يدەيانى ازات ەتىپ، شىندىقتى ءىس جۇزىنەن ىزدەپ، داۋىرمەن بىرگە العا باسىپ، شىندىققا جۇگىنىپ، ناقتى ءىس ىستەپ، رەفورما مىندەتىن ۇيىمداستىرىپ اتقارۋدى كۇش سالا مىقتى يگەرۋ كەرەك

شينحۋا اگەنتتىگى، 8 - ايدىڭ 29 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى شي جينپيڭ 8 - ايدىڭ 29 - كۇنى تۇستەن بۇرىن ورتالىق رەفورمانى جاپپاي تەرەڭدەتۋ كوميتەتىنىڭ 6 - رەتكى ءماجىلىسىن باسقارىپ اشتى ءارى ماڭىزدى ءسوز سويلەدى. ول مىنالاردى باسا دارىپتەدى: رەفورمانى ونان ارى جاپپاي تەرەڭدەتۋ جاڭا داۋىردەن بەرگى رەفورمانى جاپپاي تەرەڭدەتۋ نەگىزىندە ىلگەرىلەتىلەدى، ول بەرىك نەگىز جانە ءتيىمدى شارت - جاعدايدى ازىرلەيدى. بۇرىننان بار رەفورما جەتىستىكتەرىنەن جانە ماڭىزدى تاجىريبەلەردەن ويداعىداي پايدالانىپ، يدەيانى ازات ەتىپ، شىندىقتى ءىس جۇزىنەن ىزدەپ، داۋىرمەن بىرگە ىلگەرىلەپ، شىندىققا جۇگىنىپ، ناقتى ىستەر ىستەپ، ءار جاقتىڭ بەلسەندىلىگىن تولىق جۇمىلدىرىپ، رەفورما مىندەتتەرىن ۇيىمداستىرىپ اتقارۋدى كۇش سالا ويداعىداي يگەرۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىق رەفورمانى جاپپاي تەرەڭدەتۋ كوميتەتى مەڭگەرۋشىسىنىڭ ورىنباسارلارى لي چياڭ، ۋاڭ حۋنيڭ، ساي چي ماجىلىسكە قاتىناستى.

ءماجىلىس «ورتالىق پەن مەملەكەت ورگاندارىنداعى قاتىستى تاراۋلاردىڭ پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ <قاۋلىسىنداعى> ماڭىزدى رەفورما شارالارىن دايەكتىلەندىرۋ، اتقارۋ جونىندەگى جۇمىس ءبولىسى جوباسى»، «ەركىن ساۋدا سىناق رايونىن جوعارىلاتۋ ستراتەگياسىن اتقارۋ جونىندەگى پىكىر» سياقتى قۇجاتتاردى قاراپ ماقۇلدادى.

ءماجىلىس مىنالاردى باسا دارىپتەدى: پارتيا 20 - كەزەكتى ورتالىق كوميتەتىنىڭ ءۇشىنشى جالپى ءماجىلىسى رەفورمانى ونان ارى جاپپاي تەرەڭدەتۋ جونىندە جان - جاقتى ورنالاستىرۋ جاساپ، 300 دەن استام كەلەلى رەفورما شاراسىن بەلگىلەدى. پارتيا ورتالىق كوميتەتىنىڭ رەفورماعا ورتالىقتانعان ءبىر تۇتاس باسشىلىعىنا تاباندى بولىپ، نۇسقاۋ سۇراۋ، مالىمەت بەرۋ ءتۇزىمىن قاتاڭ اتقارۋ كەرەك. رەفورمانىڭ ستراتەگيالىق ءتۇيىنى مەن الدىمەن ەسكەرىلەتىن باعىتىن ءدال يگەرىپ، رەفورما شارالارىنىڭ ىلگەرىندى - كەيىندى رەتىن، ريتىم ءساتىن ۇيلەسىمدى ورنالاستىرۋ كەرەك. رەفورمانى ەكونوميكالىق، قوعامدىق دامۋمەن اناعۇرلىم تىعىز ۇشتاستىرىپ، نىشاندىق رەفورما شارالارىنىڭ جەدەل تياناقتانۋىن ىلگەرىلەتۋ كەرەك. رەفورمانىڭ جۇيەلى شوعىرلانۋىن كۇشەيتىپ، رەفورما ساياساتى بەتالىسىنىڭ بىردەيلىگىن كۇشەيتىپ، ەكونوميكانىڭ، قوعامنىڭ دامۋىنا جاسايتىن ىقپالىن ىرىقتىلىقپەن باعامداپ، رەفورما مەن دامۋدىڭ بىرىككەن كۇشىن قالىپتاستىرۋ كەرەك.

ءماجىلىس مىنالاردى اتاپ كورسەتتى: رەفورمانى ىلگەرىلەتۋ، تياناقتاندىرۋ مەحانيزمىن ساپالىلاندىرىپ، كەلەلى ماسەلەلەردى ءبىر تۇتاس جوسپارلاپ سايكەستىرۋدى كۇشەيتۋ كەرەك. باستاماشى ورىندار مەن ات سالىسۋشى ورىندار جاۋاپكەرشىلىكتى باتىل ارقالاپ، شىنايى يگەرىپ، ناقتى ىستەپ، كەلەلى رەفورمالاردى تەكسەرۋ - زەرتتەۋدى، دالەلدەۋدى كۇشەيتىپ، رەفورمانى ۇيىمداستىرىپ اتقارۋ جوباسىن جاساۋى كەرەك. رەفورمانى قاداعالاۋ، سارالاۋ، ونىمدىلىگىن قۋزاۋ، شارلاۋ، ارالاپ تەكسەرۋ سياقتى قىزمەتتەردى كۇشەيتىپ، ناقتى ناتيجە، ناقتى ونىمدىلىك جانە حالىق بۇقاراسىنىڭ ريزا بولۋ دەڭگەيى ارقىلى رەفورمانى سىننان وتكىزۋ كەرەك.

ءماجىلىس مىنالاردى باسا دارىپتەدى: پارتيا 18 - قۇرىلتايىنان بەرى پارتيا ورتالىق كوميتەتى ورنالاستىرىپ قۇرعان 22 ەركىن ساۋدا سىناق رايونى بەلگى سيپاتتى، جەتەكشىلىك سيپاتتى تۇزىمدە جاڭالىق اشۋدىڭ ءبىر توپ جەتىستىگىن العا قويىپ، رەفورما جاساپ، ەسىك اشۋدىڭ كەشەندى سىناق تۇعىرىندىق رولىن ءونىمدى ساۋلەلەندىردى. پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ ورنالاستىرۋىن دايەكتىلەندىرىپ، تياناقتاندىرىپ، ەركىن ساۋدا سىناق رايونىن جوعارىلاتۋ ستراتەگياسىن اتقارۋدىڭ ماقساتى − اناعۇرلىم كەڭ سالادا، اناعۇرلىم تەرەڭ ساتىدا ىزدەنىس جاساپ، ەركىن ساۋدا سىناق رايونىنىڭ تۇزىمدىك ەسىك اشۋ دەڭگەيىن، جۇيەلىك رەفورما ونىمدىلىگىن، اشىق ەكونوميكانىڭ ساپاسىن جاپپاي جوعارىلاتۋ. جوعارى دەڭگەيدە ەسىك اشۋدى جەتەكشى، تۇزىمدە جاڭالىق اشۋدى وزەك ەتۋدەن جازباي، الدىمەن اتقارۋعا، الدىمەن سىناق ەتۋگە شابىتتاندىرىپ، باستاما سيپاتتى، شوعىرلى ۇلگىدە ىزدەنىس جاساپ، تۇتاس كاسىپ تىزبەگىندە جاڭالىق اشا دامۋدى ىلگەرىلەتىپ، سىرتقى ساۋدانىڭ جالپىلىق باسەكەلىك قۋاتىن كۇشەيتىپ، قارجى قوسۋدىڭ ەركىن، قولايلى بولۋىن جەبەپ، ساۋدا، قارجى قوسۋ، قارجى اينالىمى، قاتىناس - تاسىمال، ادامداردىڭ بارىس - كەلىسى ەركىن، قولايلى بولۋىن جانە ساندى مالىمەتتەردىڭ حاۋىپسىز، ءتارتىپتى اۋىسۋىن ءتۇيىن ەتكەن ساياسات جۇيەسىن اناعۇرلىم كەمەلدەندىرۋ كەرەك. دامۋ مەن حاۋىپسىزدىكتى ءبىر تۇتاس جوسپارلاپ، ەرەجە، بەلگىلەمە، ءتۇزىم، باسقارۋ، ولشەم سياقتى تۇزىمدىك ەسىك اشۋدى ورنىقتى كەڭەيتىپ، حاۋىپ - قاتەردەن ساقتانۋ جانە ونى تىزگىندەۋ قابىلەتىن جوعارىلاتۋ كەرەك.

ورتالىق رەفورمانى جاپپاي تەرەڭدەتۋ كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.

كەلۋ قاينارى: حالىق تورابى