جوعارى مەكتەپ ەمتيحانىنان سوڭ تالاپ كەستەسىن تولتىرعان كەزدە مىنالارعا كوڭىل بولىڭىزدەر 

كەشەدەن باستاپ، جەر – جەردە جوعارى مەكتەپ ەمتيحانىنىڭ ناتيجەسى جاريالانا باستادى، جوعارى مەكتەپ ەمتيحانىنان سوڭ تالاپ كەستەسىن تولتىرۋ قىزمەتى الدا باستالادى. جوعارى مەكتەپ ەمتيحانىنان سوڭ تالاپ كەستەسىن تولتىرۋدىڭ شەشۋشى كەزەڭىندە، وقۋ – اعارتۋ مينيسترلىگى وقۋشى قابىلداۋ ينفورماتسياسىن تەكسەرۋدە ”ۇكىمەت تورابى“ دەگەن بەلگىنى انىقتاپ كورۋدى ەسكەرتەدى.

وقۋ – اعارتۋ مينيسترلىگى جاريالاعان ساندى مالىمەتكە قاراعاندا، 2024 – جىلى 6 – ايدىڭ 20 – كۇنىنە دەيىن، ەلىمىز بويىنشا جوعارى مەكتەپتەردىڭ سانى جيىنى 3117 مەكتەپ بولدى، مۇندا: جاي جوعارى مەكتەپتەر 2868 مەكتەپ، مۇندا تولىق كۋرس دارەجەلى 1308 مەكتەپ، جوعارى تەحنيكۋم (ارناۋلى كۋرس) دارەجەلى 1560 مەكتەپ قامتىلعان؛ ەرەسەكتەرگە ارنالعان جوعارى دارەجەلى مەكتەپتەردىڭ سانى 249 مەكتەپ.

كەزەكتە، ەلىمىز بويىنشا جاي تولىق كۋرس دەڭگەيىندەگى جوعارى مەكتەپتەردە جيىنى 12 ءتۇرلى ءپان ءتۇرى، 93 كاسىپ ءتۇرى، 816 كاسىپ بار؛ ەلىمىز بويىنشا جوعارى تەحنيكۋم مەكتەپتەرىندە جيىنى 19 ءىرى كاسىپ ءتۇرى، 1032 ءتۇرلى كاسىپ بار، مۇندا، جوعارى تەحنيكۋم ارناۋلى كۋرس كاسىبى 751 ءتۇرلى، جوعارى تەحنيكۋم تولىق كۋرس كاسىبى 281 ءتۇرلى.

جۋىردا، وقۋ – اعارتۋ مينيسترلىگى ەمتيحان بەرگەن وقۋشىلاردىڭ ”داشۋە تاڭداۋىنا، كاسىپ تاڭداۋىنا“ دەم بەرۋ ءۇشىن، ساۋلەلى تالاپ كەستەسىن تولتىرۋ جونىندە (阳光志愿) ينفورماتسيالىق قىزمەت وتەۋ جۇيەسىن تۇڭعىش رەت ينتەرنەتكە شىعارىپ، سەنىمدى، ەگجەي – تەگجەيلى كاسىپ تىزىمدىگىن، جوعارى مەكتەپتەر تىزىمدىگىن جيناقتاپ شىعاردى، ەمتيحان بەرگەن وقۋشىلاردىڭ وقۋ – اعارتۋ مينيسترلىگىنىڭ ساۋلەلى جوعارى مەكتەپ ەمتيحانى (阳光高考) تەكشەسى ارقىلى قاتىستى ينفورماتسيالاردى سۇراستىرۋىنا بولادى.

جوعارى مەكتەپ ەمتيحانىنان كەيىن تالاپ كەستەسىن تولتىرۋعا كومەكتەسۋ ءۇشىن، 2024 – جىلعى جوعارى مەكتەپ ەمتيحانىنىڭ ”ينتەرنەت ارقىلى كەڭەس سۇراۋ اپتالىعى“ قيمىلى باستالدى، ءارقايسى جوعارى مەكتەپتەر ەمتيحان بەرگەن وقۋشىلارعا، ولاردىڭ اتا – انالارىنا تالاپ كەستەسىن تولتىرۋ جاعىندا ينتەرنەت ارقىلى دۇرىس ءارى سەنىمدى جەتەكشىلىك ەتەدى ءارى قىزمەت وتەيدى، قيمىل وقۋ – اعارتۋ مينيسترلىگىنىڭ ”ساۋلەلى جوعارى مەكتەپ ەمتيحانى ينفورماتسيا تەكشەسى“ ارقىلى 6 – ايدىڭ 28 – كۇنىنە دەيىن وتكىزىلەدى.

كەلۋ قاينارى: حالىق تورابى