قاشقار نانىنىڭ ”ون سەگىز ءتۇرلى وزگەرىسى“
شينجياڭ گازەتىنىڭ جالپىلىق اقپارات قۇرالدارى تىلشىلەرى جاڭ جىلي، ءرايدا
2020.10.22 15:51 كەلۋ قاينارى : شينجياڭ گازەتى
كۇزدە قاشقارعا بارساڭىز، تۇس - تۇستان اڭقىپ تۇراتىن ”قاشقار يىسىنە“ كوپ ۇلەس قوسىپ تۇراتىن ناننىڭ باۋراعىش ءتاتتى ءيىسى مۇرنىڭىزعا كەلەدى.
”اكەم ءومىر بويى نان جاۋىپ ءوتتى، مەن دە بالا كۇنىمنەن نان جابۋدى ۇيرەندىم. ’ەكىنشى ۇرپاق ناۋباي‘ بولعان مەن ءالى نان جاۋىپ جۇرگەنىممەن، مۇندا قازىر وزگەرىس وتە كوپ“، - دەدى 9 - ايدىڭ 18 - كۇنى تىلشىگە ءپايزاۋات اۋدانى نان مادەنيەت كاسىپ باقشاسىندا نان جاباتىن نۇرمامەت وسىمان قولىنداعى جۇمىسىن قويا تۇرىپ تەرەڭ تولعانىسپەن.
ۇستىندەگى تازا، اپپاق جۇمىس كيىمىن قاعىپ، الدىندا تۇرعان تازا، جاڭا تيپتى، قورشاعان ورتانى قورعاۋعا ءتيىمدى تونارعا قاراپ تۇرىپ، نۇرمامەت بىردەن 3 وزگەرىستى جىپكە ءتىزدى: قورشاعان ورتانى قورعاۋعا ءتيىمدى تونار ىستەتەمىز، نان جابۋدان شارشامايتىن بولدىق، تابىسىمىز دا مولايدى.
نۇرمامەتتىڭ ءۇيى ءپايزاۋات اۋدانى عولتوعىراق اۋىلى سورجاينەك قىستاعىندا، بۇرىن ءداستۇرلى تونارمەن كۇنىنە كوپ دەگەندە 500 نان جاباتىن ونىڭ ايلىق تابىسى 2000 يۋانعا جەتپەيتىن؛ ەڭبەك كۇشىن كوبەيتىپ ناندى كوبىرەك جاپقىسى كەلگەنمەن، قىستاق شاعىن بولعاندىقتان، ونداي كوپ ناندى تۇتىنا المايتىن.
بىلتىر 11 - ايدا ءپايزاۋات اۋدانى نان مادەنيەتى كاسىپ باقشاسىن قۇرعان سوڭ، نۇرمامەت سياقتى ناۋبايحانا اشاتىن مىڭداعان كاسىپ يەسىنىڭ تاعدىرىندا وزگەرىس تۋىلدى: ولار قىستاقتاعى كادىمگى توپىراق تونارلارعا قوش ايتىپ، ءبىر تۇتاس جۇمىس كيىمىن كيىپ، نان مادەنيەتى كاسىپ باقشاسىنىڭ كەڭ دە جارىق سەحتارىندا نان جابۋعا كوشتى. ”قامىر يلەۋ، نان جاساۋ، پىسىرۋ، قوراپتاۋ، ساتۋ سياقتى جۇمىس بولىستەرى ايقىن، بۇرىنعىداي شارشامايتىن بولدىق، كوپشىلىكتىڭ ورتاشا ايلىق تابىسى بۇرىنعىدان 1000 يۋاننان استام كوبەيدى“، - دەدى نۇرمامەتپەن بىرگە ىستەيتىن ابدىعىني يمام.
10 مىڭ شارشى مەتردەن اساتىن نان جابۋ سەحىندا 200 تونار قاز - قاتار تىزىلگەن. ءبىر ءبولىم نان جابۋشىلار ناندى تونارعا سالعان ارەدىكتە، تىلشىگە كەلىپ وزدەرىنىڭ باسىنان وتكەن وزگەرىستەرىن اڭگىمەلەپ بەردى.
”مەن نان دا جابامىن، ناقىشتاۋدى دا بىلەمىن. نان مادەنيەتى كاسىپ باقشاسى ءبىزدى جاڭالىق اشۋعا ىنتالاندىرىپ وتىر، مەن پىسىرعان نانداردىڭ ىشىندە ەكى ايداعاردىڭ مارجان ويناتقان ءپىشىنى، گۇل، قۇس، بالىق، قۇرت پىشىندەر بار، العىس جانە ىنتىماق سوزدەرى جازىلعاندارى دا بار“، - دەدى نان جابۋشى جۇما تۇرسىن.
”مەن ۇرىمجىدەن كەلگەن مۇعالىمنان دوحوپكادا ءتۇرلى دامدەگى كىشكەنتاي توقاشتار پىسىرۋدى ۇيرەنىپ الدىم، مەن شىلان ءدامدى، ءجۇزىم ءدامدى، ءتاتتى كارتوپ ءدامدى 10 نەشە ءتۇرلى كىشكەنتاي توقاشتاردىڭ سۋرەتىن دوستارىما جىبەرسەم، ءبارى ەرەكشە قىزىعۋشىلىق تانىتتى“، - دەدى نان مادەنيەت كاسىپ باقشاسىنىڭ زەرتتەۋ - اشۋ ورتالىعىندا پراكتيكا ىستەپ جاتقان رازيا ابيبوللا.
بيىل ءپايزاۋات اۋدانى نان مادەنيەتى كاسىپ باقشاسى 2 - مەرزىمدىك ينجەنەرياسىنىڭ سالىنىپ بىتۋىنە مەڭزەس، جاڭا وركەندەگەن كاسىپ كۇيلەرى كاسىپ باقشاسىندا جۇمىس ىستەيتىندەرگە تىڭ دامۋ ءورىسىن سيلادى: نان جابۋشى تۇرعۇن تاي−ىر وسىمدىك باعىنا بارىپ وڭتۇستىكتەن ەنگىزىلگەن گۇل - اعاشتاردى ەگۋدى ۇيرەنسە، نان جاسايتىن زوھىرا ابدىرەشيت تىكە تاراتۋ بولمەسىنە كىرىپ نان ساتتى، تاعى كەيبىر نان جابۋشىلار نان جابۋدى سەزىنۋ اۋماعىندا ”تاربيەشى“ بولدى، نەمەسە نان جاسايتىن، نان پىسىراتىن قۇرالدار ساتتى.
ءپايزاۋات اۋدانىنىڭ ورىنباسار اكىمى پاڭ شۋەچيننىڭ قاراۋىنشا، ءداستۇرلى نان كاسىپ سالاسى بولىپ قالىپتاسقان سوڭ، ءسوز جوق، قاتىستى كاسىپ سالالارىن دامۋعا جەتەكتەيدى. ناننىڭ ءوندىرىس مولشەرى كوبەيگەن سوڭ، بيىل كۇزدە ءبيدايدىڭ ەگىس كولەمى 20 مىڭ مۋعا ارتقان؛ ءتۇرلى دامدەگى ناندارعا ءار ءتۇرلى ۇن، كوكونىس، جەمىس ونىمدەرى سياقتى اۋىل شارۋاشىلىعى قوسىمشا ونىمدەرى قاجەت بولعاندىقتان، بۇكىل اۋداننىڭ ەگىس قۇرىلىمى ونان ارى رەتتەلىپ، ۇن وڭدەۋ كاسىپورىندارى، جەمىس توساپتارىن وندىرەتىن كاسىپورىندار سياقتى اۋىل شارۋاشىلىعىن كاسىپ سالالاندىرعان كاسىپورىندار كوبەيۋ ۇستىندە ەكەن؛ ال ”كاسىپورىن + سەلبەستىك كووپەراتيۆ +نان ۇيلەرى“ ۇلگىسىنىڭ قالىپتاسۋى اۋىل - قىستاقتاعى نان جابۋ ءتاسىلىنىڭ وزگەرىسىن، ەلەكتروندى ساۋدا ىستەرىنىڭ ۇلعايۋىن جەبەگەن.
قۋانارلىق وزگەرىس تەك بۇل عانا ەمەس. بۇگىنگى تاڭدا، قاعىلىقتا نان شارۋاشىلىعى قالىپتاسقان سوڭ، نان جابۋ ونەرى مەن مادەنيەت ساياحاتى ورگانيكالى تۇردە بىرلەستىرىلىپ، ”كۇنلۇندەگى ءبىرىنشى قالا قاشقاردىڭ تاماشا ءدامى“ ماركاسىن تۇلعالادى.
قاعىلىق اۋداندىق پارتكومنىڭ تۇراقتى مۇشەسى، ورىنباسار اكىم ياڭ جۇنباۋ بىلاي دەدى: اۋدان قالاشىعىنداعى قىزىل انار نان كاسىبى باقشاسىندا، ساياحاتشىلار تۇرلىشە دامدەگى نان دۇكەندەرىن ارالاپ تاتىپ كورىپ، ”نان“ تاقىرىبىنداعى مادەنيەت - ونەردى تاماشالاي الادى؛ اۋىل - قىستاقتا، نان وڭدەۋ سەلبەستىك كووپەراتيۆتەرى 1 -، 2 -، 3 - كاسىپتەردىڭ توعىسا دامۋىنا دەم بەرۋدە؛ كەلەسى قادامدا، نان ساتاتىن ارنايى دۇكەندەر شينجياڭ - شيزاڭ تاس جولىن بويلاپ شيزاڭنىڭ الي وڭىرىنە ىرگە تەپپەك.
قازىر قاشقار ايماعىنىڭ نان شارۋاشىلىعى قارىشتاپ دامۋ ۇستىندە، 196 وڭدەۋشى كاسىپورىن مەن شارۋالار كاسىپتىك سەلبەستىك كووپەراتيۆىنەن، 5425 جەكە ساۋدا - ونەركاسىپشىدەن، 9461 توناردان، جىلىنا ءبىر ميلليارد 208 ميلليون نان جابىلاتىن، جىلدىق ءونىم قۇنى 2 ميلليارد 400 ميلليون يۋاندىق ءوندىرىس كولەمىنەن سىرت، نان تۇرلەرىن زەرتتەۋ - اشۋ، ماركا قۇرىلىسى، باسقارۋ ۇلگىسى، ءوندىرىس ولشەمى، دامىنە جاڭالىق ەنگىزۋ، ساتىلىم ارنالارى سياقتىلاردىڭ بارلىعىندا بازارعا قاراي وزگەرىس تۋىلۋدا.
قاشقار نانىنىڭ ”ون سەگىز ءتۇرلى وزگەرىسىنىڭ“ تۇپكى ماقساتى قالىڭ بۇقاراعا اناعۇرلىم كوپ ناقتى تيىمدىلىك جەتكىزۋ. 2025 - جىلدىڭ سوڭىنا بارعاندا، قاشقار ايماعى نان ونىمدەرىنىڭ جىلدىق ساتىلىم تابىسىن 7 ميلليارد 500 ميلليون يۋانعا جەتكىزۋگە كۇش سالىپ، شيكىزات، قوراپتاۋ، زات اينالىمى، اس - سۋ قىزمەت وتەۋلەرى سياقتى قاتىستى كاسىپ سالالارىن دامۋعا جەتەكتەپ، بۇل جاعىنداعى جىلدىق ءونىم قۇنىن 2 ميلليارد 500 ميلليون يۋانعا جەتكىزەدى؛ شينجياڭنان سىرت جەردە نان جابۋ دۇكەندەرىنەن، وبراز دۇكەندەرىنەن 1000نان استامىن اشىپ، 15 مىڭ نان جابۋشى مەن نان ساتۋشىنىڭ شينجياڭنان سىرت جەردە جۇمىستانۋىن جۇزەگە اسىرادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
