كەزەكتەگى ەكونوميكالىق جاعداي مەن ەكونوميكالىق قىزمەتكە تالداۋ جاساپ، اقىلداستى
2017.07.26 16:05 كەلۋ قاينارى : شينجياڭ گازەتى
ج ك پ ورتالىق كوميتەتىنىڭ ساياسي بيۋروسى 24 - شىلدەدە ءماجىلىس اشىپ، قازىرگى ەكونوميكالىق جاعدايعا تالداۋ جاساپ، اقىلداسىپ، جىلدىڭ سوڭعى جارتىسىنداعى ەكونوميكالىق قىزمەتتى ورنالاستىردى. ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.
ماجىلىستە بىلاي دەپ ەسەپتەلدى: بيىل جىل باسىنان بەرى، كۇردەلى دە الماعايىپ ىشكى - سىرتقى جاعداي الدىندا، رايوندار، تاراۋلار ورتالىقتىڭ ەكونوميكالىق قىزمەتىنىڭ ورنالاستىرۋىنا ساي، قىزمەتتىڭ ورنىقتىلىق بارىسىندا ىلگەرىلەۋ سىندى نەگىزگى اۋەنىنەن جازباي، جاڭا دامۋ ۇستانىمىن دايەكتىلەندىرىپ، تياناقتاندىرىپ، قامداۋ جاعىنداعى قۇرىلىمدىق رەفورمانى ىلگەرىلەتۋدى نەگىزگى جەلى ەتىپ، ءتۇرلى قىزمەتتەردى ءونىمدى تۇردە ىلگەرىلەتىپ، ەكونوميكالىق دامۋدىڭ ورنىقتىلىق بارىسىندا جاقسارۋعا بەت الۋ اۋقىمىن ساقتادى. جىلدىڭ الدىڭعى جارتىسىندا ەكونوميكالىق اينالىم ۇيلەسىمدى اۋماقتا بولدى، نەگىزگى كورسەتكىشتەر مەجەدەگىدەن جاقسى بولدى، قالا - قالاشىقتاردا جۇمىستاندىرۋ ورنىقتى تۇردە ارتتى، قازىنالىق كىرىس، كاسىپورىنداردىڭ پايداسى، تۇرعىندار كىرىسى ءبىرشاما تەز ارتتى، ساپا ونىمدىلىگى ءوستى. زات باعاسى جالپى العاندا ورنىقتى بولدى. ەكونوميكالىق قۇرىلىمدى رەتتەۋ ۇزدىكسىز تەرەڭدەتىلدى، تۇتىنۋ سۇرانىسىنىڭ ەكونوميكالىق ارتۋعا دەم بەرۋ رولى كۇشتى سەرپىنىن ساقتادى، كاسىپ قۇرىلىمىن رەتتەۋ تەزدەتىلدى، قاجەتتەن اسقان ءوندىرىس قۋاتى ۇزدىكسىز تۇردە ءبىر جاقتى ەتىلدى، تۇتىنۋ دەڭگەيىنىڭ وسۋىنە ۇيلەسەتىن كاسىپ سالالارى مەن ستراتەگيالىق جاڭا كاسىپتەر شاپشاڭ دامىدى، ءاربىر كاسىپ سالاسىنىڭ ىشكى ۇيىمدىق قۇرىلىمى جاقساردى. وڭىرلەردىڭ سەلبەسكەن ىقپالداستىق اسەرى العاشقى قادامدا جارىققا شىقتى، «ءبىر بەلدەۋ، ءبىر جول» قۇرىلىسى، بەيجيڭ، تيانجين، حىبەيلەردىڭ سەلبەسە دامۋى، چاڭجياڭ ەكونوميكالىق بەلدەۋىنىڭ دامۋى سىندى ءۇش ءىرى ستراتەگيا ىشكەرىلەي اتقارىلدى، كەدەيلىكتەن قۇتىلدىرۋدان قامال الۋ شايقاسىنىڭ ونىمدىلىگى كورنەكتى بولدى، ەكولوگيانى قورعاۋدا، قورشاعان ورتانى جونگە سالۋدا تىڭ ىلگەرىلەۋشىلىكتەرگە قول جەتتى. جاڭا دامۋ ۇستانىمى مەن قامداۋ جاعىنداعى قۇرىلىمدىق رەفورما جونىندەگى شەشىمدەر مەن ورنالاستىرۋلار كۇن سايىن جۇرت جۇرەگىنە تەرەڭ ۇيالادى، ۇكىمەت پەن كاسىپورىنداردىڭ ارەكەتىندە بەلسەندى وزگەرىستەر جارىققا شىعۋدا، قامداۋ مەن قاجەتتىڭ قاتىناسىنىڭ وزگەرىسىن جەبەپ، بازار سەنىمىنىڭ بىرتىندەپ جاقسارۋىن ىلگەرىلەتتى.
ماجىلىستە بىلاي دەپ اتاپ كورسەتىلدى: ناتيجەلەردى تولىق تۇراقتاندىرۋمەن قاتار، ەكونوميكالىق اينالىمدا ءالى دە ءبىرتالاي قايشىلىق پەن ماسەلە ورىن تەۋىپ وتىرعانىن ايقىن كورۋىمىز كەرەك. ەكونوميكانىڭ ۇزاق پەريودى جانە قۇرىلىمدى ساپالىلاندىرۋ، دارەجەسىن ءوسىرۋ تۇرعىسىنان، ەكونوميكالىق دامۋدىڭ كەزەڭدىك ەرەكشەلىگىن يگەرىپ، سانانى سەرگەك ۇستاپ جانە ستراتەگيالىق تۇراقتىلىقتى ساقتاپ، قامداۋ جاعىنداعى قۇرىلىمدىق رەفورمانى بۇلجىماي يگەرىپ، ەلەۋلى قاتەرلەردىڭ كومەسكى حاۋپىن ۇيلەسىمدى ءبىر جاقتى ەتىپ، ەكونوميكانىڭ، قوعامنىڭ باياندى، اقاۋسىز دامۋىن جەبەۋىمىز كەرەك.
ماجىلىستە مىنالار باسا دارىپتەلدى: جىلدىڭ سوڭعى جارتىسىنداعى ەكونوميكالىق قىزمەتتى جاقسى ىستەۋ ءۇشىن، قىزمەتتىڭ ورنىقتىلىق بارىسىندا ىلگەرىلەۋدەي نەگىزگى اۋەنىنەن جازباي، ورنىقتىلىق پەن ىلگەرىلەۋدىڭ قاتىناسىن ءتىپتى جاقسى يگەرۋ، تەپە - تەڭدىكتى، ورايدى، ولشەمدى جاقسى يگەرۋ كەرەك. ساياساتتىڭ ۇلاسپالىلىعى مەن تۇراقتىلىعىن ساقتاپ، بەلسەندى قازىنا ساياساتى مەن ورنىقتى اقشا ساياساتىن ويداعىداي اتقارىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋدەن جازباي، جالپى سۇرانىستى ۇيلەسىمدى كەڭەيتىپ، مەجە ارقىلى جەتەكشىلىك ەتۋدى كۇشەيتىپ، جاڭالىق اشۋ ارقىلى دەم بەرۋدى تەرەڭدەتىپ، ەكونوميكانىڭ ورنىقتى، اقاۋسىز دامۋىن قامتاماسىز ەتىپ، ەكونوميكالىق اينالىمنىڭ ساپاسى مەن ونىمدىلىگىن ءوسىرۋ؛ قامداۋ جاعىنداعى قۇرىلىمدىق رەفورمانىڭ تەرەڭدەتىلۋىن قامتاماسىز ەتىپ، ەكونوميكالىق قۇرىلىمدى رەتتەۋدە ماندىك ىلگەرىلەۋشىلىككە قول جەتۋىن ىلگەرىلەتۋ؛ جۇيەلىك فينانس قاتەرىنىڭ جارىققا شىقپاۋىنىڭ تومەنگى شەگىن ساقتاۋدى قامتاماسىز ەتۋ كەرەك. ءاربىر جاق قۇلشىنا قىزمەت ىستەپ، قوعامدىق جالپى جاعدايدىڭ ورنىقتىلىعىن ساقتاپ، ءوز قىزمەت بورىشتارىن ادا ەتىپ، پارتيا 19 - قۇرىلتايىنىڭ اشىلۋىنا تاماشا ورتا ازىرلەۋى كەرەك.
ماجىلسىتە مىنالار تالاپ ەتىلدى: جەر - جەر، تاراۋلار ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن كۇشەيتىپ، يدەيالىق تانىمدى پارتيا ورتالىق كوميتەتىنىڭ ەكونوميكالىق جاعداي تۋرالى تۇجىرىمىمەن بىرلىككە كەلتىرىپ، پارتيا ورتالىق كوميتەتى بەلگىلەگەن كەلەلى ساياسات - باعىتتاردى بۇلجىماي دايەكتى اتقارۋى كەرەك. ءبىر تۇتاس سايكەستىرىپ، قىزمەتتەردى ىجداعاتتىلىقپەن ىستەپ، ساياساتتىڭ بىرىككەن كۇشىن قالىپتاستىرۋى كەرەك. وسكەلەڭ جاۋاپتىلىق جانە جاۋاپكەرشىلىكتى باتىل ارقالاۋ رۋحى بولۋى، شەگە قاعۋ رۋحىن ساۋلەلەندىرىپ، اتقارۋ قابىلەتىن ۇزدىكسىز جوعارىلاتۋى كەرەك.
ماجىلىستە بىلاي دەپ باسا دارىپتەلدى: قامداۋ جاعىنداعى قۇرىلىمدىق رەفورمانى بۇلجىماي تەرەڭدەتىپ، «ءۇشتى ازايتىپ، ءبىردى تومەندەتىپ، ءبىردى تولىقتاۋدى» ىشكەرىلەي ىلگەرىلەتىپ، «تۇرالاڭقى كاسىپورىنداردى» ءبىر جاقتى ەتۋ سىندى تۇتقانى مىقتاپ ۇستاپ، بازار مەحانيزمىن كوبىرەك قولدانىپ، ۇزدىكتەرىنىڭ جەڭىپ، ناشارلارىنىڭ قاتاردان قالۋىن ىسكە اسىرۋ كەرەك. ولقىلىقتاردى تولىقتاۋ سەرپىنىن ارتتىرىپ، قامداۋ ساپاسىن جاقسارتۋ كەرەك. قوردالانىپ قالعان جەرگىلىكتى ۇكىمەتتىڭ قارىز قاتەرىن بەلسەندى، ورنىقتى تۇردە ءبىر جاقتى ەتىپ، جەرگىلىكتى ۇكىمەتتەردىڭ قارىز الىپ قارجى توپتاۋىن ءونىمدى تۇردە ارناعا ءتۇسىرىپ، كومەسكى قارىزدىڭ ءوسۋىن باتىل اۋىزدىقتاۋ كەرەك. فينانستاعى بەتالدى جايتتەردى ىشكەرىلەي تىڭعىلىقتى تۇردە وڭاپ، فينانستىق باقىلاۋ - باسقارۋداعى سايكەستىكتى كۇشەيتىپ، فينانستىڭ ناقتى ەكونوميكاعا قىزمەت كورسەتۋ ونىمدىلىگى مەن ورەسىن جوعارىلاتۋ كەرەك. قورا - جاي بازارىن ورنىقتىرىپ، ساياساتتىڭ ۇلاسپالىلىعى مەن تۇراقتىلىعىنا تاباندى بولىپ، باياندى مەحانيزمدى جەدەل قۇرۋ كەرەك. شەتەل قارجىسىن جانە حالىقتىق قارجىنى ورنىقتىرىپ، سەنىمدى ورنىقتىرىپ، مال - مۇلىك ۇقىعىن قورعاۋدى كۇشەيتىپ، شەتەل قارجىسى بازارىنا كىرۋدى كەڭەيتىپ، ىسكەرلىك ورتاسىنىڭ قارجى قوسۋشىلاردى تارتۋىن كۇشەيتۋ كەرەك. حالىق تۇرمىسى قىزمەتىنە بارىنشا ءمان بەرىپ، جۇمىستانۋدى بەلسەنە جەبەپ، قيىنشىلىعى بار قاۋىمنىڭ ءوندىرىس، تۇرمىستا جولىققان قيىنشىلىقتار مەن ماسەلەلەردى شەشۋىنە شىن مانىندە كومەكتەسۋ كەرەك.
ماجىلىستە باسقا ماسەلەلەر دە اقىلداسىلدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
