جويىلۋعا اينالعان حايۋانات ەلىمىزدەن تۇڭعىش رەت بايقالدى 

جۋىردا جۇڭگو ورمان شارۋاشىلىعى اكادەمياسىنىڭ ماماندارى شينجياڭدا جاپان تۇزدە عىلىمي زەرتتەۋ جۇرگىزۋ بارىسىندا شينجياڭ اراتۇرىك اۋدانىندا گوبي ايۋىنىڭ بار ەكەنىن تۇڭعىش رەت بايقاعان، بۇل شينجياڭنان گوبي ايۋىنىڭ تۇڭعىش رەت بايقالۋى.

جۇڭگو ورمان شارۋاشىلىعى اكادەمياسى ورمان ەكولوگياسىن قورعاۋ بولىمشەسىنىڭ تەتە اعا زەرتتەرمەنى شۋە يادۇڭنىڭ ايتۋىنشا، زەرتتەۋ ۇيىرمەسى جاپان تۇزدە تەكسەرۋ جۇرگىزۋ جانە جاعداي ۇعىسۋ، اڭگىمە جيىنىن اشۋ قاتارلى تاسىلدەر ارقىلى اراتۇرىك اۋدانىنداعى جۇڭگو مەن موڭعۇليا شەكارالاسقان وڭىردە عىلىمي زەرتتەۋ جۇرگىزگەن، اتالعان اۋدانداعى ورمان شارۋاشىلىعى جانە جايىلىم تاراۋلارى گوبي ايۋىنا ۇقسايتىن حايۋاناتتىڭ سۋرەتتەرى مەن كەسكىندەرىن جيناستىرعان، سول جەرگە بارىپ تەكسەرۋگە قاراعاندا، بۇل سۋرەتتەر مەن كەسكىندەر موڭعۇليانىڭ ۇلى گوبي قورىق رايونى A رايونىمەن شەكارالاسقان اراتۇرىك اۋدانى باي اۋىلىنان تۇسىرىلگەن. سوڭىنان فورمولوگيا بويىنشا ساراپتاۋ جۇرگىزۋ ءارى موڭعۇليانىڭ ۇلى گوبي قورىق رايونى A رايونىنىڭ باسقارۋشى قىزمەتكەرلەرىن جانە موڭعۇليانىڭ عىلىمي زەرتتەۋ قۇرىلىمىنىڭ گوبي ايۋىن زەرتتەيتىن ماماندارىن ۇسىنىس ەتىپ قايتالاي تۇراقتاندىرۋ ارقىلى بۇل ايۋدىڭ گوبي ايۋى ەكەنى تۇراقتاندىرىلعان. جەرگىلىكتى ورىنداعى ورمان شارۋاشىلىعى جانە جايىلىم تاراۋلارىنىڭ اڭىس ەتۋىنشە، 2020 – جىلدان بەرى، قوڭىر ايۋدىڭ باي اۋىلىندا جۇرگەن كەسكىنى ارت – ارتىنان ەستەلىككە الىنعان، بايقالعان ءوڭىر جۇڭگو مەن موڭعۇليانىڭ شەكاراسىنان تەك 20 كيلومەتر قاشىقتىقتا.

جۇڭگو ورمان شارۋاشىلىعى اكادەمياسىنىڭ ورمان ەكولوگياسىن قورعاۋ بولىمشەسىنىڭ ورىنباسار باستىعى جين كۇننىڭ تانىستىرۋىنشا، گوبي ايۋى قوڭىر ايۋدىڭ ءبىر تارماعىنان تارايدى نەمەسە ءبىر شوعىرى دەپ قاراۋعا بولادى، ول دۇنيە جۇزىندەگى بىردەن – ءبىر ءشول دالا مەن قۇبا تۇزدە جاسايتىن ايۋ ءتۇرى. قازىرگى زەرتتەۋ ناتيجەسىنە قاراعاندا، گوبي ايۋى تەك موڭعۇلياداعى ۇلى گوبي قورىق رايونى A رايونىنا عانا تارالعان، سانى 50 نەشە عانا، جويىلۋعا تاياعان حايۋانات سانالادى.

كەلۋ قاينارى: حالىق تورابى