- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
گۋاڭدۇڭدىق بويجەتكەننەن «شينجياڭدىق گۇليگە» دەيىن ــــــ ەرىكتى جاس فىڭ جو - يدىڭ شينجياڭعا دەگەن ماحابباتى
2014.06.12 08:38 كەلۋ قاينارى : حالىق تورابى
ءبىزدىڭ الدىمىزداعى 1988 – جىلى تۋىلعان، كەڭ جيەكتى كوزىلدىرىك تاعىپ، شاتىلەڭكە جەيدە كيىپ، مىسىق ايۋدىڭ ۇلگىسىندە تىگىلگەن سومكا اسىنىپ، ازدى - كوپتى گۋاڭدۇڭ ديالەكتىن ارالاستىرىپ سويلەيتىن، باسقالارعا ءوزىن «شينجياڭنىڭ كەلىنى» دەپ تانىستىرۋدى ۇناتاتىن گۋاڭدۇڭدىق بويجەتكەن فىڭ جو - يدى شينجياڭدىق دوستارى «جۇماگۇل» دەپ اتايدى.
گۋاڭدۇڭ ولكەسىنىڭ تۇڭعىش توپتاعى داشۋە وقۋشىلارىنىڭ باتىس بولەككە قىزمەت وتەۋگە بارعان ەرىكتىلەرىنىڭ قاتارىنداعى فىڭ جو - ي 2011 – جىلى گۋاڭجۋدان قاشقارعا كەلىپ، سودان باستاپ شينجياڭمەن ەتەنە بايلانىس ورناتتى.
شينجياڭعا بارۋ: جاستىق شاقتا تالايلاعان كەرەمەت جۇمىستاردى تىندىرۋعا بولادى
شينجياڭمەن بولعان بايلانىسى 2011 - جىلدان باستالدى. ول كەزدە فىڭ جو - ي 23 جاستا ەدى. گۋاڭدۇڭ شەتەلى ءتىلى - سىرتقى ساۋدا ۋنيۆەرسيتەتىن ەندى عانا ءبىتىرىپ، وسى ۋنيۆەرسيتەتتىڭ اسپيرانتتىق تولىمدىلىعىنا ەمتيحانسىز قول جەتكىزگەن ول «ستۋدەنتتەردىڭ باتىس بولەككە بارىپ ەرىكتى قىزمەت وتەۋ جوسپارىنان» حاباردار بولادى ءارى جالىندى جىگەرمەن «مەملەكەت ەڭ قاجەت ەتەتىن جەرلەرگە بارۋ» سىندى ۇندەۋگە ءۇن قوسۋدى ۇيعارادى.
جاپا شەگۋگە تولىق دايىندالعان فىڭ جو - ي مەن ونىڭ ساباقتاستارى گۋاڭجۋدان شىعىپ جىڭجوۋ ارقىلى ۇرىمجىگە جەتىپ، ءبىر اپتاعا تاياۋ جول ءجۇرىپ ەڭ سوڭىندا قاشقاراعا بارادى.
ءار نارسەگە ۇمىتكەرلىكپەن قارايتىن فىڭ جو - ي ءوزىنىڭ قاشقارداعى كۇندەرىن ەسكە العاندا ءارقاشان جۇزىنە نۇر ويناپ كوڭىلدەنىپ كەتەدى. بىراق ونىڭ جاقسى دوسى كارامات «جىگىت مىنەزدى قىزدىڭ» سول كەزدەگى قامىعىڭقى كوڭىل – كۇيىن دە بەس قولداي تۇسىنەدى. «ءبىز قاتتى ورىندىقتى پويەزعا وتىرىپ قاشقارعا كەلگەن سوڭ، توك تە، سۋ دا جوق جاتاققا ورنالاستىق. گۋاڭجۋدان قاشقارعا كەلگەندە كوپشىلىك قانداي جەرگە كەلگەنبىز، ەندە نە ىستەيمىز دەپ ابدىراپ قالدىق. سول كەزدە مەن ونىڭ ءبىرىنشى رەت جىلاعانىن كوردىم. ءبىراق ول ءارقانداي جەرگە تەز ۇيىرلەسەدى، شىدامدى، ءارقاشان كەيۋ دەگەندى بىلمەيدى ەكەن، سوندىقتان تەزدەن قىزمەتكە كىرىسىپ كەتتى»، - دەدى دوسى كارامات.
فىڭ جو - ي: «قاشقاراعا بارعان كەزدە عانا ول جەردىڭ كوركەمدىگىن سەزىندىم. بيىكتەتىپ سالعان تۇرعىن ءۇيدى كورگەن كەزىمدە، وندا سان – الۋان ۇلتتىق مادەنيەت جاسىرىنىپ جاتىر – اۋ دەپ ويلادىم. سول كەزدەن باستاپ، مەن از سويلەپ كوپ باقىلاۋدى ۇيرەندىم»، - دەدى.
شينجياڭدا قالۋ: ماردىمسىز بولسا دا شينجياڭعا ءوز ۇلەسىمدى قوسسام دەيمىن
شينجياڭعا كەلەردەن بۇرىن، فىڭ جو - ي «شينجياڭ مەنى قاجەت ەتەدى» دەپ ويلاعان، ءبىراق شينجياڭنىڭ وزىنە ءتىپتى دە كوپ اسەر بەرەتىنىن ويلاپ تا كورمەپتى. «قىزمەت وتەۋ» سىڭار جاقتىلى نارسە ەمەس، باتىس بولەككە قىزمەت وتەۋمەن بىرگە، باتىس بولەك تە ماعان كوپتەگەن نارسەلەردى ۇيرەتتى. تاعى ءبىر قىرىنان الىپ ايتسام، باتىس بولەك ومىرىمىزگە ءار بەرىپ قانا قويماي، ونى ءتىپتى دە بايىتىپ، نارلەندىرىپ وتىر ەمەس پە؟ - دەدى ول.
وتباسىنداعىلارمەن اقىلداسقاننان كەيىن فىڭ جو - ي شينجياڭعا قالۋعا بەل بايلايدى. ول اكە - شەشەسىنە: «ەگەر مەن جەكە باسىمنىڭ ماسەلەسىن شەشە السام، سىزدەر الاڭسىز بولاسىزدار، مەن دە وسى جەردە قالامىن»، - دەدى. «مەنىڭ جار تاڭداۋداعى ولشەمىم اسكەري اداممەن ۇيلەنۋ، شينجياڭدىق بولسا بولدى، بۇلاي بولعاندا ول كاسىپ اۋىستىرسا دا شينجياڭنان كەتپەيمىز»، - دەدى فىڭ جو - ي. فىڭ جو - ي كوپ وتپەي قازىرگى كۇيەۋ جوۋ نانعا جولىقتى، ول قاشقارلىق اسكەري ادام ەدى، سونىمەن ونىڭ «شينجياڭعا كەلىن» بولۋ ارمانى جۇزەگە استى.
2013 - جىلى ەرىكتى قىزمەت وتەۋ مەرزىمى اياقتاعان كەزدە فىڭ جو - ي شينجياڭعا قالۋ ءۇشىن جالپى ناتيجەسى ءبىرىنشى بولۋداي ناتيجەمەن ءۇرىمجى قالاسىنداعى ۇكىمەت قىزمەتكەرى ەمتيحانىنان سۇرىنبەي وتەدى. قاشقاردان كەتەردە ول قاشقاردى قيماي قاتتى قينالادى.
وڭتۇستىك شينجياڭعا قايتا ورالۋ: گۇل اتاۋلىنىڭ بارلىعى راۋشان گۇلىندەي اسەم بولا بەرمەيدى
ول پارتيا ۇيىمىنا قاشقارعا قايتىپ قىزمەت ىستەۋ ءوتىنىشىن تاپسىردى. فىڭ جو - ي تىلشىگە بىلاي دەدى: «مەنىڭ بۇل ىستەگەندەرىم باسقا ولكە - وڭىردەگىلەردىڭ شينجياڭ جونىندەگى اۋەلگى قاتىپ - سەمگەن اسەرىن وزگەرتۋ ءۇشىن بولىپ وتىر، دەسە دە بۇل ويىمدى اۋىز جۇزىندە ءتۇسىندىرۋ جەتەرسىزدىك ەتەدى ەكەن، سونىمەن وڭتۇستىك شينجياڭداعى قاشقارعا قايتىپ بارىپ قىزمەت ىستەۋگە ءوتىنىش بەرىپ، ايتقاندارىمدى ءىس جۇزىندىك ارەكەتىم ارقىلى دالەلدەۋگە بەكىندىم».
كوپتەگەن ادامدار ونىڭ وڭتۇستىك شينجياڭعا قايتا ورالۋ جونىندەگى بەكىمىن تۇسىنبەدى، ءبىراق فىڭ جو - ي بىلاي دەپ قارادى: مەنىڭ بەكىمىم سان ميلليونداعان جاستاردىڭ تالعامىمەن ۇقساس قاراپايىم. بىرەۋلەر شىعىس بولەك رايوندارىنداعى ءىرى قالالاردا كاسىپ جاراتۋدى، بىرەۋلەر باتىس بولەكتەگى شەكارا رايوندارعا ءوزىن ارناپ، ۇلەس قوسۋدى تاڭدايدى، مىنە بۇلاردىڭ ءبارى وزىندىك قۇنىن ايگىلەۋدىڭ جولدارى. گۇل اتاۋلىنىڭ بارلىعى راۋشان گۇلىندەي اسەم بولا بەرمەيدى - عوي.
فىڭ جو - ي: «شينجياڭنىڭ دامۋ بولاشاعى زور، سوندىقتان شينجياڭنىڭ گۇلدەنىپ - كوركەيۋىنىڭ كۋاگەرى بولىپ قانا قالماستان، كۇش - قايراتىمدى ارناۋ ارقىلى شينجياڭنىڭ گۇلدەنۋىنە اتسالىسۋدى ءۇمىت ەتەمىن»، - دەدى.
(جۇڭگو ۇلتتار اۋدارما مەكەمەسى اۋدارعان)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
