مەملەكەتتىك ۇلتتار ىنتىماعى ”قىستاق BA“ باسكەتبول شاقىرمالى جارىسى اياقتادى 

شينحۋا اگەنتتىگىنىڭ ءتىلشىسى جياڭ چىڭ 6 – ايدىڭ 30 – كۇنى گۇيياڭنان حابارلايدى. 6 – ايدىڭ 30 – كۇنى، مەملەكەتتىك 12 – كەزەكتى از ۇلتتاردىڭ ءداستۇرلى دەنە تاربيە سپورت جينالىسى ”ءبىر نيەتپەن ءلاززاتتانۋ“ جەلىلەس قيمىلدارىنىڭ ءبىرى بولعان مەملەكەتتىك ۇلتتار ىنتىماعى ”قىستاق BA“ باسكەتبول شاقىرمالى جارىسىنىڭ جالپى شەشۋشى جارىسى گۇيجوۋ ولكەسى چياندۇڭ مياۋزۋ – دۇڭزۋ اۆتونوميالى وبلىسىنىڭ تايجياڭ اۋدانىندا وتكىزىلدى، شينجياڭ قاعىلىق كومانداسى 74 :72 ۇپايمەن گۇيجوۋ كايلي كومانداسىن جەڭىپ، اعا جۇلدەگەر بولدى، ءۇشىنشى ورىنعا جياڭسۋ دانياڭ كومانداسى يە بولدى.

الدىڭعى ءۇش ورىنداعى كوماندالارعا بەرىلەتىن سيلىقتىڭ ەرەكشەلىگى كورنەكتى بولدى، كۇرش، بالىق، ۇيرەك قاتارلى جەرگىلىكتى ورىنداعى اۋىل شارۋاشىلىعى ونىمدەرى مەن بەيزاتتىق مادەني مۇرا بۇيىمدارىنان سىرت، ۇيىمداستىرۋشى جاق سيلىققا يە بولعان كوماندا مەن جەكەلەرگە ەستەلىك ىزناك تاراتقان.

6 – ايدىڭ 9 – كۇنىنەن 30 – كۇنىنە دەيىن، گۇيجوۋ، جياڭسۋ، شينجياڭ، شانشي، جيلين، چۇڭچيڭ قاتارلى 19 ولكەدەگى (اۆتونوميالى رايون، توتە قاراستى قالا) 20 كوماندا 44 رەت جارىس وتكىزگەن. جارىس ارەدىگىندە، كوركەمونەر ويىندارى، ءداستۇرلى تاعامدار، جەرگىلىكتى ونىمدەر ءبىرتۇلعالاندىرىلعان مادەنيەت سالتاناتى دا شوعىرلى كورسەتىلگەن.

كەلۋ قاينارى: حالىق تورابى