ءسوز جوق، وزىنە سەنۋگە، ءوز كۇشىنە سۇيەنۋگە تاباندى بولۋ كەرەك

شينحۋا اگەنتتىگى، 7 - ايدىڭ 15 – كۇنى، بەيجيڭ. 7 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 14 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «» اتتى ماڭىزدى ماقالاسى جاريالانادى. بۇل − باس شۋجي شي جينپيڭنىڭ 2013 - جىلى 1 – ايدان 2024 - جىلى 3 – ايعا دەيىنگى قاتىستى ماڭىزدى پايىمداۋلارىنىڭ قىسقارتىلعانى.

ماقالادا مىنالار باسا دارىپتەلدى: جۇڭگو حالقى مەن جۇڭحۋا ۇلتى تاياۋ زاماننان كەيىنگى اۋىر ازاپتان ۇلى گۇلدەنۋدىڭ نۇرلى بولاشاعىنا بەت الدى، ەجەلدەن وقۋلىق جوق، دايىن جاۋاپ ءتىپتى دە جوق ەدى. پارتيانىڭ 100 جىلدىق كۇرەسىنىڭ تابىستى جولىن پارتيا حالىققا باسشىلىق ەتىپ، دەربەس ىزدەنىس جاساپ اشقان، ماركسيزمنىڭ جۇڭگو تاراۋىن جۇڭگو كوممۋنيستەرى ءوز كۇشىنە سۇيەنىپ امالياتتان وتكىزگەن، ونداعى نەگىزگى ءتۇيىن جۇڭگونىڭ ماسەلەسىن شەشۋدە، ءسوز جوق، جۇڭگونىڭ نەگىزگى مەملەكەت جاعدايىن شىعار ءتۇيىن ەتۋ بولىپ تابىلادى. بۇعان جۇڭگولىقتار ءوزى جاۋاپ بەرەدى. ءبىز ماركسيزمگە دەگەن بەرىك سەنىمگە، جۇڭگوشا سوتسياليزمگە دەگەن بەرىك سەنىمگە تاباندى بولىپ، جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەپ، اناعۇرلىم بەلسەندى تاريحي جاۋاپكەرشىلىكپەن جانە جاسامپازدىق رۋحىمەن ماركسيزمدى دامىتۋعا تىڭ ۇلەس قوسۋىمىز كەرەك، سىڭار ەزۋلىككە سالىنىپ، تۇيىقتالۋعا دا، قاز - قالپىندا كوشىرىپ، دايارعا مايار بولۋعا دا بولمايدى.

ماقالادا مىنالار اتاپ كورسەتىلدى: سەنىم بولعاندا عانا، ءوزىن الۋەتتەندىرۋگە بولادى. جۇڭحۋا وركەنيەتى نەشە مىڭ جىلدى باستان كەشىرسە دە ۇزىلمەدى، ازاپ - توزاپ تاۋقىمەتكە ۇشىراسا دا ۇزاق ۋاقىت بويى قۇلدىرامادى، بۇل − ادامزات وركەنيەتىنىڭ كەرەمەتى ءارى ءبىزدىڭ وزىندىك سەنىمىمىزدىڭ نەگىزى. پارتيانىڭ 100 جىلدىق كۇرەس بارىسى مەن ۇلى جەتىستىگى − ءبىزدىڭ ”4 سەنىمدى“ كۇشەيتۋىمىزدىڭ ەڭ بەرىك نەگىزى. بۇگىنگى دۇنيە جۇزىندە قايسى ساياسي پارتيا، قايسى مەملەكەت، قايسى ۇلت وزىنە كامىل سەنەدى دەسەك، وندا جۇڭگو كوممۋنيستىك پارتياسى، جۇڭحۋا حالىق رەسپۋبليكاسى، جۇڭحۋا ۇلتى وزىنە كامىل سەنۋگە ەڭ قاقىلى. ءبىزدىڭ ءوز جولىمىزبەن جۇرۋىمىزدە شەكسىز كەڭ ساحنا، شەكسىز تەرەڭ تاريحي نەگىز، شەكسىز قۇدىرەتتى العا باساتىن ۇستامدىلىق بار. جۇڭگو ۇلگىسىندەگى وسىزامانداندىرۋدى ىلگەرىلەتۋدە، ءسوز جوق، دەربەس، ءوز - وزىنە قوجا بولۋعا، ءوز كۇشىنە سۇيەنىپ، ءوزىن الۋەتتەندىرۋگە، مەملەكەت پەن ۇلتتىڭ دامۋىن ءوز كۇش - قۋاتىنىڭ نەگىزىنە قويۋعا، ەلىمىزدىڭ دامۋ، العا باسۋ تاعدىرىن ءوز قولىندا بەرىك ۇستاۋعا تاباندى بولۋ كەرەك.

ماقالادا مىنالار اتاپ كورسەتىلدى: بەرىك تۇزىمدىك سەنىم بولماسا، رەفورمانى جاپپاي تەرەڭدەتەتىن باتىلدىقتىڭ دا بولۋى مۇمكىن ەمەس، سول سياقتى، ۇزدىكسىز رەفورما جۇرگىزۋدەن قول ۇزگەندە، تۇزىمدىك سەنىم دە تۇبەگەيلى، باياندى بولمايدى. رەفورمانى جاپپاي تەرەڭدەتۋدەگى ماقساتىمىز − جۇڭگوشا سوتسياليستىك ءتۇزىمدى ونان ارى جاقسارتۋ؛ ءبىزدىڭ ءتۇزىم سەنىمىن بەكەمدەۋ كەرەك دەۋىمىز، ءوزىن - ءوزى تۇيىقتاۋ ەمەس، قايتا ءتۇزىلىس، مەحانيزم كىناراتتارىن ۇزدىكسىز الاستاپ، ءتۇزىمىمىزدى كەمەلدەندىرۋ جانە وعان تاباندى بولۋ دەگەندىك. جۇڭگوشا سوتسياليزمنىڭ ۇزدىكسىز دامۋىنا بايلانىستى، ءبىزدىڭ ءتۇزىمىمىز، ءسوز جوق، بارعان سايىن كەمەلدەنىپ، ەلىمىزدىڭ سوتسياليستىك ءتۇزىمىنىڭ ابزالدىعى، ءسوز جوق، ونان ارى كورنەكتىلەنىپ، جولىمىز بارعان سايىن كەڭەيىپ، ەلىمىزدىڭ دامۋ جولىنىڭ دۇنيە جۇزىنە جاسايتىن ىقپالى، ءسوز جوق، بارعان سايىن كۇشەيەدى. جۇڭگونىڭ دامۋ بولاشاعى جارقىن، بىزدە وسىنداي جىگەر مەن سەنىم بار.

كەلۋ قاينارى: حالىق تورابى