وتباسىندا جۇكتى ايەل نەمەسە سوزىلمالى اۋرۋى بار ادام بار بولسا، ءۇيدى قالاي زارارسىزداندىرۋعا بولادى؟
2020.08.12 13:20 كەلۋ قاينارى : حالىق تورابى
وتباسىندا جۇكتى ايەل نەمەسە سوزىلمالى اۋرۋى بار ادام قاتارلىلار بار بولسا، ءۇيدى زارارسىزداندىرۋدا قانداي ىستەرگە ءمان بەرۋ كەرەك؟ 8 – ايدىڭ 11 – كۇنى ساعات 17 دە، شينجياڭ ۇيعۇر اۆتونوميالى رايوندىق اقپارات كەڭسەسى ءۇرىمجى قالاسىنداعى جاڭا تيپتەگى ايدارشا ۆيروس وكپە قابىنۋ ىندەتىنەن ساقتانۋ جانە ونى تىزگىندەۋ قىزمەتى جونىندەگى 25 – رەتكى اقپار جاريالاۋ ءماجىلىسىن اشىپ، ءۇرىمجى قالالىق اۋرۋدى تىزگىندەۋ ورتالىعىنىڭ ورىنباسار مەڭگەرۋشىسى ۋىن گوشين بۇل جونىندە تۇسىنىك بەردى.
ۋىن گوشين بىلاي دەپ تانىستىردى: ۇقساماعان وتباسىلار جونىنەن ايتقاندا، ءۇيدى زارارسىزداندىرۋ شارالارى ۇقسامايدى. جۇعىمدالۋشى بايقالعان وتباسىلار جونىنەن ايتقاندا، ناۋقاستى جوتكەپ اكەتكەن سوڭ، كاسىپتىك قىزمەتكەرلەر ناۋقاس تۇرعان ءۇيدى تۇبەگەيلى زارارسىزداندىرادى؛ ۇيدە وتىرىپ، ىندەتتەن ساقتانۋعا سايكەسىپ جاتقان وتباسىلار جونىنەن ايتقاندا، نەگىزىنەن كۇندەلىكتى تازالىقتى ويداعىداي ىستەۋ نەگىزىندە، اپتاسىنا ءبىر رەت ساقتانۋ سيپاتىندىق زارارسىزداندىرۋ جۇرگىزىپ وتىرسا بولعانى. كۇندەلىكتى تۇرمىستا وتباسىلىق زارارسىزداندىرۋ شارالارى نەگىزىنەن قولدى ۇنەمى جۋۋ، ءۇيدىڭ اۋاسىن الماستىرىپ تۇرۋ، ىدىس – اياقتى زارارسىزداندىرۋ جانە ءۇي جيھازدارىن، ۇيدەگى زاتتاردى زارارسىزداندىرۋ قاتارلى 4 جاقتى قامتيدى. وتباسىندا جۇكتى ايەل، سوزىلمالى اۋرۋى بار ادام قاتارلىلار بار ءۇيدى زارارسىزداندىرۋدا، نەگىزىنەن قولدى ۇنەمى جۋۋ، ءۇيدىڭ اۋاسىن الماستىرىپ تۇرۋ، ىدىس – اياقتى زارارسىزداندىرۋ، ۇيدەگى زاتتاردى زارارسىزداندىرۋدى نەگىز ەتۋ كەرەك، تەك زارارسىزداندىرعىشتى تاڭداۋ جانە زارارسىزداندىرۋدى اتقارۋ جاقتارىندا اناعۇرلىم كوڭىل بولسە بولعانى.
بىرىنشىدەن، وتباسى مۇشەلەرى وتباسىنداعى جۇكتى ايەل، سوزىلمالى اۋرۋى بار ادام قاتارلى ەرەكشە توپتاردىڭ اباي بولۋىن قاجەت ەتەتىن ءدارى – دارمەكتەر مەن ولارعا رەاكسيا بەرەتىن زارارسىزداندىرعىشتاردىڭ (مىسالى، سپيرت، 84 زارارسىزداندىرۋ سۇيىقتىعىنىڭ ءيىسى قاتارلى رەاكسيا بەرەتىن زاتتار) بار – جوقتىعىن انىق ءبىلۋى كەرەك، شەكتەلەتىن زارارسىزداندىرعىشتاردى قولدانۋدان ساقتانىپ، بۇل زاتتاردىڭ اۋرۋدى قوزدىرۋىنان اباي بولۋ كەرەك.
ەكىنشىدەن، ەرەكشە توپتاعى ادامدار جەكە باسىندىق قورعانۋدى ويداعىداي ىستەپ، ۇنەمى قول جۋىپ، ءۇيدىڭ اۋاسىن قايتا – قايتا الماستىرىپ تۇرۋى كەرەك.
ۇشىنشىدەن، ەرەكشە توپتاعى ادامدار بار وتباسىندا تازالىق ىستەۋ بارىسىندا تازالىق ىستەۋدى نەگىز ەتىپ، زارارسىزداندىرۋدى قوسىمشا اتقارعانى ءجون. ءار كۇنى تازا سۋعا مالىنعان سۇرتكىشپەن ءۇي جيھازدارى، كىنوپكالار، ەسىك تۇتقاسى، سۋ شۇمەگى، الىستان مەڭگەرگىش قاتارلى ۇنەمى قول تيگىزەتىن زاتتاردىڭ بەتكى جاعىن ءسۇرتىپ، اپتاسىنا ءبىر رەت زارارسىزداندىرىپ تۇرۋ قاجەت. زارارسىزداندىرۋ جۇمىسىن ەڭ جاقسىسى دەنساۋلىعى جاقسى وتباسى مۇشەسى اتقارعانى ابزال، ءارقايسى بولمەلەردى كەزەكپەن زارارسىزداندىرۋعا بولادى. ءبىر بولمەنى زارارسىزداندىرىپ بولعان سوڭ، جۇكتى ايەلدى نەمەسە سوزىلمالى اۋرۋى بار ناۋقاستى زارارسىزداندىرعان بولمەگە جوتكەپ دەمالتىپ، ونان سوڭ بارىپ ول جاتقان بولمەنى زارارسىزداندىرۋعا بولادى. ەگەر ەرەكشە توپتاعى ادام ءوزى جالعىز تۇراتىىن بولسا، زارارسىزداندىرۋ بارىسىندا، ءسوزسىز، ساقتىقتى ويداعىداي ىستەۋى قاجەت، مىسالى، ۇزىن كاۋچۇك قولعاپ كيۋ، ماسكى تاعۋ، شالعىش تارتۋ كەرەك، زارارسىزداندىرۋ سۇيىقتىعىنىڭ تەرىمەن، كىلەگەيلى قابىقپەن تىكەلەي جاناسۋىنان نەمەسە كيىمدى بۇلدىرۋىنەن ساقتانۋ قاجەت.
تورتىنشىدەن، دەمىكپە، جۇرەك – قان تامىر اۋرۋلارى بار ناۋقاستار شۇعىل جاعدايلاردا پايدالاناتىن دارى – دارمەكتەردى دايىنداپ قويۋى، شۇعىل قاجەت بولعاندا تابىلماي قالۋىنان ساقتانۋ كەرەك.
ۋىن گوشين بىلاي دەدى: «باسا دارىپتەۋگە قاجەتتى ءتۇيىن: وتباسىلىق زارارسىزداندىرۋدى شەكتەن اسىرىپ جىبەرۋدىڭ قاجەتى جوق بولىپ قالماستان، كەرىسىنشە بۇل بولمە ءىشىن لاستاپ، دەنساۋلىققا زيان جەتكىزۋى مۇمكىن، سوندىقتان، كوپشىلىكتىڭ زارارسىزداندىرۋدى شەكتەن اسىرىپ جىبەرمەۋىن ءۇمىت ەتەمىز. (تيانشان تورابىنىڭ تىلشىلەرى گو ليڭ، دوۋ شيڭجۇن، ي تۇڭيۋان، جانات تولقىن ۇلى حابارلايدى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
