سەگىز تاراۋ: 2027 – جىلعا دەيىن 30 دىڭ اينالاسىندا مەملەكەتتىك پوچتا ارقىلى جىلدام جەتكىزۋ وزەگى العاشقى قادامدا سالىنىپ بولادى 

ءتىلشىنىڭ مەملەكەتتىك پوچتا مەكەمەسىنەن ۇعىسۋىنشا، مەملەكەتتىك پوچتا مەكەمەسى، ونەركاسىپ جانە ينفورماتسيالاندىرۋ مينيسترلىگى، جاراتىلىستىق بايلىق مينيسترلىگى، قاتىناس – تاسىمال مينيسترلىگى قاتارلى سەگىز تاراۋ «مەملەكەتتىك پوچتا ارقىلى جىلدام جەتكىزۋ وزەگىن ورنالاستىرۋ – قۇرۋ جونىندەگى جەتەكشى پىكىردى» باسىپ تاراتقان، 2027 – جىلعا دەيىن ەلىمىز 30 دىڭ اينالاسىندا مەملەكەتتىك پوچتا ارقىلى جىلدام جەتكىزۋ وزەگىن العاشقى قادامدا سالىپ بولادى.

«جەتەكشى پىكىردە» مىنالار ورتاعا قويىلعان: ەلىمىز بويىنشا 80 نىڭ اينالاسىندا مەملەكەتتىك پوچتا ارقىلى جىلدام جەتكىزۋ وزەگىن ورنالاستىرۋ كەرەك، مۇندا 15 تىڭ اينالاسىندا دۇنيە جۇزىلىك پوچتا ارقىلى جىلدام جەتكىزۋ وزگى، 20 نىڭ اينالاسىندا وڭىرلىك حالىقارالىق پوچتا ارقىلى جىلدام جەتكىزۋ وزەگى، 45 تىڭ اينالاسىندا مەملەكەتتىك پوچتا ارقىلى جىلدام جەتكىزۋ وزەگى قامتىلادى، ءاربىر وزەكتە جەرگىلىكتى جاعدايعا قاراي 1 دە 3 مەملەكەتتىك پوچتا ارقىلى جىلدام جەتكىزۋ وزەگىندىك فۋنكسيالىق رايون ورنالاستىرىلادى جانە سالىنادى، وزەكتىك فۋنكسيالىق رايوندى سايكەستى قالالار مىندەتىنە الادى. سونىمەن بىرگە، قالانىڭ ستراتەگيالىق ورنى، ىقپال جاساۋ جانە شوعىرلاندىرۋ رولى، پوچتالىق جەدەل جولدامانى ءبىر جاقتى ەتۋ قۋاتى قاتارلى نەگىزدىك قۇرىلىمدارىنا نەگىزدەلە وتىرىپ، مەملەكەتتىڭ كەلەلى ستراتەگياسىن اتقارۋ، وڭىرلىك ەكونوميكانى دامىتۋ، كاسىپ سالاسىنىڭ قۇرىلىمىن جاقسارتىپ، دارەجەسىن جوعارىلاتۋ قاتارلى قاجەتتەردى ءبىرتۇتاس ويلاستىرا وتىرىپ، پوچتا ارقىلى جەدەل جولداما جەتكىزەتىن كاسىپورىننىڭ قازىرگى وزەكتەرىنىڭ ورنالاسۋ جاعدايىمەن ۇشتاستىرا وتىرىپ، ەلىمىز بويىنشا 100 دىڭ اينالاسىندا مەملەكەتتىك پوچتا ارقىلى جەدەل جولداما جەتكىزۋ وزەگى بولۋدى مىندەتىنە الاتىن قالا تاڭدالادى.

مەملەكەتتىك پوچتا مەكەمەسى مىنانى ءبىلدىردى: مەملەكەتتىك پوچتا ارقىلى جىلدام جەتكىزۋ وزەگىن قۇرۋ ولشەمى جونىندەگى باعدارنامانى بەلگىلەپ، مەملەكەتتىك پوچتا ارقىلى جىلدام جەتكىزۋ وزەگى بولۋدى مىندەتىنە الاتىن قالالاردى توپقا ءبولىپ تەكسەرىپ تۇراقتاندىرادى، قۇرىلىس تالابىنا تولمايتىن نەمەسە وزەك قۇرىلىسىن ءونىمدى ىلگەرىلەتە المايتىن مىندەتكە العان قالالاردى يكەمدى رەتتەپ وتىرادى. (باس ستانسيا ورتالىق تەلەۆيزيا ءتىلشىسى تاڭ يىڭ)

كەلۋ قاينارى: حالىق تورابى