الدىڭعى جارتى جىلدا رايونىمىزدىڭ اۋىل - قىستاقتارىنداعى ءبىر ميلليون 475 مىڭ ارتىق ەڭبەككۇش باسقا سالاعا ويىسىپ جۇمىسقا ورنالاستى
2017.07.26 16:06 كەلۋ قاينارى : شينجياڭ گازەتى
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋعا قاراعاندا، وتكەن جارتى جىلدا رايونىمىزدىڭ اۋىل - قىستاقتارىنداعى ءبىر ميلليون 475 مىڭ ارتىق ەڭبەككۇش باسقا سالاعا ويىسىپ جۇمىسقا ورنالاسىپ، جىلدىق نىسانا مىندەتتىڭ %56.7ى ورىندالعان.
اۋىل - قىستاقتارداعى ارتىق ەڭبەككۇشتەردى باسقا سالاعا ويىستىرىپ جۇمىسقا ورنالاستىرۋ − رايونىمىزداعى جۇمىسقا ورنالاستىرۋ قىزمەتىنىڭ ماڭىزدى ءتۇيىنى. وتكەن جارتى جىلدا رايونىمىز اۋىل - قىستاقتارداعى ارتىق ەڭبەككۇشتەردى ءوز جەرىندە، جاقىن ماڭدا باسقا سالاعا ويىستىرىپ جۇمىسقا ورنالاستىرۋ، شينجياڭنىڭ وزىندە باسقا سالاعا ويىستىرىپ جۇمىسقا ورنالاستىرۋ، تۇتاس قۇرىلىم بويىنشا ىشكەرىدەگى كاسىپورىندارعا جىبەرىپ جۇمىسقا ورنالاستىرۋ سياقتى قىزمەتتەردى ۇزدىكسىز ىلگەرىلەتىپ، 12 مىڭ 588 ادامدى تۇتاس قۇرىلىم بويىنشا ۇيىمدى تۇردە ىشكەرىگە اپارىپ جۇمىسقا ورنالاستىرىپ، نىسانا مىندەتتىڭ %62.9ىن ورىندادى.
وڭتۇستىك شينجياڭدا اۋىل - قىستاقتارداعى ارتىق ەڭبەككۇشتەردى باسقا سالاعا ويىستىرۋ جەرگىلىكتى اۋىل - قىستاقتارداعى ەڭبەككۇشتىڭ قاجەتتەن اسىپ قالۋ ماسەلەسىن شەشۋدەگى، ەكونوميكانىڭ دامۋىن جەبەۋدەگى، كەدەيلىكتەن قۇتىلدىرىپ اۋقاتتانۋدى جۇزەگە اسىرۋداعى، ۇلتتار ىنتىماعىن جەبەۋدەگى ماڭىزدى ءتاسىل. وسى ءۇشىن، رايونىمىز وڭتۇستىك شينجياڭنىڭ اۋىل - قىستاقتارىنداعى ارتىق ەڭبەككۇشتەردى بارىنشا باسقا سالاعا ويىستىرىپ جۇمىسقا ورنالاستىردى، وتكەن جارتى جىلدا وڭتۇستىك شينجياڭنىڭ 3 ايماق، ءبىر وبلىسىنان جيىنى 799 مىڭ اۋىل - قىستاق ارتىق ەڭبەككۇشى باسقا سالاعا ويىستىرىلىپ، نىسانا مىندەتتىڭ %53.2ى ورىندالدى.
بيىل ساۋىردەن باستاپ، رايونىمىز قاشقار، حوتان ايماقتارىندا 3 جىلدا 100 مىڭ ادامدى جۇمىسقا ورنالاستىرۋ جوسپارىن اتقارىپ، مەملەكەت يەلىگىندەگى كاسىپورىنداردا ءبىر توپ ادامدى جۇمىسقا ورنالاستىرۋ، ءتۇيىندى كاسىپتەردە ءبىر توپ ادامدى جۇمىسقا ورنالاستىرۋ، بيڭتۋاننىڭ ديۆيزيا (قالا)، پولكتەرىندە ءبىر توپ ادامدى جۇمىسقا ورنالاستىرۋ، الەۋمەتتىك يگىلىك ورىندارىندا ءبىر توپ ادامدى جۇمىسقا ورنالاستىرۋ، كەدەيلەردى سەلبەسىپ سۇيەمەلدەۋ بويىنشا ءبىر توپ ادامدى جۇمىسقا ورنالاستىرۋ، جالپىلىق مەنشىككە جاتپايتىن كاسىپورىنداردا ءبىر توپ ادامدى جۇمىسقا ورنالاستىرۋ ارقىلى قاشقار، حوتان ايماقتارىنىڭ قالا، اۋىلدارىنداعى ارتىق ەڭبەككۇشتەردى ۇيىمدى تۇردە باسقا سالاعا ويىستىرىپ جۇمىسقا ورنالاستىردى، بيىل جوسپار بويىنشا 2 ايماقتان 40 مىڭ ادام باسقا سالاعا ويىسىپ جۇمىسقا ورنالاسادى. 10 - ماۋسىمعا دەيىن ءارقايسى قاتىستى تاراۋلار جيىنى 36 مىڭ 511 جۇمىس ورنىن ازىرلەپ، تياناقتاندىردى، مۇنىڭ ىشىندە قاشقار ايماعىنا 19 مىڭ 390 جۇمىس ورنى، حوتان ايماعىنا 17 مىڭ 121 جۇمىس ورنى باعىتتالعان. اۆتونوميالى رايوننىڭ ورنالاستىرۋىنا ساي، بيىل قاشقار، حوتان ايماقتارىنىڭ قالا، اۋىلدارىنداعى ارتىق ەڭبەككۇشتەردى باسقا سالاعا ويىستىرىپ جۇمىسقا ورنالاستىرۋ جوسپارى 30 - تامىزدان بۇرىن جاپپاي ورىندالادى. قازىر بۇل مىندەت ءساتتى جۇرگىزىلۋدە، ماۋسىمنىڭ سوڭىنا دەيىن قاشقار، حوتان ايماقتارىنان جيىنى 19 مىڭ قالا، اۋىل ارتىق ەڭبەككۇشى باسقا سالاعا ويىستىرىلدى.
وتكەن جارتى جىلدا رايونىمىز كەدەيلەردى جۇمىسقا ورنالاستىرۋ ارقىلى سۇيەمەلدەۋدى تىڭعىلىقتى جۇرگىزىپ، اۋىل - قىستاقتارداعى بىردە - ءبىر ادامى جۇمىسقا ورنالاسپاعان وتباسىلارىن اداقتاۋدى ءۇرتىس ىلگەرىلەتىپ، «ءبىر وتباسىنا ءبىر شارا قولدانىپ» دالمە - ءدال جۇمىسقا ورنالاستىرۋ كومەك شاراسىن اتقارىپ، بىردە - ءبىر ادامى جۇمىسقا ورنالاسپاعان وتباسى بولماۋىنا كەپىلدىك ەتتى؛ جۇمىسقا ورنالاستىرۋ ارقىلى كەدەيلەردى سۇيەمەلدەۋدىڭ شىن اتى - ءجونى بويىنشا باسقارۋ تالابىن ينفورماتسيالاندىرۋ ءتاسىلى ارقىلى تەرەڭدەتىپ، رايونىمىز اۋىل - قىستاقتارىنداعى 720 مىڭ كەدەي ەڭبەككۇشتىڭ جۇمىسقا ورنالاسۋىن، جۇمىسسىزدىق جاعدايىن قىستاقتارعا، جان باسىنا دەيىن بىرتىندەپ ناقتى اداقتاپ، كەدەيلەردى جۇمىسقا ورنالاستىرۋ ارقىلى دالمە - ءدال سۇيەمەلدەۋگە بەرىك نەگىز قالادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
