شي جينپيڭ بازارى جاڭادان گۇلدەنگەن ەلدەر مەن دامۋ ۇستىندەگى ەلدەردىڭ ديالوگ ءماجىلىسىن باسقاردى ءارى ماڭىزدى ءسوز سويلەدى
2017.09.07 15:58
شينحۋا اگەنتتىگىنىڭ 5 - قىركۇيەكتە شيامىننان بەرگەن حابارى. مەملەكەت ءتوراعاسى شي جينپيڭ 5 - قىركۇيەكتە شيامىنداعى حالىقارالىق ءماجىلىس ورتالىعىندا بازارى جاڭادان گۇلدەنگەن ەلدەر مەن دامۋ ۇستىندەگى ەلدەردىڭ ديالوگ ءماجىلىسىن باسقاردى ءارى ماڭىزدى ءسوز سويلەپ: تاراپتار ىنتىماقتاسا سايكەسۋدى كۇشەيتىپ، اشىق دۇنيە ءجۇزى ەكونوميكاسىن بىرگە قۇرىپ، 2030 - جىلعا دەيىنگى باياندى دامۋ كۇن ءتارتىبىن بىرگە تياناقتاندىرىپ، دۇنيە ءجۇزى ەكونوميكاسىنىڭ قۇرىلىمدىق رەتتەلۋىنىڭ تاريحي ورايىن بىرگە يگەرىپ، كەڭ كولەمدى دامىعان سەرىكتەستىك قاتىناستى بىرگە ورناتىپ، ءادىل، اشىق، جان - جاقتى، جاڭالىق اشقان دامۋ جولىن تىزە قوسا تۇلعالاپ، دۇنيە ءجۇزى ەكونوميكاسىنىڭ ارتۋىنا اناعۇرلىم زور ۇلەس قوسۋى كەرەك، - دەپ باسا دارىپتەدى.
بريكس ەلدەرىنىڭ باسشىلارى برازيليانىڭ زۇڭتۇڭى تەمەر، رەسەيدىڭ زۇڭتۇڭى پۋتين، ءۇندىستاننىڭ زۇڭليى مودي، وڭتۇستىك افريكانىڭ زۇڭتۇڭى زۋما جانە ديالوگ ماجىلىسىنە ۇسىنىس ەتىلگەن ەلدەردىڭ باسشىلارىنان ەگيپەتتىڭ زۇڭتۇڭى سيسي، گۆينەيانىڭ زۇڭتۇڭى كوندە، مەكسيكانىڭ زۇڭتۇڭى پەنيا، تاجىكستاننىڭ زۇڭتۇڭى راحمون، تايلاندتىڭ زۇڭليى پرايوت ديالوگ ماجىلىسىنە قاتىناستى. ءار ەل باسشىلارى «ءوزارا پايدا جەتكىزۋ سيپاتتى سەلبەستىكتى تەرەڭدەتىپ، بىرگە دامۋدى جەبەيىك» باستى تاقىرىبىن ارقاۋ، 2030 - جىلعا دەيىنگى باياندى دامۋ كۇن ءتارتىبىن تياناقتاندىرۋدى نەگىزگى جەلى ەتىپ، «باياندى دامۋ كۇن ءتارتىبىن تياناقتاندىرۋ»، «كەڭ كولەمدى دامىعان سەرىكتەستىك قاتىناستى ورناتۋ» جونىنەن ىشكەرىلەي اۋىس - كۇيىس جاساسىپ، حالىقارالىق دامۋ سەلبەستىگى جانە وڭتۇستىك پەن وڭتۇستىكتىڭ سەلبەستىك ءىرى جوباسىن بىرگە اقىلداسىپ، ماڭىزدى ورتاق تانىمدارعا كەلدى.
تۇستەن بۇرىنعى ساعات 10نان 10 مينۋت مولشەرىندە، شي جينپيڭ ءماجىلىستىڭ باستالعاندىعىن جاريالادى.
وسىدان كەيىن شي جينپيڭ «ءوزارا پايدا جەتكىزۋ سيپاتتى سەلبەستىكتى تەرەڭدەتىپ، بىرگە دامۋدى جەبەيىك» تاقىرىبىندا ماڭىزدى ءسوز سويلەدى. شي جينپيڭ بىلاي دەپ اتاپ كورسەتتى: بريكس ەلدەرى باسشىلار كەڭەسى كەزىندە بازارى جاڭادان گۇلدەنگەن وزگە دە ەلدەر مەن دامۋ ۇستىندەگى ەلدەردى اۋىس - كۇيىس جاساسۋعا ۇسىنىس ەتتى، مۇنداي ديالوگ بازارى جاڭادان گۇلدەنگەن ەلدەر مەن دامۋ ۇستىندەگى ەلدەردىڭ ىنتىماقتاسۋدى، سەلبەسۋدى كۇشەيتۋىنە، بريكس مەحانيزمىنىڭ وزىندىك دامۋىنا پايدالى.
شي جينپيڭ بىلاي دەپ اتاپ كورسەتتى: جاڭا عاسىرعا قادام تاستاعاننان بەرى، بازارى جاڭادان گۇلدەنگەن ەلدەر مەن دامۋ ۇستىندەگى ەلدەر توپتىق ەڭسە كوتەرىپ، توسالعىسىز ءداۋىر اعىمىنا اينالدى. جاڭا جاعداي الدىندا، ءبىز تار جول، تايعاق كەشۋدەن بىرگە ءوتىپ، سەنىمدى بەكەمدەپ، پايدالى دامۋ ورتاسىن بىرلەسىپ تۇلعالاپ، اناعۇرلىم زور دامۋدى قۇلشىنا جۇزەگە اسىرىپ، دۇنيە ءجۇزى ەكونوميكاسىنىڭ ارتۋىنا اناعۇرلىم زور ۇلەس قوسۋىمىز كەرەك.
ءبىرىنشى، ىنتىماقتاسا سەلبەسۋدى كۇشەيتىپ، اشىق دۇنيە ءجۇزى ەكونوميكاسىن بىرگە تۇلعالاۋ كەرەك. كوپ جاقتى ساۋدا ءتۇزىلىسىن بۇلجىتپاي قولداپ، ەكونوميكانىڭ جاھاندانۋىنىڭ سيىسىمدى بولۋ، جاپپاي ءتيىمدى بولۋ سىندى تەپە - تەڭدىككە جەتۋىنە جەتەكشىلىك ەتۋ كەرەك. سايكەسۋدى كۇشەيتىپ، دۇنيە جۇزىلىك ساۋدا ۇيىمىنىڭ 11 - رەتكى مينيستر دارەجەلىلەر ءماجىلىسىنىڭ بەلسەندى ناتيجەلەرگە قول جەتكىزۋىن العا ىلگەرىلەتۋ، دوحا دامۋ كۇن ءتارتىبىنىڭ قالعان تالقى تاقىرىپتارىن جەبەۋ، سونداي - اق كوپ جاقتى ساۋدا ءتۇزىلىسىنىڭ دامۋ باعىتىن ايقىنداپ بەرۋ كەرەك. بازارى جاڭادان گۇلدەنگەن ەلدەر مەن دامۋ ۇستىندەگى ەلدەردىڭ دۇنيە ءجۇزى ەكونوميكاسىن جونگە سالۋ بارىسىنداعى ۋاكىلدىك سيپاتى مەن سويلەۋ ۇقىعىن قۇلشىنا جوعارىلاتۋ، اناعۇرلىم ءادىل، لايىقتى حالىقارالىق ەكونوميكالىق ءتارتىپتى قالىپتاستىرۋدى جەبەۋ كەرەك.
ەكىنشى، ىنتىماقتاسا سەلبەسۋدى كۇشەيتىپ، 2030 - جىلعا دەيىنگى باياندى دامۋ كۇن ءتارتىبىن بىرگە تياناقتاندىرۋ كەرەك. ءوز مەملەكەتىمىزدىڭ جاعدايىن تياناق ەتىپ، باياندى دامۋ كۇن ءتارتىبىن ءوز ەلىمىزدىڭ دامۋ ستراتەگياسىمەن ءونىمدى ءتۇيىلىستىرىپ، ەكونوميكا، قوعام، قورشاعان ورتا سايكەستى، بىرگە ىلگەرىلەيتىن باياندى دامۋ جولىن اشۋىمىز كەرەك. ب م ۇ - نىڭ رولىن ساۋلەلەندىرىپ، باياندى دامۋ كۇن ءتارتىبىن جەدەل تياناقتاندىرۋ كەرەك. دامىعان ەلدەردى ۋادەسىندە بەرىك تۇرىپ، دامۋ ۇستىندەگى ەلدەردى قولداۋ سەرپىنىن ارتتىرۋعا قۋزاۋ كەرەك. ب م ۇ - نىڭ دامۋى جونىندەگى جۇيەلى رەفورمالاردىڭ دامۋدى نازارعا الىپ، ۇسىنىلىمدى ارتتىرىپ، دامۋ ۇستىندەگى ەلدەردىڭ قاجەتىنە شىن مانىندە قىزمەت كورسەتۋىن العا ىلگەرىلەتۋ كەرەك.
ءۇشىنشى، ىنتىماقتاسا سەلبەسۋدى كۇشەيتىپ، دۇنيە ءجۇزىنىڭ ەكونوميكاسى رەتتەلگەن تاريحي ورايىن بىرگە يگەرۋ كەرەك. باتىلدىقپەن جاڭالىق اشىپ، باتىلدىقپەن رەفورما جۇرگىزىپ، ەكونوميكالىق قۇرىلىمدى رەتتەۋدى پارمەندى تۇردە العا ىلگەرىلەتىپ، دامۋدىڭ ىشكى قوزعاۋشى كۇشىن ىسكە قوسۋ، سونىمەن بىرگە حالىق تۇرمىسىن قامتاماسىزداندىرۋعا جانە جاقسارتۋعا ءمان بەرۋ كەرەك. دامۋ ستراتەگيالارىن ءتۇيىلىستىرۋدى، تاجىريبە اۋىس - كۇيىسىن، قابىلەت قۇرىلىسى سەلبەستىگىن كۇشەيتىپ، ءبىر - ءبىرىمىزدىڭ ەكونوميكالىق دامۋىمىزعا دەم بەرۋىمىز كەرەك.
ءتورتىنشى، ىنتىماقتاسا سەلبەسۋدى كۇشەيتىپ، كەڭ كولەمدى دامىعان سەرىكتەستىك قاتىناستى بىرگە ورناتۋ كەرەك. جالعىزدىڭ ءۇنى، جاياۋدىڭ شاڭى شىقپايدى. ناقتى سەلبەستىكتى تەرەڭدەتىپ، ءبىر - ءبىرىمىزدى تولىقتاۋ باسىمدىعىمىزدى ساۋلەلەندىرۋىمىز كەرەك. بريكس ەلدەرى، 77 ەل توبى سياقتى مەحانيزمنەن ويداعىداي پايدالانىپ، وڭتۇستىك پەن وڭتۇستىكتىڭ سەلبەستىگىن اناعۇرلىم كەڭ كولەمدە، اناعۇرلىم كەڭ سالادا قانات جايدىرىپ، ءتۇرلى الەمدىك سىن - سايىستارعا تىزە قوسا توتەپ بەرىپ، بىرلەسىپ ارەكەتتەنىپ دامۋ تىزبەگىن جەتىلدىرىپ، بىرلەسىپ ءوزىمىزدى الۋەتتەندىرۋىمىز كەرەك. جۇڭگو بازارى جاڭادان گۇلدەنگەن ەلدەر مەن دامۋ ۇستىندەگى ەلدەردىڭ ديالوگ ءماجىلىسىن وتكىزۋدە سەرىكتەستىك توردى تۇلعالاپ، ءار ەلدىڭ دامۋ ورتاق تۇلعاسىن، تاعدىرلاس ورتاق تۇلعاسىن سومداۋدى ماقسات ەتكەن.
شي جينپيڭ مىنالاردى اتاپ كورسەتتى: جۇڭگو 2030 - جىلعا دەيىنگى باياندى دامۋ كۇن تارتىبىنە وسكەلەڭ ءمان بەرەدى، ەكونوميكا، قوعام، قورشاعان ورتا سياقتى سالالاردا كۇن ىلگەرى كوپتەگەن تابىستارعا قول جەتكىزدى. حالىقارالىق دامۋ سەلبەستىگىن ىلگەرىلەتۋ ءۇشىن، جۇڭگو جاق باسقا دا دامۋ ۇستىندەگى ەلدەردىڭ باياندى دامۋ كۇن ءتارتىبىن تياناقتاندىرۋىنا بەلسەندىلىكپەن كومەكتەسەدى. جۇڭگو وڭتۇستىك پەن وڭتۇستىك سەلبەستىگى كومەك قورى اياسىندا 500 ميلليون دوللار كومەك اقى شىعارىپ، باسقا دا دامۋ ۇستىندەگى ەلدەردىڭ اشتىق، بوسقىن، كليمات وزگەرىسى، الەۋمەتتىك دەنساۋلىق ساقتاۋ سياقتى جاقتارداعى سىن - سايىستارعا توتەپ بەرۋىنە كومەكتەسەدى. مۇنان سىرت، جۇڭگو جاق تاعى دا ءار ەلمەن دامۋ تاجىريبەسىن اۋىستىرۋدى جانە قابىلەت قۇرىلىسى سەلبەستىگىن كۇشەيتەدى.
شي جينپيڭ مىنالاردى اتاپ كورسەتتى: بيىل مامىردا، جۇڭگو «ءبىر بەلدەۋ، ءبىر جول» حالىقارالىق سەلبەستىكتىڭ جوعارى دارەجەلى باسشىلار تالقى مىنبەرىن ءساتتى وتكىزدى. تاراپتار ءبىر اۋىزدان « <ءبىر بەلدەۋ، ءبىر جولدى> بىرگە قۇرۋ دارىپتەمەسىنىڭ ۇستانىمى مەن باعىتى 2030 - جىلعا دەيىنگى باياندى دامۋ كۇن تارتىبىمەن تىعىز ۇيلەسەدى، ەكەۋىن ۇشتاستىرۋدى كۇشەيتۋگە، ءبىرى ارقىلى ءبىرىن جەبەۋگە ابدەن بولادى» دەپ قارادى. «ءبىر بەلدەۋ، ءبىر جول» − سەلبەستىك جولى، ونان دا ماڭىزدىسى، ءۇمىت جولى، تەڭ يگىلىككە كەنەلۋ جولى.
شي جينپيڭ مىنالاردى باسا دارىپتەدى: بازارى جاڭادان گۇلدەنگەن ەلدەر مەن دامۋ ۇستىندەگى ەلدەر دۇنيە ءجۇزىنىڭ دامۋ بولاشاعىنا ۋاكىلدىك ەتەدى. حالىقارالىق دامۋ سەلبەستىگىن جەبەۋ، باياندى دامۋ كۇن ءتارتىبىن تياناقتاندىرۋ ءبىز ارقالاۋعا ءتيىستى جاۋاپكەرلىك. ءادىل، اشىق، جان - جاقتى، جاڭالىق اشقان دامۋ جولىن تىزە قوسىپ بىرگە ورناتايىق.
وسىدان كەيىن، باسقا بريكس ەلدەرىنىڭ باسشىلارى مەن ديالوگ ماجىلىسىنە ۇسىنىس ەتىلگەن ەلدەردىڭ باسشىلارى جەكە - جەكە ءسوز سويلەپ، جۇڭگونىڭ بريكس ەلدەرىنىڭ ءتوراعاسى رەتىندە بازارى جاڭادان گۇلدەنگەن ەلدەر مەن دامۋ ۇستىندەگى ەلدەردىڭ ديالوگ ءماجىلىسىن اشقانىن، كەڭ كولەمدى دامىعان سەرىكتەستىك قاتىناس ورناتۋدى قولداعانىن القادى، مۇنان كەيىن دە وسىنداي ديالوگتى ءۇرتىس ورىستەتىپ، وڭتۇستىك پەن وڭتۇستىكتىڭ سەلبەستىگىن جانە حالىقارالىق دامۋ سەلبەستىگىن ىلگەرىلەتۋىن ءۇمىت ەتتى. تاراپتار «ءبىر بەلدەۋ، ءبىر جولدى» بىرگە قۇرۋ دارىپتەمەسىنىڭ 2030 - جىلعا دەيىنگى باياندى دامۋ كۇن ءتارتىبىن تياناقتاندىرۋ جونىندەگى بەلسەندى ءمانىن جوعارى باعالادى.
ەڭ سوڭىندا، شي جينپيڭ ديالوگ ماجىلىسىنە قورىتىندى جاسادى. ول مىنالاردى اتاپ كورسەتتى: بۇگىنگى ءماجىلىس وتە ءساتتى بولدى، ءار ەل باسشىلارى وسكەلەڭ ورتاق تانىم قالىپتاستىردى. تاراپتار ءبىر اۋىزدان مىنانى دارىپتەدى: جاڭا جاعدايدا بازارى جاڭادان گۇلدەنگەن ەلدەر مەن دامۋى ۇستىندەگى ەلدەردىڭ ىنتىماعىن، سەلبەستىگىن كۇشەيتۋ − كەلەلى مانگە يە. تاراپتار دامۋ تۋىن بيىك ۇستاپ، ب م ۇ - نىڭ 2030 - جىلعا دەيىنگى باياندى دامۋ كۇن ءتارتىبىن جاپپاي تياناقتاندىرۋعا ءبىر اۋىزدان قوسىلدى. تاراپتار ب م ۇ - نىڭ ۇيتقىلىق رولىن ساۋلەلەندىرىپ، تاماشا دامۋ ورتاسىن تۇلعالاۋىن ءبىر اۋىزدان قولدادى. تاراپتار وڭتۇستىك پەن وڭتۇستىكتىڭ سەلبەستىگىن تەرەڭدەتىپ، اناعۇرلىم كەڭ كولەمدى دامىعان سەرىكتەستىك قاتىناسىن قالىپتاستىرۋ شەشىمىن جاسادى.
ديالوگ ماجىلىسىنەن كەيىن، جۇڭگو جاق ءتوراعا مالىمدەمەسىن جاريالاپ، ءماجىلىس قول جەتكىزگەن پرينسيپتىك ورتاق تانىمدى تانىستىرىپ، تاراپتاردىڭ باياندى دامۋ كۇن ءتارتىبىن تياناقتاندىرۋداعى سەنىمدەرى مەن بەكىمدەرىن ايگىلەپ، بازارى جاڭادان گۇلدەنگەن ەلدەر مەن دامۋ ۇستىندەگى ەلدەردىڭ ىنتىماقتاستىعىنىڭ، سەلبەستىگىنىڭ بەلسەندى سيگنالىن تاراتتى.
ديالوگ ماجىلىسىنەن ىلگەرى، شي جينپيڭ ديالوگ ماجىلىسىنە قاتىناساتىن ءار ەل باسشىلارىمەن بىرگە توپتىق سۋرەتكە ءتۇستى.
ۋاڭ حۋنيڭ، لي جانشۋ، ياڭ جيەچى ت ، ب لار ديالوگ ماجىلىسىنە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
