نىسانا - مىندەتتەردەن جازباي، نازاردى اۋىر كەدەيلىككە شوعىرلاندىرايىق
− اۆتونوميالى رايوندىق 9 - كەزەكتى پارتكوم 9 - رەتكى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە
شينجياڭ گازەتىنىڭ شولۋشىسى
2020.03.13 18:22 كەلۋ قاينارى : شينجياڭ گازەتى
اۆتونوميالى رايوندىق 9 - كەزەكتى پارتكومنىڭ 9 - رەتكى جالپى ءماجىلىسى ورتاعا قويعان اۆتونوميالى رايونىمىزدىڭ كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋدىڭ باس تالابىندا مىنالار اتاپ كورسەتىلدى: نىسانادان جازباي، ولشەمگە تاباندى بولىپ، كۇش - قۋاتتى شوعىرلاندىرىپ، اۋىر كەدەيلىكتى جويۋ شايقاسىن ويداعىداي جۇرگىزۋ كەرەك. بۇل تالاپ ءبىزدىڭ باستى شابۋىل بەتالىسىمىز بەن قامال الۋ ءتۇيىنىمىزدى ايقىنداپ بەردى، ءسوز جوق، ونى مىقتى يگەرۋىمىز، ”شايقاس كۇشتەرىن“ شوعىرلاندىرۋىمىز كەرەك.
وڭتۇستىك شينجياڭداعى 4 ايماق - وبلىس بۇكىل ەلدەگى ”ءۇش ءوڭىر، ءۇش وبلىس“ قاتارىنداعى اۋىر كەدەي وڭىرلەردىڭ ءبىرى، بۇكىل رايوندا ءالى 10 اۋداننىڭ كەدەيلىك قالپاعى الىنعان جوق، 559 كەدەي قىستاق ءالى كەدەيلىك تىزىمىنەن شىعارىلعان جوق، بۇل بۇكىل ەلدەگى كەدەيلىك قالپاعى الىنباعان 52 اۋداننىڭ، كەدەيلىك تىزىمىنەن شىعارىلماعان 2707 قىستاقتىڭ شامامەن بەستەن ءبىرىن يەلەيدى، بۇلاردىڭ بارلىعى الىنۋى ەڭ قيىن ”بەكىنىستەر“، قامال ىشىندەگى قامالدار. سونىمەن بىرگە، قايتا كەدەيلەسۋدەن جانە كەدەيلىككە دۋشار بولۋدان ساقتانۋدىڭ قىسىمى ءالى دە اۋىر، جاڭا تيپتى ايدارشا ۆيرۋس وكپە قابىنۋ ىندەتى ىقپال جاسادى، كەدەيلىكتەن ارىلتۋدان قامال الۋ قىزمەتىندە ءالى دە ءالسىز بۋىندار بار. بۇل شينجياڭنىڭ كەدەيلىكتەن ارىلتۋدان قامال الۋ قىزمەتى ءدوپ كەلگەن جاعداي، سونداي - اق شينجياڭنىڭ كەدەيلىكتەن ارىلتۋدان قامال الۋ جالپى شابۋىلىنىڭ ماڭىزدى ءتۇيىنى جانە نەگىزگى شابۋىل بەتالىسى. شايقاس كۇشتەرىن شوعىرلاندىرىپ اۋىر كەدەيلىكتى جويۋ شايقاسىن ويداعىداي جۇرگىزۋدە، نازاردى وسى ماڭىزدى تۇيىنگە شوعىرلاندىرىپ، وسى ”قامالداردى“ الۋ كەرەك.
ولشەمگە تاباندى بولۋدا، قازىر اتقارىلىپ وتىرعان ”ەكىدەن تارىقتىرماۋ، ءۇشتى قامتاماسىز ەتۋ“ سىندى كەدەيلىكتەن ارىلتۋ ولشەمىنە تاباندى بولۋ كەرەك. باس شۋجي شي جينپيڭ كوپ رەت بىلاي دەپ باسا دارىپتەدى: كەدەيلىكتەن ارىلتۋ ولشەمى − ”ەكىدەن تارىقتىرماۋ، ءۇشتى قامتاماسىز ەتۋدى“ ورنىقتى تۇردە جۇزەگە اسىرۋ. بۇل كەدەي حالىقتىڭ كەدەيلىكتەن شىن مانىندە ارىلعان - ارىلماعانىن ولشەيتىن قاتاڭ ولشەم، وزەكتى كورسەتكىش. جاپپاي اياقتاۋعا نەعۇرلىم تاياعان سايىن، ءبىز ”ەكىدەن تارىقتىرماۋ، ءۇشتى قامتاماسىز ەتۋ“ ولشەمىمەن سولعۇرلىم تىعىز بايلانىستىرىپ، شينجياڭنىڭ ءىس جۇزىندىك جاعدايىن شىعار ءتۇيىن ەتىپ، ءارى ولشەمدى جوعارىلاتپاي، ءارى ولشەمدى تومەندەتپەي، كەدەيلىكتەن ارىلتۋدان قامال الۋ مىندەتىن قاز - قالپىندا جوعارى ساپامەن ورىنداپ، قازىرگى اتقارىلىپ وتىرعان ولشەمدەگى اۋىل - قىستاق كەدەي حالقىنىڭ تۇگەلدەي كەدەيلىكتەن ارىلۋىنا، مۇلدە كەدەيلىكتى جويۋىنا شىنايى كەپىلدىك ەتۋىمىز، كەدەي اۋدانداردىڭ بارلىعىنىڭ كەدەيلىك قالپاعىن الىپ تاستاۋعا، وڭىرلىك تۇتاس كەدەيلىك ماسەلەسىن شەشۋگە شىنايى كەپىلدىك ەتۋىمىز كەرەك. كورنەكتى ماسەلەلەر مەن ءالسىز بۋىنداردى كوزدەي وتىرىپ كەدەيلىكتەن ارىلتۋدان قامال الۋ شايقاسىن اشىق - اشكەرە قاداعالاپ، شايقاستى قاداعالاۋ ارقىلى قىزمەتتەردى پارمەندى ىلگەرىلەتىپ، مىندەتتەردى تياناقتاندىرۋعا قۋزاپ، ماسەلەلەردى شەشۋگە كومەكتەسىپ، ەڭ سوڭعى ماشاقاتتى ءتۇيىندى باتىل شەشۋ كەرەك. سونىمەن بىرگە، قيىنشىلىعى ەڭ اۋىر قاۋىمدى، ەڭ كورنەكتى ماسەلەلەردى، ەڭ ءالسىز بۋىنداردى ءجىتى قاداعالاپ، ساڭىلاۋلاردى جاپپاي تەكسەرىپ تاۋىپ، ولقىلىقتاردى تولىقتاپ، ءالسىز تۇستاردى كۇشەيتىپ، نە كەمشىل بولسا سونى تولىقتاۋعا تاباندى بولىپ، قاعىس قالاتىن اۋماق بولماۋعا، قالتارىس قالدىرماۋعا كەپىلدىك ەتۋ كەرەك.
نىسانالار مەن مىندەتتەر ايقىندالعان سوڭ، شايقاس كۇشتەرىن شوعىرلاندىرىپ، زەيىن - زەردەنى، كۇش - قۋاتتى ۇيىستىرىپ شايقاس جۇرگىزۋ كەرەك، ”التى دالمە - ءدال بولۋدى“ تياناقتاندىرۋعا تاباندى بولىپ، ”جەتى ءبىر توپتى“، ”ۇشتە سەرپىندى ارتتىرۋدى“ تىڭعىلىقتى ىلگەرىلەتىپ، كاسىپ سالاسىن دامىتۋ ارقىلى جۇمىستانۋعا جەتەكتەۋدى كورنەكتىلەندىرىپ، دالمە - ءدال شارا قولدانىپ، ىجداعاتتىلىقپەن ىستەپ، ەڭبەك شوعىرلانعان كاسىپ سالاسىن، ەرەكشە ەگىنشىلىك پەن باعىمشىلىقتى، اۋىل شارۋاشىلىق قوسىمشا ونىمدەرىن مانەرلەۋدى جانە اۋىل - قىستاق ساياحاتىن زور كۇشپەن دامىتۋ ارقىلى جۇمىستانۋعا جەتەكتەۋ، ۇيىمدى تۇردە باسقا سالاعا ويىستىرىپ جۇمىستاندىرۋ، قونىس جاڭالاۋدان كەيىنگى سۇيەمەلدەۋدى كۇشەيتۋ، تولىق قامتاماسىز ەتۋ سياقتى شارالار مەن جولدار ارقىلى 165 مىڭ 800 كەدەي حالىقتى كەدەيلىكتەن ارىلتۋ ماسەلەسىن شەشۋ كەرەك.
كەدەيلىك تىزىمىنەن شىعارىلعان اۋدان، قىستاق، حالىق جونىندە، كەدەيلىكتەن ارىلتۋدىڭ جەتىستىگىن ۇزدىكسىز بەكەمدەي ءتۇسۋ كەرەك. ماسەلەلەردى رەتتەۋ - تۇزەتۋدى ۇزدىكسىز تەرەڭدەتىپ، ءار ماسەلەنىڭ بارلىعىن سوڭىنا دەيىن مىقتى ۇستاۋعا، تىڭعىلىقتى رەتتەۋ - تۇزەتۋگە شىنايى كەپىلدىك ەتۋ؛ قايتا كەدەيلەسۋدەن ساقتانۋدى باقىلاۋ - ساراپتاۋ جانە كومەكتەسۋ - سۇيەمەلدەۋ مەحانيزمىن جەدەل ورناتىپ، قايتا كەدەيلەسۋدەن جانە تىڭنان كەدەيلەسۋدەن ساقتانۋ؛ حاۋىپ - قاتەردى عىلمي تۇجىرىمداپ جانە ودان ساقتانىپ، كەدەيلىكتەن ارىلتۋدان قامال الۋدىڭ اياق الىسى مەن ساپاسىنىڭ ىقپالعا ۇشىراماۋىنا شىنايى كەپىلدىك ەتۋ؛ كەدەيلىكتەن ارىلتۋدان قامال الۋ ساياساتىنىڭ تۇراقتىلىعىن ساقتاپ، قالپاق الىنعانىمەن جاۋاپكەرشىلىكتى تاستاماۋ، قالپاق الىنعانىمەن ساياساتتى توقتاتپاۋ، قالپاق الىنعانىمەن كومەكتەسۋ - سۇيەمەلدەۋدى توقتاتپاۋ، قالپاق الىنعانىمەن باقىلاۋ - باسقارۋدى توقتاتپاۋ، كەدەيلەردى سۇيەمەلدەۋدىڭ كۇشتەرىن، كومەكتەسۋ - سۇيەمەلدەۋ قاتىناسىن وزگەرتپەۋ، كەدەيلىكتەن ارىلتۋدان قامال الۋ مىندەتىنىڭ جوعارى ساپامەن جاپپاي ورىندالۋىنا شىنايى كەپىلدىك ەتۋ كەرەك.
قيىننىڭ - قيىنىن ءجىتى قاداعالاپ، قامال ىشىندەگى قامالدى مىقتى يگەرۋ كەرەك. شايقاس كۇشتەرىن شوعىرلاندىرىپ، بىرىككەن كۇش قالىپتاستىرىپ، ”قامالدارعا“ قاراي اتوي سالايىق!
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
