الدىڭعى جارتى جىلدا ىشكى ءوندىرىستىڭ جالپى ءونىم قۇنى سايكەس مەزگىلدەگىدەن %5.0 ارتتى (جاڭا ساندى مالىمەت، جاڭا ءتۇيىن)

«حالىق گازەتى»، 7 - ايدىڭ 15 – كۇنى، بەيجيڭ (ءتىلشى ليۋ جىچياڭ). مەملەكەتتىك ساناق مەكەمەسى 7 - ايدىڭ 15 – كۇنى مىناداي ساندى مالىمەت جاريالادى: الدىڭعى جارتى جىلدا ىشكى ءوندىرىستىڭ جالپى ءونىم قۇنى 61 تريلليون 683 ميلليارد 600 ميلليون يۋان بولىپ، تۇراقتى باعا بويىنشا ەسەپتەگەندە، سايكەس مەزگىلدەگىدەن %5.0 ارتقان. حالىق شارۋاشىلىعى ۇزدىكسىز قالپىنا كەلىپ، جاقسارۋعا بەت العان، اينالىم جالپى جاقتان ورنىقتى بولىپ، ورنىقتىلىق بارىسىندا ىلگەرىلەگەن.

ءۇش ءىرى كاسىپ سالاسىنان قاراعاندا، جازعى استىقتان تاعى دا مول ءونىم الىنىپ، ونەركاسىپ ءوندىرىسى ءبىرشاما تەز ارتىپ، قىزمەت وتەۋ كاسىبى ۇزدىكسىز قالپىنا كەلدى. الدىڭعى جارتى جىلدا اۋىل شارۋاشىلىعىنىڭ (ەگىمشىلىك) ارتقان قۇنى سايكەس مەزگىلدەگىدەن %4.0 ارتتى؛ كولەمدەنگەن ونەركاسىپتىڭ ارتقان قۇنى سايكەس مەزگىلدەگىدەن %6.0 ارتسا، جابدىق جاساۋ كاسىبىنىڭ ارتقان قۇنى بىلتىرعى سايكەس مەزگىلدەگىدەن %7.8 ارتتى، جوعارى تەحنيكالى جاساۋ كاسىبىنىڭ ارتقان قۇنى بىلتىرعى سايكەس مەزگىلدەگىدەن %8.7 ارتتى، ارتۋ قارقىنى جەكە - جەكە جالپى كولەمدەنگەن ونەركاسىپتەن 1.8 جانە 2.7 پايىز تەز بولدى؛ قىزمەت وتەۋ كاسىبىنىڭ ارتقان قۇنى سايكەس مەزگىلدەگىدەن %4.6 ارتتى.

قارجى قوسۋ كولەمى كەڭەيىپ، جوعارى تەحنيكالى شارۋاشىلىققا قوسىلعان قارجىنىڭ ارتۋى ءبىرشاما تەز بولدى. الدىڭعى جارتى جىلدا بۇكىل ەل بويىنشا تۇراقتى مۇلىككە قوسىلعان قارجى (شارۋا وتباسىلارىن قامتىمايدى) 24 تريلليون 539 ميلليارد 100 ميلليون يۋان بولىپ، سايكەس مەزگىلدەگىدەن %3.9 ارتقان؛ قورا - جاي اشۋعا قوسىلعان قارجىنى شىعارىپ تاستاعاندا، قوسىلعان قارجى سايكەس مەزگىلدەگىدەن %8.5 ارتقان؛ جوعارى تەحنيكالى كاسىپتەرگە قوسىلعان قارجى سايكەس مەزگىلدەگىدەن %10.6 ارتقان، مۇنىڭ ىشىندە جوعارى تەحنيكالى جاساۋ كاسىبى مەن جوعارى تەحنيكالى قىزمەت وتەۋ كاسىبىنە قوسىلعان قارجى جەكە - جەكە %10.1، %11.7 ارتقان. جوعارى تەحنيكالى جاساۋ كاسىبىندە اۆياتسيا، عارىش اسپابى جانە جابدىق جاساۋ كاسىبىنە، كومپيۋتەر جانە كەڭسە جابدىقتارىن جاساۋ كاسىبىنە قوسىلعان قارجى سايكەس مەزگىلدەگىدەن جەكە - جەكە %38.3، %12.1 ارتقان؛ جوعارى تەحنيكالى قىزمەت وتەۋ كاسىبىندە ەلەكتروندى ساۋدا قىزمەت وتەۋ كاسىبىنە، عىلىم - تەحنيكا جەتىستىكتەرىن كادەگە جاراتۋ قىزمەت وتەۋ كاسىبىنە قوسىلعان قارجى سايكەس مەزگىلدەگىدەن جەكە - جەكە %24.1، %17.4 ارتقان.

زات يمپورت - ەكسپورتى ءبىرشاما تەز ارتىپ، ساۋدا قۇرىلىمى ۇزدىكسىز ساپالىلاندى. الدىڭعى جارتى جىلدا زات يمپورت - ەكسپورت جالپى سوماسى 21 تريلليون 168 ميلليارد 800 ميلليون يۋان بولىپ، سايكەس مەزگىلدەگىدەن %6.1 ارتقان. مۇنىڭ ىشىندە ەكسپورت 12 تريلليون 129 ميلليارد 800 ميلليون يۋان بولىپ، سايكەس مەزگىلدەگىدەن %6.9 ارتقان؛ يمپورت 9 تريلليون 39 ميلليارد يۋان بولىپ، سايكەس مەزگىلدەگىدەن %5.2 ارتقان.

تۇرعىنداردىڭ كىرىسى ۇزدىكسىز ارتتى. الدىڭعى جارتى جىلدا بۇكىل ەل بويىنشا تۇرعىنداردىڭ كىسى باسىنا تۋرا كەلەتىن يگەرىلمەلى كىرىسى 20 مىڭ 733 يۋان بولىپ، سايكەس مەزگىلدەگىدەن %5.4 ارتقان، باعا فاكتورىن شىعارىپ تاستاعاندا، ءىس جۇزىندە %5.3 ارتقان.

كەلۋ قاينارى: حالىق تورابى