جالپى مولشەرى ارتتى، قۇرىلىم ساپالىلاندى، باعا ارزاندادى، حاۋىپ - قاتەر تىزگىندەلدى
الدىڭعى 8 ايدا رايونىمىزدا فينانس ناقتى ەكونوميكانى پارمەندى قولدادى
2020.09.30 15:01 كەلۋ قاينارى : شينجياڭ گازەتى
شينجياڭ گازەتى جالپىلىق اقپارات قۇرالدارى ءتىلشىسى شى شين 9 - ايدىڭ 28 - كۇنى ۇرىمجىدەن حابارلايدى. 9 - ايدىڭ 28 - كۇنى وتكىزىلگەن 2020 - جىلعى 1 − 8 - ايعا دەيىنگى شينجياڭ فينانسىنىڭ اينالىم جاعدايىنان اقپار جاريالاۋ ماجىلىسىنەن ۇعىسۋعا قاراعاندا، 1 − 8 - ايعا دەيىن شينجياڭنىڭ فينانس سالاسى فينانستىڭ ناقتى ەكونوميكانى قولداۋى مەن ”التىنى ورنىقتىرۋ“، ”التىنى قامتاماسىز ەتۋ“ قىزمەت تالابىن بەلسەندى تۇردە امالياتتا ايگىلەپ، فينانستىق قولداۋدىڭ جالپى مولشەرىن ارتتىرىپ، قارىز اقشا قۇرىلىمىن ساپالىلاندىرىپ، قولداۋ ءتۇيىنىن كورنەكتىلەندىرىپ، فينانستىڭ ىندەتتەن ساقتانۋ - تىزگىندەۋدى جانە كاسىپورىنداردىڭ جۇمىستى، ءوندىرىستى قالپىنا كەلتىرۋىن قولداۋ قىزمەتىن ويداعىداي ىستەپ، فينانس جۇيەسىنىڭ ورنىقتىلىعىن قورعاپ، اۆتونوميالى رايونىمىز ەكونوميكاسىنىڭ اقاۋسىز دامۋىنا پارمەندى قولداۋ كورسەتكەن.
جۇڭگو حالىق بانكەسى ءۇرىمجى ورتالىق تارماق بانكەسى پارتكومىنىڭ مۇشەسى، ورىنباسار بانكە باستىعى چىن يۋانفۋ بىلاي دەپ تانىستىردى: الدىڭعى 8 ايدا شينجياڭنىڭ فينانستىق قولداۋىندا جالپى مولشەر ارتقان، قۇرىلىم ساپالىلانعان، باعا ارزانداعان، حاۋىپ - قاتەر تىزگىندەلگەن تاماشا جاعداي جارىققا شىقتى.
8 - ايدىڭ سوڭىندا شينجياڭ قوعامدىق قارجى قۇراۋ كولەمىنىڭ ساقتالىمى 3 تريلليون 300 ميلليارد يۋان بولىپ، سايكەس مەزگىلدەگىدەن ％13.5 ارتىپ، وتكەن جىلعى ۇقساس مەزگىلدەگىدەن 4.8 پايىز جوعارى بولدى. شينجياڭدا حالىق اقشاسى مەن شەتەل اقشاسىنداعى ءتۇرلى قارىز اقشا قالدىق سوماسى 2 تريلليون 200 ميلليارد يۋان بولىپ، ％11.7 ارتىپ، وتكەن جىلعى ۇقساس مەزگىلدەگىدەن 3.3 پايىز جوعارى بولدى. حالىق اقشاسىنداعى ءتۇرلى قارىز اقشالاردىڭ قالدىق سوماسى 2 تريلليون 100 ميلليارد يۋان بولىپ، ％12.3 ارتتى.
قارىز اقشا قۇرىلىمى جاعىندا، وڭتۇستىك شينجياڭنىڭ 4 ايماق - وبلىسىنداعى اۋىر كەدەي وڭىرلەرگە بەرىلگەن قارىز اقشانىڭ ارتۋ قارقىنى ورنىقتى جوعارىلاپ، نەگىزدىك قۇرىلعىلار قۇرىلىسى سالاسىنداعى قارىز اقشا جىلدام ارتىپ، اۋىل شارۋاشىلىعىنا ساياتىن قارىز اقشا ورنىقتى ارتىپ، شاعىن، ۇساق كاسىپورىندار قارىز اقشاسى جوعارى قارقىنمەن ارتۋدى ساقتادى.
امانات اقشا جاعىندا، 8 - ايدىڭ سوڭىندا شينجياڭداعى حالىق اقشاسى مەن شەتەل اقشاسىنداعى ءتۇرلى امانات اقشانىڭ قالدىق سوماسى 2 تريلليون 500 ميلليارد يۋان بولىپ، ％8.6 ارتىپ، وتكەن جىلداعى ۇقساس مەزگىلدەگىدەن 3.2 پايىز جوعارى بولدى. تاراۋلارعا ءبولىپ قاراعاندا، تۇرعىنداردىڭ امانات اقشاسىنىڭ جەتەكتەۋ رولى كورنەكتى بولدى، قازىنالىق امانات اقشانىڭ ارتۋ قارقىنى كەمەيۋدەن ارتۋعا ويىستى.
”بيىل جىل باسىنان بەرى، حالىق بانكەسى ءوسىمدى بازارلاندىرۋ رەفورماسىن ۇزدىكسىز تەرەڭدەتىپ، تۇراقسىز ءوسىم مولشەرىندەگى قارىز اقشاسىنىڭ باعاسىن ايقىنداۋدى تارتىپپەن ىلگەرىلەتىپ، اقشا ساياساتىن جەتكىزۋ جولىن اشىپ، قارىز اقشا بازارى ءوسىمىن تومەندەۋگە جەتەكتەپ، ناقتى ەكونوميكانىڭ قارجى قۇراۋ وزىندىك قۇنىن تومەندەتتى“. چىن يۋانفۋ: الدىڭعى 8 ايدا حالىق اقشاسى قارىزىنىڭ ورتاشا ۇستەمەلەنگەن ءوسىم مولشەرى ％5.05 بولىپ، سايكەس مەزگىلدەگىدەن 0.84 پايىز تومەندەدى. مۇنىڭ ىشىندە كاسىپورىندارعا بەرىلگەن قارىز اقشانىڭ ورتاشا ۇستەمەلەنگەن ءوسىم مولشەرى ％4.2 بولىپ، سايكەس مەزگىلدەگىدەن 1.11 پايىز تومەندەدى. شاعىن، ۇساق كاسىپورىندارعا بەرىلگەن قارىز اقشانىڭ ورتاشا ۇستەمەلەنگەن ءوسىم مولشەرى ％4.5 بولىپ، سايكەس مەزگىلدەگىدەن 1.4 پايىز تومەندەدى، - دەدى.
مۇنان تىس، رايونىمىز فينانس كوميتەتىنىڭ جەرگىلىكتى سايكەستىرۋ مەحانيزمىن قۇرىپ، قاتىستى قىزمەت قاعيدالارىن بەلگىلەپ، حاۋىپ - قاتەردەن بىرلەسىپ ساقتانۋ، بىرلەسىپ تىزگىندەۋ مەحانيزمىن كۇشەيتىپ، شينجياڭ فينانسىنىڭ ورنىقتى، اقاۋسىز اينالىم جاساۋىن قورعادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
