ەڭ جوعارى حالىق پروكۋراتۋراسى جاڭا بەلگىلەمە جاريالادى، پروكۋراتۋرانىڭ دەلو قاراۋدا دالەل تىڭداۋى ارناعا تۇسىرىلەدى
2020.10.21 14:53 كەلۋ قاينارى : حالىق تورابى
«حالىق گازەتى» (ءتىلشى مىڭ ياشۇي). ەڭ جوعارى حالىق پروكۋراتۋراسى بىرنەشە كۇننىڭ الدىندا «حالىق پروكۋراتۋراسىنىڭ دەلو قاراۋدا دالەل تىڭداۋدى ارناعا ءتۇسىرۋ قىزمەتى جونىندەگى بەلگىلەمەنى» باسىپ تاراتىپ، پروكۋراتۋرا ورگاندارىنىڭ دالەل تىڭداۋ ءتاسىلى ارقىلى دەلو قاراۋ قىزمەتىن اناعۇرلىم كۇشەيتتى جانە ارناعا ءتۇسىردى.
بەلگىلەمەدە دالەل تىڭداۋشىلاردىڭ جاسى، مىنەز - قۇلقى، دەنساۋلىق شارت - جاعدايى قاتارلى جاقتارعا تالاپ قويىلدى، بۇل مىنالاردى قامتيدى: 23 جاسقا تولعان جۇڭگو ازاماتى بولۋ؛ جۇڭحۋا حالىق رەسپۋبليكاسىنىڭ نەگىزگى زاڭى مەن زاڭدارىن قورعاۋ؛ زاڭعا، تارتىپكە بويسۇنۋ، مىنەز - قۇلقى جاقسى، ءادىل، تۋراشىل بولۋ؛ مىندەتىن قالىپتى وتەيتىن دەنساۋلىق شارت - جاعدايى بولۋ.
بۇدان سىرت، بەلگىلەمەدە قىلمىستىق ىستەر جازاسىنا تارتىلعاندار، قىزمەتتەن ايدالعاندار قاتارلى دالەل تىڭداۋشى بولۋعا ۇيلەسپەيتىن ءتورت ءتۇرلى جاعداي ايقىن بەلگىلەندى.
ەڭ جوعارى حالىق پروكۋراتۋراسى 10 - ايدىڭ 20 – كۇنى اشقان اقپار جاريالاۋ ماجىلىسىندە ەڭ جوعارى حالىق پروكۋراتۋراسى زاڭ - ساياسات زەرتتەۋ كەڭسەسىنىڭ مەڭگەرۋشىسى گاۋ جيڭفىڭ بىلاي دەدى: قوعامداعى الەۋمەت جوعارىداعى شارتتارعا ۇيلەسسە بولعانى، دالەل تىڭداۋشى بولۋ تولىمدىلىعىنا يە بولادى، قوعامداعى الەۋمەتتىڭ پروكۋراتۋرا ورگاندارىنىڭ دەلو ءبىر جاقتى ەتۋىنە ءار جاقتان پىكىر بەرۋىن قارسى الامىز.
اقپار جاريالاۋ ماجىلىسىندە تاعى پروكۋراتۋرا ورگاندارىنىڭ بيىل جىل باسىنان بەرگى دەلولاردى تەكسەرىپ دالەلدەۋ قىزمەتىنىڭ احۋالى حابارلاندىرىلدى ءارى قاتىستى تيپتىك دەلولار جاريالاندى. بيىل 1 - ايدان 9 - ايعا دەيىن ەڭ جوعارى حالىق پروكۋراتۋراسى 13 دەلوعا دالەل تىڭداۋ ءماجىلىسىن، جەرگىلىكتى ءۇش دارەجەلى پروكۋراتۋرا 16 مىڭ 354 دەلوعا دالەل تىڭداۋ ءماجىلىسىن ۇيىمداستىرعان. مۇنىڭ ىشىندە نەگىزگى ساتى پروكۋراتۋرالارىنىكى 14 مىڭ 359 پارشا بولىپ، %87.8 ىن ۇستاعان.
ەڭ جوعارى حالىق پروكۋراتۋراسى پروكۋرورلار القاسىنىڭ ارناۋلى مۇشەسى ۋان چۇن مىنانى ءبىلدىردى: پروكۋراتۋرا ورگاندارى بەلگىلەمەنى تياناقتاندىرۋدى شىنايى مىقتى يگەرىپ، حالىق بۇقاراسىنىڭ قاجەتىنە جاۋاپ قايتارادى، ءار رەتكى پروكۋراتۋرالىق دالەلدەۋ ءماجىلىسىن زاڭمەن باسقارۋدىڭ جاندى امالياتتىق ساباعىنا اينالدىرۋعا كۇش سالادى ءارى ءار دارەجەلى پروكۋراتۋرالاردىڭ باس پروكۋرورى باستاماشى بولىپ ۇلگى كورسەتەدى، بۇكىل ەلدەگى پروكۋراتۋرا ورگاندارىندا دالەل تىڭداۋ ءتاسىلى ارقىلى دەلو قاراۋ قىزمەتى تولىق قامتىلاتىن بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
