۋادا گاز ەرىتكىش جەلىمدى قالىپتاستىرىپ، باسقالارعا وڭاي جۇعادى. مىسالى، وكپە وبا ىندەتىنە جۇعىمدالعان جانۋارلارمەن جاقىنداعاندا تىنىس جولى ارقىلى دا جۇعىمدالادى.
وبا ىندەتىنە وڭاي شالدىعاتىن ادامدار
وبا باكتەرياسى ادامعا جالپى بەتتىك وڭاي جۇعادى، ارناۋلى يممۋنيتەت جوق. ادامزات وبا باكتەرياسىمەن جۇعىمدالعان سوڭ ومىرلىك يممۋنيتەتتىك قۋاتقا يە بولادى.
وبا ىندەتىن ەمدەۋ
ءدارى ىستەۋدە الدىمەن سترەپتوميتسين تاڭدالادى، دەر كەزىندە، جەتكىلىكتى ەتىپ، بىرلەستىرىپ سەزىمتال باكتەرياعا قارسى دارىلەردى ىستەتسە، ءونىمى ءبىرشاما جاقسى بولادى.
جۇرتشىلىق جەكەلىك ساقتىقتى قالاي كۇشەيتۋى كەرەك
تاماشا جەكە تازالىق ادەتىن قالپتاستىرۋ كەرەك، مىسالى قول جۋۋ سياقتى. ادام كوپ جەرگە مۇمكىندىگىنشە بارماۋ، ەمدەۋ قۇرىلىمدارىنا باراعاندا نەمەسە وزىندە قىزۋ، جوتەلۋ سياقتى اۋرۋ بەلگىلەرى بايقالعاندا دەر كەزىندە ماسكى تاعۋ كەرەك.
ەگەر ءوزىن اۋرۋمەن جۇعىستىم دەپ كۇماندانسا، ءوزىن - ءوزى باقىلاۋعا بولادى. نەمەسە جەرگىلىكتى اۋرۋدى تىزگىندەۋ تاراۋلارىنا ىرىقتىلىقپەن مالىمدەپ، كاسىپتىك جاقتان جەتەكشىلىك قابىلداۋىنا بولادى، قىزۋ، جوتەلۋ قاتارلى اۋرۋ بەلگىلەرى بايقالعاندا دەر كەزىندە ەمدەلۋ كەرەك.
سىرتقا شىعىپ ساياحاتتاعاندا جابايى حايۋاناتتارمەن جاناسۋدى ازايتۋ كەرەك. دەنساۋلىق جاعدايى بەلگىسىز سۋىر سياقتى ىندەت قاينارى بار حايۋاناتتاردى قىزىقتاۋعا بولمايدى. بۇرگەدەن ساقتانۋ ءدارىسىن ىستەتۋ ارقىلى دەنەنىڭ اشىلىپ قالۋىن ازايتىپ، بۇرگەنىڭ شاعۋىنان ساقتانۋ، جابايى حايۋاناتتاردى بەتالدى اۋلاماۋ، جەمەۋ كەرەك. (ياڭ شۋەنان، چىڭ يان)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
