«شي جينپيڭ شىعارمالارىنان تاڭدامالىلاردىڭ» 1 - ، 2 - تومدارىنىڭ جانە «شي جينپيڭنىڭ جۇڭگو ۇلگىسىندەگى وسىزامانداندىرۋ جونىندەگى بايىمداۋلارىنان ۇزىندىلەردىڭ» فانتي نۇسقاسى 2024 - جىلعى شياڭگاڭ كىتاپ كورمەسىندە تۇڭعىش رەت تاراتىلدى

«حالىق گازەتى»، 7 - ايدىڭ 17 – كۇنى، شياڭگاڭ (ءتىلشى فىڭ شۋەجى). «شي جينپيڭ شىعارمالارىنان تاڭدامالىلاردىڭ» 1 - ، 2 - تومدارىنىڭ جانە «شي جينپيڭنىڭ جۇڭگو ۇلگىسىندەگى وسىزامانداندىرۋ جونىندەگى بايىمداۋلارىنان ۇزىندىلەردىڭ» فانتي نۇسقاسى تاياۋدا ليانحى باسپا توبى جاعىنان باسپادان شىعىپ تاراتىلدى. 7 - ايدىڭ 17 - كۇنى شياڭگاڭ كىتاپ كورمەسىنىڭ العاشقى كۇنىندە جاڭا كىتاپتاردى جاريالاۋ ءماجىلىسى جانە باسپادان شىعارۋ اڭگىمە ءماجىلىسى وتكىزىلدى.

«شي جينپيڭ شىعارمالارىنان تاڭدامالىلار» شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ حالىققا باسشىلىق ەتىپ جۇڭگوشا سوتسياليزمنىڭ جاڭا ءداۋىرىن اشقاندىعىنىڭ جانە ۇزدىكسىز تىڭ جەڭىستەرگە قول جەتكىزگەندىگىنىڭ ۇلى تاريحي بارىسىن جاندى ەستەلىككە الىپ، جاڭا داۋىردەگى جۇڭگو كوممۋنيستەرىنىڭ ماركسيزمنىڭ جۇڭگوشالانۋىن، زامانالانۋىن ىلگەرىلەتۋدە قول جەتكىزگەن كەلەلى نازاريالىق جاسامپازدىق جەتىستىكتەرىن شوعىرلى بەينەلەپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ مەملەكەتتى قۇدىرەتتەندىرۋ قۇرىلىسىنا جەتەكشىلىك ەتۋ، ۇلتتى گۇلدەندىرۋ سىندى اقيقات كۇشى مەن امالياتتىق ۇلى كۇشىن تولىق ايگىلەپ، جۇڭگو كوممۋنيستىك پارتياسىنىڭ مەملەكەتتىڭ، ۇلتتىڭ دامۋى، ادامزاتتىڭ بولاشاعى مەن تاعدىرى جونىندەگى بورىشى مەن جاۋاپكەرشىلىگىن ايگىلەدى، بۇل − شي جينپيڭ جاڭا ءداۋىر جۇڭگوشا سوتسياليزم يدەياسىن جان - جاقتى، جۇيەلى بەينەلەيتىن بەدەلدى شىعارما. «شي جينپيڭنىڭ جۇڭگو ۇلگىسىندەگى وسىزامانداندىرۋ جونىندەگى بايىمداۋلارىنان ۇزىندىلەر» شي جينپيڭ جولداستىڭ جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگى، ماندىك تالابى جانە كەلەلى پرينسيبى سياقتى باي مازمۇندى تەرەڭ بايىمداۋلارىن جۇيەلى بەينەلەپ، پارتيا 18 - قۇرىلتايىنان بەرگى جۇڭگو ۇلگىسىندەگى وسىزامانداندىرۋدىڭ نازاريالىق جانە امالياتتىق جاقتاعى جاڭالىق اشۋىن شوعىرلى بەينەلەپ، پارتيا حالىققا باسشىلىق ەتىپ ءساتتى باسقان جۇڭگو ۇلگىسىندەگى وسىزامانداندىرۋدىڭ جاڭا جولىن، جاراتقان ادامزات وركەنيەتىنىڭ جاڭا فورماتسياسىن، ايشىقتاعان وسىزاماندانعان جاڭا كورىنىسىن ايگىلەدى. 3 كىتاپتىڭ فانتي نۇسقاسىنىڭ باسپادان شىعىپ تاراتىلۋى شياڭگاڭدىق، اۋمىندىق وقىرمانداردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن جۇيەلى تۇسىنۋىنە، جۇڭگو ۇلگىسىندەگى وسىزامانداندىرۋدىڭ نازاريالىق جۇيەسى مەن امالياتتىق تالابىن تەرەڭ تۇسىنۋىنە سەپتىگىن تيگىزەدى، شياڭگاڭدىق، اۋمىندىق باۋىرلاستاردى مەملەكەتتى، ۇلتتى جانە مادەنيەتتى شىنايى مويىنداۋدى كۇشەيتۋگە، بۇكىل ەلدەگى ءار ۇلت حالقىمەن بىرگە ءبىر جاعادان باس، ءبىر جەڭنەن قول شىعارىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا ىنتىماقتاسا كۇرەس جۇرگىزۋگە جەتەكتەۋدە ەرەكشە ماڭىزدى مانگە يە .

شياڭگاڭ ەرەكشە اكىمشىلىك رايونىنىڭ اكىمى لي جياچاۋ، ورتالىق ۇكىمەتتىڭ شياڭگاڭدا تۇراتىن بايلانىس كەڭسەسىندەگى جاۋاپتى جولداستار، شياڭگاڭنىڭ وتاندى، شياڭگاڭدى ءسۇيۋ قۇرىلىمدارىنىڭ، ساياسي ۇيىرمەلەردىڭ، قوعامدىق ۇيىمداردىڭ ۋاكىلدەرى جانە باسپا ءسوز سالاسىنىڭ ۋاكىلدەرى جاڭا كىتاپتاردى جاريالاۋ ماجىلىسىنە جانە باسپادان شىعارۋ اڭگىمە ماجىلىسىنە قاتىناستى. شياڭگاڭ دوستىق سەلبەستىك قوعامى، شياڭگاڭ جۇڭگو كاسىپورىندارى قوعامى، شياڭگاڭ وقۋ - اعارتۋ قىزمەتكەرلەرى بىرلەستىگى قاتارلى ورىندارداعى قاتىستى جاۋاپتىلار جاڭا كىتاپتاردى جاريالاۋ ماجىلىسىندە تارتۋ ەتىلگەن كىتاپتاردى قابىلدادى. ءۇش كىتاپتىڭ فانتي نۇسقالارى بۇگىننەن باستاپ شياڭگاڭ، اۋمىنداعى ۇلكەن كىتاپ دۇكەندەرىندە جالپى بەتتىك سورەگە شىعارىلدى ءارى ءتۇيىندى تۇردە ساتىلدى.

كەلۋ قاينارى: حالىق تورابى