شينجياڭ ۇيعۇر اۆتونوميالى رايوننىڭ ءتۇيىندى ونەركاسىپ نىساندارىن سايكەستىرە ىلگەرىلەتۋ ءماجىلىسى اشىلدى
نىسان تانىمىن مىقتاپ ورناتىپ، ەكونوميكانىڭ جوعارى ساپالى دامۋىن ىلگەرىلەتەيىك
2020.03.13 18:26 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى جاۋ جىيۇن 3 - ايدىڭ 11 - كۇنى ۇرىمجىدەن حابارلايدى. 3 - ايدىڭ 10 - كۇنى اۆتونوميالى رايون ءتۇيىندى ونەركاسىپ نىساندارىن سايكەستىرە ىلگەرىلەتۋ ءماجىلىسىن اشتى. ءماجىلىس باس شۋجي شي جينپيڭنىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ قالىپتى ءوندىرىس، تۇرمىس ءتارتىبىن جاپپاي قالپىنا كەلتىرۋ جونىندەگى ورنالاستىرۋى مەن تالابىن تياناقتاندىرىپ، 2020 - جىلعى اۆتونوميالى رايوننىڭ ءتۇيىندى ونەركاسىپ نىسان قۇرىلىسى جاعدايىنان بەرىلگەن مالىمەتتى تىڭداپ، نىسانداردى ىلگەرىلەتۋ بارىسىندا ورىن تەپكەن قيىنشىلىقتار مەن ماسەلەلەردى ءبىر - بىرلەپ زەرتتەپ، سايكەستى شەشىپ، بۇكىل رايوننىڭ نىسانداردى ىلگەرىلەتۋ قىزمەتىن جاقسى ىستەۋگە قايتالاي ورنالاستىرۋ جاساپ، قايتالاي اتتانىسقا كەلتىردى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ورىنباسار باستىعى لي پىڭشين ءماجىلىستى باسقاردى ءارى ءسوز سويلەدى.
ءماجىلىس مىنالاردى اتاپ كورسەتتى: ونەركاسىپ − ناقتى ەكونوميكانىڭ نەگىزگى تۇلعاسى، ونەركاسىپ ورنىقتى بولسا ەكونوميكا ورنىقتى بولادى، قازىنا ورنىقتى بولادى، جۇمىستاندىرۋ ورنىقتى بولادى. جەر - جەر، تاراۋلار ساياسي دەڭگەيدى جوعارىلاتىپ، ىندەتتەن ساقتانۋ - تىزگىندەۋ مەن قارجى قوسۋدى ورنىقتىرۋدى، ارتۋدى جەبەۋدى ءبىر تۇتاس جوسپارلاپ جاقسى يگەرۋدەگى جاۋاپكەرشىلىك سەزىمدى جانە كوكەي تەستىلىك سەزىمدى شىن مانىندە كۇشەيتىپ، ساياساتتى باعدار ەتۋدەن، ماسەلەنى باعدار ەتۋدەن، نىسانانى باعدار ەتۋدەن جازباي، نىساندى تۇتقا ەتىپ ونەركاسىپكە قارجى قوسۋدىڭ قارقىنىن ارتتىرۋدى، ءونىمىن جوعارىلاتۋدى ىلگەرىلەتىپ، بۇكىل رايوننىڭ ەكونوميكالىق، قوعامدىق دامۋىن جاپپاي قالىپتى ارناعا تۇسىرۋگە كۇش سالىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدىڭ نىسانا - مىندەتتەرىن ورىنداۋعا شارت - جاعداي ازىرلەۋ كەرەك.
ءماجىلىس مىنالاردى تالاپ ەتتى: ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ويداعىداي يگەرىپ، سىرتتان كىرۋدەن ساقتانۋدى كورنەكتىلەندىرىپ، ”ءبىر كاسىپورىندا ءبىر شارا“ بولۋعا تاباندى بولىپ، كاسىپورىن جۇمىسشى - قىزمەتكەرلەرىنىڭ شينجياڭعا قايتۋ، جۇمىس ورىندارىنا ورالۋ اياق الىسىن جەدەلدەتۋ كەرەك. شينجياڭنىڭ بايلىق قاسيەتىن تياناق ەتىپ، ”13 - بەسجىلدىق“ قىزمەتىن قورىتىندىلاۋدى، ”14 - بەسجىلدىقتى“ جوبالاۋدى كوزدە ۇستاپ، ماكرولىق زەرتتەۋدى كۇشەيتىپ، ءتۇيىندى ونەركاسىپ باقشا رايونى جوباسىن عىلمي جاساپ، كاسىپ سالاسى جۇلگەسىن ساپالىلاندىرىپ، ەكونوميكالىق دامۋدىڭ تەبىنىن كۇشەيتۋ كەرەك. ”نىسان تانىمىن“ مىقتاپ ورناتىپ، قارجىنىڭ نىسانعا ىلەسە جۇرۋىنە تاباندى بولىپ، مەملەكەت پەن اۆتونوميالى رايوننىڭ كاسىپ سالاسى ساياساتىنا، قورشاعان ورتانى قورعاۋ ساياساتىنا جانە كاسىپ سالاسى جوباسىنا مۇقيات سالىستىرىپ، نىسان قامباسى قۇرىلىسىن كۇش سالا جاقسى ىستەپ، جۇمىس باستاۋدى يگەرىپ، اياق الىسىنا كەپىلدىك ەتىپ، وندىرىسكە قوسىلۋىن جەبەپ، ءبىر توبىنىڭ قۇرىلىس جۇرگىزۋىنە، ءبىر توبىنىڭ جۇمىس باستاۋىنا، ءبىر توبىن دايىنداۋعا، ءبىر توبىن ىلگەرىلەتۋگە كەپىلدىك ەتۋ كەرەك. ۇزدىكسىز سالىناتىن نىساندار مەن تىڭنان قارجى قوسىلاتىن نىسان قۇرىلىستارىنىڭ فاكتورلارىن قامتاماسىز ەتۋدى، ۇشتاستىرۋدى ىرىقتىلىقپەن جاقسى ىستەپ، ورىن تەپكەن ماسەلەلەردى ءبىر - بىرلەپ سالالاپ، تۇگەل اداقتاپ، سايكەستىرە ۇشتاستىرۋدى كۇشەيتىپ، ءىس جۇزىندىك قيىنشىلىقتاردى شەشىپ، ەرتە جۇمىس باستاۋىن، ەرتە قۇرىلىس جۇرگىزۋىن ىلگەرىلەتۋ كەرەك. نىسانداردى جوبالاۋ، ازىرلەۋ ساپاسىن جوعارىلاتىپ، كاسىپ سالاسى ارنايى نىسانى، نەگىزدىك قۇرىلعى سياقتى ءتۇيىندى سالالاردى ارقاۋ ەتە وتىرىپ، مەملەكەتتىڭ قارجى قوسۋىنا، كاسىپ سالاسى ساياساتىنا، اۆتونوميالى رايوننىڭ ءىس جۇزىندىك جاعدايىنا ۇيلەسەتىن، كاسىپ سالاسى تىزبەگىنىڭ جوعارعى - اياققى بۋىنىن ۇزارتۋعا، دامىتۋعا جەتەكشىلىك ەتە الاتىن ءبىر توپ كەلەلى نىسانداردى ۇزدىكسىز ىشكەرىلەي جوسپارلاپ، دايىندالعان نىسانداردىڭ الدىڭعى مەرزىمدىك قىزمەتتەرىن ىشكەرىلەي، ناقتى ىستەپ، دەر كەزىندە كادەگە جاراپ، جۇمىس باستاپ قۇرىلىس جۇرگىزۋىن جەبەۋ كەرەك.
ءماجىلىس مىنالاردى باسا دارىپتەدى: ءار جاقتىڭ بەلسەندىلىگىن جۇمىلدىرىپ، ءتۇيىندى ونەركاسىپ نىسان قۇرىلىستارىن كۇش سالا ىلگەرىلەتىپ، ىندەتتىڭ ەكونوميكالىق دامۋعا اكەلگەن شىعىننىڭ ورنىن تولتىرىپ، ونەركاسىپ شارۋاشىلىعىنىڭ ورنىقتى اينالىمىن قامتاماسىز ەتۋ كەرەك. قىزمەت وتەۋ تانىمىن ورناتىپ، كاسىپورىنداردىڭ دامۋىن قولداپ، كومەكتەسىپ، ۇكىمەت ىستەرى بويىنشا قىزمەت وتەۋدى جاقسى ىستەپ، قىزمەت وتەۋ ونىمدىلىگىن جوعارىلاتىپ، ساۋدا - شارۋاشىلىق ورتاسىن ۇزدىكسىز ساپالىلاندىرۋ كەرەك.
ءۇرىمجى قالاسى، سانجى حۇيزۋ اۆتونوميالى وبلىسى، بايىنعولين موڭعۇل اۆتونوميالى وبلىسى، اقسۋ ايماعى، قارامايلى قالاسى، قۇمىل قالاسى، كۇيتۇن قالاسى، تارباعاتاي ايماعى، اۆتونوميالى رايوندىق دامۋ - رەفورما كوميتەتى، ونەركاسىپ جانە ينفورماتسيالاندىرۋ مەڭگەرمەسى، قازىنا مەڭگەرمەسى سياقتى قاتىستى مەڭگەرمە، مەكەمەلەردىڭ، سونداي - اق ءتۇيىندى ونەركاسىپ كاسىپورىندارىنىڭ جاۋاپتىلارى ماجىلىسكە قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
