شي جينپيڭ ورتالىق كوميتەت ساياسي بيۋروسىنىڭ 17 - رەتكى توپتىق ۇيرەنۋىندە بىلاي دەپ باسا دارىپتەدى
پارتيا مەن حالىق اشقان دۇرىس جولمەن ۇزدىكسىز العا باسىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ۇزدىكسىز ىلگەرىلەتۋ كەرەك
2019.09.26 16:18 كەلۋ قاينارى : شينجياڭ گازەتى
شينحۋا اگەنتتىگىنىڭ 9 - ايدىڭ 24 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 9 - ايدىڭ 24 - كۇنى تۇستەن كەيىن ”جاڭا جۇڭگونىڭ مەملەكەت ءتۇزىمى مەن زاڭ ءتۇزىمىنىڭ قالىپتاسۋى جانە دامۋى“ جونىندە 17 - رەتكى توپتىق ۇيرەنۋ وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: جاڭا جۇڭگو قۇرىلعان 70 جىلدان بەرى، پارتيامىز حالىققا باسشىلىق ەتىپ امالياتتا ۇزدىكسىز ىزدەنىس جاساپ، جۇڭگوشا سوتسياليستىك مەملەكەت ءتۇزىمى مەن زاڭ ءتۇزىمدى بىرتىندەپ قالىپتاستىرىپ، زامانىمىزداعى جۇڭگونىڭ دامۋى، العا باسۋى ءۇشىن ءتۇبىرلى كەپىلدىك ۇسىندى، سونداي - اق جاڭا داۋىردە مەملەكەت ءتۇزىمى مەن زاڭ ءتۇزىم قۇرىلىسىن ىلگەرىلەتۋگە ماڭىزدى تاجىريبە ازىرلەدى. بۇكىل پارتيا جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەپ، پارتيا مەن حالىق اشقان دۇرىس جولمەن ۇزدىكسىز العا باسىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ۇزدىكسىز ىلگەرىلەتۋ كەرەك.
مەملەكەتتىك حالىق قۇرىلتايى تۇراقتى كوميتەتىنىڭ مۇشەسى، نەگىزگى زاڭ جانە زاڭ كوميتەتىنىڭ مۇشەسى يۇي جىگاڭ جولداس وسى ماسەلە جونىندە تۇسىنىك جاساپ، پىكىر جانە ۇسىنىس ورتاعا قويدى.
شي جينپيڭ ۇيرەنۋدى باسقارعاندا ءسوز سويلەدى. ول بىلاي دەپ اتاپ كورسەتتى: ەندى بىرنەشە كۇننەن كەيىن، ءبىز جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قارسى الامىز. وسى رەتكى ساياسي بيۋرونىڭ توپتىق ۇيرەنۋىن ورنالاستىرۋداعى ماقسات − جاڭا جۇڭگو قۇرىلعان 70 جىلدان بەرى پارتيانىڭ حالىققا باسشىلىق ەتىپ، مەملەكەت ءتۇزىمى مەن زاڭ ءتۇزىم قۇرىلىسىن ىلگەرىلەتكەن ۇدەرىسىنە قايىرىلا قاراپ، جەتىستىكتەر مەن تاجىريبەلەردى قورىتىندىلاپ، جۇڭگوشا سوتسياليستىك تۇزىمگە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ سىندى كەلەلى ماسەلە جونىندە تەرەڭ ويلانۋ.
شي جينپيڭ بىلاي دەپ باسا دارىپتەدى: پارتيامىز قۇرىلعان كۇننەن باستاپ، حالىق قوجايىن بولاتىن جاڭا قوعام ورناتۋعا قۇلشىنىپ، بولاشاقتاعى مەملەكەت ءتۇزىمى تۋرالى دارىپتەمەلەر ورتاعا قويدى، سونداي - اق حالىققا باسشىلىق ەتىپ، وسى ءۇشىن كۇرەس جۇرگىزدى. جاڭا جۇڭگو قۇرىلعان سوڭ، پارتيامىز ماركسيزمنىڭ مەملەكەت ءىلىمىن جاسامپازدىقپەن قولدانىپ، سوتسياليستىك مەملەكەت ءتۇزىمىن ورناتۋ ءۇشىن تىنباي قۇلشىنىس جاساپ، مەملەكەتىمىزدىڭ مەملەكەت قۇرىلىمىن، ساياسي قۇرىلىمىن، ءتۇبىرلى ساياسي ءتۇزىمىن، نەگىزگى ساياسي ءتۇزىمىن، نەگىزگى ەكونوميكالىق ءتۇزىمىن جانە باسقا دا ءار جاقتاعى ماڭىزدى تۇزىمدەردى بىرتىندەپ ورناتتى جانە بەكەمدەدى، جۇڭگوشا سوتسياليستىك ءتۇزىم ۇزدىكسىز كەمەلدەنىپ، جۇڭگوشا سوتسياليستىك زاڭ جۇيەسى ۇزدىكسىز اقاۋسىزداندى. پارتيا 18 - قۇرىلتايىنان بەرى، ءبىز رەفورمانى جاپپاي تەرەڭدەتۋدى ىلگەرىلەتتىك، جۇڭگوشا سوتسياليستىك ءتۇزىم كۇن سايىن تولىسىپ، تۇلعالانا ءتۇسىپ، جۇڭگوشا سوتسياليستىك زاڭمەن جونگە سالۋ جۇيەسى ۇزدىكسىز كەمەلدەنىپ، پارتيا مەن مەملەكەت ىستەرىندە تاريحي جەتىستىككە قول جەتكىزۋدى، تاريحي وزگەرىس تۋىلۋدى ىلگەرىلەتۋدە ماڭىزدى رول اتقاردى.
شي جينپيڭ بىلاي دەپ اتاپ كورسەتتى: جۇڭگوشا سوتسياليستىك مەملەكەت ءتۇزىمى مەن زاڭ ءتۇزىم ۇزاق ۋاقىتتىق امالياتتىق ىزدەنىس بارىسىندا قالىپتاستى، ادامزاتتىڭ ءتۇزىم وركەنيەتى تاريحىنداعى ۇلى جاسامپازدىق. قانداي مەملەكەت ءتۇزىمىن ورناتۋ − تاياۋ زاماننان بەرگى جۇڭگو حالقى ءدوپ كەلگەن تاريحي تاقىرىپ. اماليات مىنانى دالەلدەدى: پارتيامىز ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن بىرلەستىرىپ، شىعىستاعى بايىرعى ءىرى ەلدە ميلليارد حالىقتىڭ قوجايىن بولۋىنا كەپىلدىك ەتەتىن جاڭاشا مەملەكەت ءتۇزىمىن ورناتىپ، جۇڭگوشا سوتسياليستىك ءتۇزىمدى كورنەكتى ارتىقشىلىققا جانە قۇدىرەتتى ومىرشەڭدىككە يە تۇزىمگە اينالدىرىپ، ەلىمىزدىڭ ەكونوميكاسى جەدەل دامىعان، قوعامى ۇزاق ۋاقىت ورنىقتى بولعان كەرەمەت جاراتۋىن قامتاماسىز ەتتى ءارى وركەندەپ كەلە جاتقان ەلدەردىڭ وسىزاماندانۋعا بەت الۋى ءۇشىن شىت جاڭا تالعام ازىرلەپ، ادامزاتتىڭ اناعۇرلىم جاقسى قوعامدىق ءتۇزىم ورناتۋ ىزدەنىسى ءۇشىن جۇڭگو پاراساتى مەن جۇڭگو جوباسىن ۇسىندى.
شي جينپيڭ بىلاي دەپ باسا دارىپتەدى: جۇڭگوشا سوتسياليستىك مەملەكەت ءتۇزىمى مەن زاڭ ءتۇزىم جۇڭحۋا ۇلتىنىڭ 5000 جىلدان اساتىن وركەنيەت تاريحىندا قوردالانعان تەرەڭ تاريحي، مادەنيەت داستۇرىنە تامىر تارتىپ، ادامزاتتىڭ ءتۇزىم وركەنيەتىنىڭ پايدالى جەمىستەرىن قابىلداعان جانە ونان ۇلگى العان، ۇزاق ۋاقىتتىق امالياتتىڭ سىنىنان وتكەن. ءبىرىنشى، پارتيا باسشىلىعىنىڭ ارتىقشىلىعىنا تاباندى بولدىق. 70 جىلدان بەرى، ءارقاشان پارتيانىڭ باسشىلىعىندا كۇشتەردى شوعىرلاندىرىپ ءىرى ءىس تىندىرىپ، مەملەكەت ءبىر تۇتاس ءونىمدى تۇردە ءتۇرلى ىستەردى ۇيىمداستىرىپ، ءتۇرلى قىزمەتتەردى ورىستەتكەندىكتەن عانا، ءبىرسىپىرا ەلەۋلى حاۋىپ - قاتەرلەر مەن سىن - سايىستارعا ءساتتى توتەپ بەرىپ، سانسىز قيىندىقتار مەن قاتەر - بوگەتتەردى جەڭىپ، ءارقاشان دۇرىس باعداردى بويلاپ ورنىقتى قاداممەن العا باسا الدىق. ەكىنشى، حالىقتىڭ قوجايىن بولۋ ارتىقشىلىعىنا كەپىلدىك ەتتىك. ەلىمىزدىڭ مەملەكەت ءتۇزىمى حالىق اراسىنا تەرەڭ تامىر تارتقان، ءونىمدى تۇردە حالىقتىڭ ەركىن بەينەلەپ، حالىقتىڭ ۇقىق - مۇددەسىن قامتاماسىز ەتىپ، حالىقتىڭ جاسامپازدىعىن قاۋلاتا الادى. ءۇشىنشى، مەملەكەتتى جاپپاي زاڭمەن جونگە سالۋ ارتىقشىلىعىنا تاباندى بولدىق. مەملەكەتتى زاڭمەن جونگە سالۋعا تاباندى بولىپ، زاڭمەن جونگە سالىناتىن مەملەكەتتى، زاڭمەن جونگە سالىناتىن ۇكىمەتتى، زاڭمەن جونگە سالىناتىن قوعامدى ءبىر تۇتاس قۇرۋعا تاباندى بولىپ، قوعامدىق ومىرشەڭدىكتى ازات ەتۋ جانە كۇشەيتۋ، قوعامدىق تەڭدىك پەن ادىلدىكتى جەبەۋ، قوعامنىڭ جاراسىمدىلىعىن، ورنىقتىلىعىن قورعاۋ، پارتيا مەن مەملەكەتتىڭ باياندى تىنىشتىعىنا شىنايى كەپىلدىك ەتۋ ءۇشىن ماڭىزدى رول اتقاردى. ءتورتىنشى، دەموكراتيالىق ورتالىقتاندىرۋ ءتۇزىمىن اتقارۋ ارتىقشىلىعىنا تاباندى بولدىق. پارتيانىڭ باسشىلىعىندا، ءارقايسى مەملەكەت ورگاندارى ءبىر تۇتاس تۇلعا ەسەپتەلەدى، ورىندى جۇمىس ءبولىسى بولۋمەن بىرگە، تىعىز سايكەسەدى، دەموكراتيانى تولىق ساۋلەلەندىرۋمەن بىرگە، ءونىمدى تۇردە ورتالىقتاندىرۋ جۇرگىزەدى.
شي جينپيڭ بىلاي دەپ اتاپ كورسەتتى: جۇڭگوشا سوتسياليستىك مەملەكەت ءتۇزىمى مەن زاڭ ءتۇزىم ىسكە اساتىن، شىنايى جارامدى، ونىمدىلىگى بار ءتۇزىم جۇيەسى بولىپ تابىلادى، بۇل ءبىزدىڭ ”ءتورت سەنىم“دى بەكەمدەۋدەگى نەگىزگى دايەگىمىزدىڭ ءبىرى سانالادى. جۇڭگوشا سوتسياليستىك مەملەكەت ءتۇزىمى مەن زاڭ ءتۇزىم ويداعىداي تاباندى بولۋعا، ويداعىداي اتقارۋعا مۇقتاج، سونىمەن قاتار ۇزدىكسىز كەمەلدەندىرۋدى جانە دامىتۋدى قاجەت ەتەدى. ءبىز ورناتىلعان ءارى امالياتتىڭ سىنىنان وتكەن ءتۇبىرلى تۇزىمگە، نەگىزگى تۇزىمگە، ماڭىزدى تۇزىمگە ويداعىداي تاباندى بولۋ، ونى ويداعىداي بەكەمدەۋ العى شارتىندا، ەلىمىزدىڭ مەملەكەت جاعدايىن شىعار ءتۇيىن ەتۋگە تاباندى بولىپ، تۇزىمدە جاڭالىق اشۋدى ۇزدىكسىز كۇشەيتىپ، مەملەكەتتى جونگە سالۋعا شۇعىل قاجەتتى ءتۇزىمدى، حالىقتىڭ كۇن سايىن ارتقان تاماشا تۇرمىس قاجەتىن قاناعاتتاندىرۋعا، ءسوزسىز، قاجەتتى ءتۇزىمدى جەدەل ورناتۋىمىز، كەمەلدەندىرۋىمىز كەرەك. اماليات بارىسىندا جاقسى تاجىريبەلەردى، جاقسى ادىستەردى دەر كەزىندە قورىتىندىلاپ وتىرۋىمىز كەرەك، پىسىپ - جەتىلگەن تاجىريبەلەر مەن ادىستەردى ءتۇزىم دەڭگەيىنە كوتەرىپ، زاڭعا اينالدىرۋعا بولادى.
شي جينپيڭ بىلاي دەپ باسا دارىپتەدى: ءتۇزىمنىڭ ومىرشەڭدىگى − اتقارۋدا. ءتۇزىمدى اتقارۋ قۋاتىن نىعايتىپ، ءتۇزىمنىڭ اتقارىلۋىن باقىلاۋدى كۇشەيتىپ، ەلىمىزدىڭ تۇزىمدىك ارتىقشىلىعىن شىن مانىندە جونگە سالۋ قۋاتىنا اينالدىرۋىمىز كەرەك. ءار دارەجەلى پارتكوم مەن ۇكىمەت، سونداي - اق باسشى كادرلار ءتۇزىم تانىمىن كۇشەيتىپ، ءتۇزىم ارناسىندا ءتۇرلى ىستەردى ىلگەرىلەتۋگە شەبەر بولۋ كەرەك. قالىڭ پارتيا مۇشەلەرى، كادرلار ءتۇزىم اتقارۋدىڭ ونەگەسى بولىپ، بۇكىل قوعامدى ءتۇزىم تانىمىن كۇشەيتۋگە، ءتۇزىمنىڭ بەدەلىن سانالى قورعاۋعا جەتەكتەۋ كەرەك.
شي جينپيڭ بىلاي دەپ اتاپ كورسەتتى: جۇڭگوشا سوتسياليستىك مەملەكەت ءتۇزىمى مەن زاڭ ءتۇزىم جونىندەگى نازاريالىق زەرتتەۋدى كۇشەيتىپ، 70 جىلدان بەرگى ەلىمىزىڭ ءتۇزىم قۇرىلىسىنداعى ءساتتى تاجىريبەلەرىن قورىتىندىلاپ، جۇڭگو ءتۇزىم قۇرىلىسى نازارياسىنىڭ عىلمي جۇيەسىن، نازاريا جۇيەسىن، ءسوز جۇيەسىن ورناتىپ، ءتۇزىم سەنىمىن بەكەمدەۋگە نازاريالىق تىرەك ۇسىنۋ كەرەك. تۇزىمدىك ۇگىت - تاربيەنى كۇشەيتىپ، اسىرەسە، جاستار مەن ورەندەرگە تۇزىمدىك تاربيەنى كۇشەيتىپ، جۇڭگو ءتۇزىمىنىڭ حيكايالارىن ويداعىداي بايانداپ، ادامداردى ءبىزدىڭ جۇڭگوشا سوتسياليستىك ءتۇزىم ورناتۋدىڭ تابىستى جولىن اشقاندىعىمىزدى تولىق تانۋعا جەتەكتەۋ كەرەك، ءبىز تەك وسى جولدى بويلاي ۇزدىكسىز العا باسا بەرسەك بولعانى، ءسوز جوق، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى جۇزەگە اسىرا الامىز.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
