بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2024.06.26 15:47 كەلۋ قاينارى : حالىق تورابى
6 – ايدىڭ 25 – كۇنى، چاڭ – ى 6 – ءنومىرلى ايدى بارلاۋ اسپابى ىشكى موڭعۇلداعى سىزىۋاڭ حوشۋنىنداعى بەلگىلەنگەن اۋماققا ءساتتى قوندى، قايتىپ ورالۋ اسپابى ايدىڭ ارعى بەتىنەن ەكى كيلوگرام كەلەتىن اي توپىراعىنىڭ ۇلگىسىن الىپ، جەر بەتىنە امان – ەسەن ورالدى.
وسى ءبىر بەلەستىك مىندەت جۇڭگونىڭ عارىش ىستەرى جاعىنداعى تاعى ءبىر كەلەلى جەتىستىككە قول جەتكىزگەنىن كورسەتىپ قالماستان، ادامزاتتىڭ ايدى، ءتىپتى الەمدى بارلاۋىنا تىڭ ماڭىزدى ساندى مالىمەتتەردى دە دايىندادى. چاڭ – ى 6 – ءنومىرلى بارلاۋ اسپابى قايتىپ ورالۋ مىندەتىن قانداي ورىندادى؟
باس ستانسيا ورتالىق تەلەۆيزيا ءتىلشىسى سۇي شيا بىلاي دەدى: بەيجيڭدەگى عارىش قالاشىعىندا مەن چاڭ – ى 6 – ءنومىرلى بارلاۋ اسپابىنىڭ باس جوبالاۋشىسى حۋ حاۋمەن ”چاڭ – ى 6 – ءنومىرلى بارلاۋ اسپابىن، ءسوزسىز، ۇيگە الىپ قايتۋىمىز كەرەك“ دەپ ۋادەلەسكەنمىن. وسى جولى ءبىز قونۋ الاڭىنا كەلدىك، ۋادەمىز ورىندالدى. باس جوبالاۋشى رەتىندە، حۋ حاۋ چاڭ – ى 6 – ءنومىرلى اسپاپتىڭ وسى رەتكى مىندەتتى ورىنداۋى جونىندە قانداي باعا بەرەدى ەكەن؟
چاڭ – ى 6 – ءنومىرلى مىندەتتىڭ باس جوبالاۋشىسى حۋ حاۋ بىلاي دەدى: چاڭ – ى 6 – ءنومىرلى بارلاۋ اسپابى عارىشتا 53 كۇن ۇشتى، ءىس جۇزىندە، ءبىز ءبىر جىلدان استام ۋاقىت قىزمەت ىستەدىك، مۇندا اسپاپتىڭ كۇيىندەگى وزگەرىستەر مەن شەتەلدىڭ اسپاپتارىن قوسۋ، سونداي – اق، بۇكىل ۇشۋ مىندەتىن اتقارۋ كەزەڭىنە دايىندىق جاساۋ قىزمەتى قامتىلادى. ءارقايسى كەزەڭدە بۇكىل قىزمەتكەرلەر قوسىنى تۇگەلدەي بارىنشا ىقىلاسپەن ىسكە كىرىستى، وزدەرىنە تيەسىلى جاۋاپكەرشىلىكتى نىق سەنىممەن ورىندادى دەۋگە بولادى. قازىرگى بەينەسى ءاربىر ءتۇيىن بويىنشا تۇگەلدەي ءبىزدىڭ ۇمىتىمىزدەن شىقتى.
چاڭ – ى 6 – ءنومىرلىنىڭ جەر شارىنا قايتۋى جۇڭگونىڭ عارىش سالاسى جونىنەن ايتقاندا دا تاعى ءبىر رەتكى تىڭ سەكىرىس بولدى.
چاڭ – ى 6 – ءنومىرلى مىندەتتىڭ باس جوبالاۋشىسى حۋ حاۋ بىلاي دەدى: شىنىمەن دە ءبىر رەتكى تىڭ سەكىرىس بولدى، ويتكەنى، ايدى بارلاۋ بارىسىندا، وسىنىڭ الدىندا چاڭ – ى 5 – ءنومىرلى بارلاۋ اسپابى ايدىڭ بەرگى بەتىنەن ۇلگى زات الىپ كەلدى، بۇل جولى ايدىڭ ارعى بەتىنەن ۇلگى زات الدىق، ءىس جۇزىندە، قازىرگە دەيىن ايدىڭ ارعى بەتىنەن ەشكىم ۇلگى زات الا الماعان، سوندىقتان، عالىمدار بۇعان ەرەكشە زور ءۇمىت ارتۋدا.
كەلۋ قاينارى: حالىق تورابى
