مەملەكەت مەرەكەسى مەن قاربىز مەرەكەسىندە 8 كۇن ۇستەمە جۇمىس ىستەسە قانشا اقى الادى؟ بەيجيڭدە كەمىندە 1840 يۋان الۋعا بولادى
2017.09.28 13:55 كەلۋ قاينارى : حالىق تورابى
بيىل مەملەكەت مەرەكەسى مەن قاربىز مەرەكەسى ءبىر ۋاقىتقا تۋرا كەلدى، 1 – قازان «التىن اپتالىعى» 8 كۇندىك ۇزاق دەمالىسقا اينالدى، ءىشىنارا قىزمەتكەرلەر ۇستەمە جۇمىس ىستەيدى، كەيبىرەۋلەرى ءتىپتى 8 كۇن بويى تۇگەلدەي ۇستەمە جۇمىس ىستەۋى مۇمكىن. 2017 – جىلعى مەملەكەت مەرەكەسى مەزگىلىندە ۇستەمە جۇمىس ىستەگەندەر قانشا اقى الادى؟
مەملەكەتتىك كەڭەس كەڭسە مەڭگەرمەسىنىڭ 2017 – جىلعى مەرەكەلىك دەمالىستار تۋرالى ۇقتىرۋىنا نەگىزدەلگەندە، بيىل مەملەكەت مەرەكەسى مەن قاربىز مەرەكەسىنىڭ دەمالىسى جالعاسىپ كەتەدى: 1 – قازاننان 8 – قازانعا دەيىن 8 كۇن دەمالىس بەرىلەدى. 30 – قىركۇيەك (سەنبى) جۇمىسقا شىعۋعا تۋرا كەلەدى.
ەلىمىزدىڭ «ەڭبەك زاڭىنداعى» بەلگىلەمەلەرگە ساي، 1 – قازاننان 4 – قازانعا دەيىن زاڭدا بەلگىلەنگەن دەمالىس ەسەپتەلەدى، ەڭبەكشىلەر زاڭدا بەلگىلەنگەن دەمالىستا ۇستەمە جۇمىس ىستەسە، جۇمىس ىستەتۋشى ورىن كۇندىك ەڭبەكاقىنىڭ %300 بويىنشا ۇستەمە اقى بەرۋى كەرەك، بۇل اقشانى باسقا ۋاقىتتا دەمالىس بەرۋ ارقىلى وتەۋگە بولمايدى. 5 – قازاننان 8 – قازانعا دەيىن اپتا سوڭىنداعى دەمالىستىڭ ورنى تولىقتانادى، جۇمىس ىستەتۋشى ورىن ۇستەمە جۇمىس ورنالاستىرسا، ەڭبەكشىگە ۇستەمە اقى بەرمەي – اق، دەمالىستى تولىقتاپ بەرۋىنە بولادى، ەگەر دەمالىستى تولىقتاپ بەرمەسە، ەڭبەكشىنىڭ كۇندىك نەمەسە ساعاتتىق ەڭبەكاقىسىنىڭ %200ىنەن جوعارى ۇستەمە اقى بەرۋى كەرەك.
بيىل 1 – قىركۇيەكتە اتقارىلعان بەيجيڭ قالاسىنىڭ ەڭ تومەنگى ەڭبەكاقى ولشەمى ــ 2000 يۋاندىق ولشەممەن ەسەپتەگەندە، 1 – قازاننان 4 – قازانعا دەيىن كەمىندە 1104 يۋان الۋعا بولادى؛ 5 – قازاننان 8 – قازانعا دەيىن كەمىندە 736 يۋان الۋعا بولادى. ەگەر قىزمەتشى 8 كۇن تولىق ۇستەمە جۇمىس ىستەپ، دەمالىستى تولىقتاپ الماسا، وندا كەمىندە 1840 يۋان ۇستەمە جۇمىس اقىسىن الادى.
«ەڭبەك زاڭىنىڭ» 91 – تارماعىندا بىلاي بەلگىلەنگەن: ادام ىستەتۋشى ورىن ەڭبەكشىنىڭ قىزمەت ۋاقىتىن ۇزارتقاننان كەيىنگى ەڭبەكاقىسىن بەرمەسە، ەڭبەكتى ۇيىمداستىرۋشى اكىمشىلىك تاراۋلار ەڭبەكشىنىڭ ەڭبەكاقىسىن بەرۋگە، ەكونوميكالىق تولىقتاما قاراجات بەرۋگە ءارى تولەم قاراجاتىن بەرۋگە بۇيىرادى. سوندىقتان، ادام ىستەتۋشى ورىن ۇستەمە قاراجاتتى تولىق بەرمەسە، دەر كەزىندە مالىمدەۋىڭىز كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
