بيىل جاز قانشالىق ىستىق بولدى؟
سولتۇستىك شينجياڭدا ەستەلىككە الىنعان ەڭ ىستىق 8 – اي بولدى
2019.09.20 14:42 كەلۋ قاينارى : حالىق تورابى
حالىق تورابى، 9 – ايدىڭ 20 – كۇنى، بەيجيڭ. شينجياڭدا جاڭا عانا وتكەن جاز قانشالىق ىستىق بولدى (6 – ايدان 8 – ايعا دەيىن)؟ 9 – ايدىڭ 18 – كۇنى شينجياڭ ۇيعۇر اۆتونوميالى رايوندىق اۋا رايى مەكەمەسى 2019 ـ جىلدىڭ جازىنداعى كليماتتىڭ ىقپالىنا باعا بەرىپ بىلاي دەدى: بيىل جازدا شينجياڭنىڭ اۋا تەمپەراتۋراسىندا «باسى سالقىن، سوڭى ىستىق» بولۋداي تولقۋ وزگەرىسى جارىققا شىقتى. جاز باسى سالقىن، جاز ورتاسى شىلىڭگىر ىستىق بولدى، 7 – ايدان 8 – ايعا دەيىن بۇكىل شينجياڭدا 7 رەت كولەمدى جوعارى تەمپەراتۋرالى اۋا رايى جارىققا شىعادى. اسىرەسە، 8 - ايدا سولتۇستىك شينجياڭ مەن بۇكىل شينجياڭنىڭ ورتاشا اۋا تەمپەراتۋراسى مەن جوعارىلاۋ دارەجەسى جەكە - جەكە تاريحتاعى ۇقساس مەزگىلدەگى ءبىرىنشى، ەكىنشى ورىندا تۇردى. سولتۇستىك شينجياڭدا اۋا رايى ەستەلىگىنەن بەرگى ەڭ ىستىق 8- اي بولدى.
بيىل كوكتەمدە قالىڭ سىمدار اي بويى شەشىلمەي، جاز كىرۋدىڭ مۇمكىندىگى بولمادى. سالقىن اۋا رايى اياقتالعان سوڭ، كوپ وتپەي جوعارى تەمپەراتۋرالى اۋا رايى بارلىققا كەلدى. بۇل جونىندە شيجياڭ ۇيعۇر اۆتونوميالى رايوندىق اۋا رايى مەكەمەسى كليمات ورتالىعىنىڭ جوعارى دارەجەلى ينجەنەرى لي حاييان بىلاي دەپ ءتۇسىندىردى: 6 – ايدا كوكتەم مەن جازدىڭ اۋىسۋ كەزەڭىندە تۇرادى، سۋىق اۋا رايى ءجيى بولادى، سوندىقتان جاۋىن - شاشىن كوپ، تەمپەراتۋرا تومەن، بىردەن جاز بولا قويۋى قيىن. ال، 7 – اي، 8 – ايلاردا توتەنشە جوعارى تەمپەراتۋرالى اۋا رايىنىڭ بولۋى، ءبىر جاعىنان، بۇكىل جەر شارىنىڭ جىلىنۋى سىندى ۇلكەن ورتا ماسەلەسىمەن قاتىستى، ەندى ءبىر جاعىنان، يراننىڭ جوعارى قىسىمى ءبىرشاما كۇشتى، ونىڭ ۇستىنە سۋىق اۋا از بولعاندىقتان، كەڭ كولەمدى، ءۇرتىس جوعارى تەمپەراتۋرالى اۋا رايى جارىققا شىقتى.
الايدا، جالپى جاقتان العاندا، شينجياڭنىڭ جاز ماۋسىمىنداعى ورتاشا اۋا تەمپەراتۋراسى ℃ 23.1 بولىپ، جىلدىق ۇقساس مەزگىلدەگىمەن سالىستىرعاندا ℃ 0.9 جوعارى بولىپ، وتكەن جىلدىڭ جازىمەن بىردەي بولعان. جاۋىن - شاشىن جونىنەن العاندا، بۇكىل شينجياڭنىڭ كوپ ساندى رايوندارىندا جاۋىن - شاشىن از بولىپ، % 10.1 ازايدى، وڭتۇستىك شينجياڭنىڭ قيىس باتىس وڭىرىندە (حوتان، قاشقار، قىزىلسۋ قىرعىز اۆتونوميالى وبلىسى سياقتى جەرلەردە) جاۋىن - شاشىن مولشەرى جىل بويى ۇقساس مەزگىلدەگىدەن كوبىرەك بولدى. جاز ماۋسىمىندا جاۋىن - شاشىن كوبىنەسە جاز باسىنا شوعىرلاندى، جاز ماۋسىمىندا بۇكىل شينجياڭنىڭ كوپ جەرىندە مەزەتتىك، بىتىراندى جاڭبىر جاۋادى. كۇشتى جاڭبىر كوبىنەسە تاۋلى وڭىرلەرگە، وتە - موتە كۇنلۇن تاۋىنىڭ سولتۇستىك بەتكەيىنە جانە جازىقتىڭ ءىشىنارا وڭىرلەرىنە شوعىرلاندى، بۇرشاق، ناجاعاي سياقتى كۇشتى كونۆەكسيالىق اۋا رايى ءجيى - ءجيى تۋىلدى. اشىق، ىستىق، جاۋىنى از اۋا رايى سالدارىنان سولتۇستىك شينجياڭنىڭ باتىس بولىگىندە، ءۇرىمجى توڭىرەگىندە ورتا دارەجەلىدەن جوعارى اۋا رايى قۇرعاق، ءىشىنارا جەرلەردە اۋىر قۋاڭشىلىق بولدى.
جاز ماۋسىمىندا شينجياڭ ۇيعۇر اۆتونوميالى رايونىندا بوران، بۇرشاق، نوسەر، تاسقىن سياقتى نەگىزگى اۋا رايى اپاتى تۋىلدى، اۋا رايى شارت - جاعدايى جالپى تۇلعالىق جاقتان ەگىن، مال شارۋاشىلىق وندىرىسىنە ءتيىمدى بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
