شي جينپيڭ ا ق ش زۇڭتۇڭىنىڭ مەملەكەت حاۋىپسىزدىگى ىستەرى كومەكشىسى ساليۆەنمەن كەزدەستى

8 - ايدىڭ 29 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا ا ق ش زۇڭتۇڭىنىڭ مەملەكەت حاۋىپسىزدىگى ىستەرى كومەكشىسى ساليۆەنمەن كەزدەستى.

سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

شينحۋا اگەنتتىگى، 8 - ايدىڭ 29 - كۇنى، بەيجيڭ (ءتىلشى ما جويان). 8 - ايدىڭ 29 - كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا ا ق ش زۇڭتۇڭىنىڭ مەملەكەت حاۋىپسىزدىگى ىستەرى كومەكشىسى ساليۆەنمەن كەزدەستى.

شي جينپيڭ بىلاي دەپ اتاپ كورسەتتى: وزگەرىس پەن بىلىقپالىق قاباتتاسقان حالىقارالىق جاعداي الدىندا، ءار ەل بولشەكتەنبەۋى، قارسىلاسپاۋى، قايتا ىنتىماقتاسا سەلبەسۋى كەرەك؛ حالىق توماعا - تۇيىق كۇيدە شەگىنۋدى ەمەس، قايتا ەسىك اشۋدى، العا باسۋدى ءۇمىت ەتەدى. جۇڭگو مەن ا ق ش ەكى ءىرى ەل رەتىندە تاريحقا، حالىققا، دۇنيە جۇزىنە جاۋاپتى بولىپ، دۇنيە ءجۇزى بەيبىتشىلىگىنىڭ ورنىقتىلىق قاينارىنا جانە بىرگە دامۋدىڭ جەبەۋشىسىنە اينالۋى كەرەك.

شي جينپيڭ مىنالاردى باسا دارىپتەدى: جۇڭگو مەن ا ق ش ەكى ءىرى ەلدىڭ قارىم - قاتىناسىندا ءبىرىنشى ورىندا تۇراتىنى دۇرىس ستراتەگيالىق تانىم ورناتۋ، ەڭ اۋەلى، جۇڭگو مەن ا ق ش، ءسىرا، قارسىلاس پا، الدە سەرىكتەس پە دەيتىن جالپىلىق ماسەلەگە ويداعىداي جاۋاپ بەرۋ كەرەك. جۇڭگونىڭ سىرتقى ساياساتى اشىق، جاريالى، ستراتەگيالىق ماقساتى بۇكپەسىز بولىپ، وسكەلەڭ ۇلاسپالىلىق پەن ورنىقتىلىقتى ساقتادى. ءبىز نازارىمىزدى ءوز ىستەرىمىزدى ويداعىداي ىستەۋگە شوعىرلاندىرىپ، رەفورمانى ونان ارى جاپپاي تەرەڭدەتۋ ارقىلى جۇڭگونىڭ مەملەكەت جاعدايىنا ۇيلەسەتىن جۇڭگوشا سوتسياليستىك ءتۇزىمدى ۇزدىكسىز كەمەلدەندىردىك جانە دامىتتىق. جۇڭگو بەيبىت دامۋ جولىمەن جۇرۋگە تاباندى بولىپ، ءوز دامۋىن جۇزەگە اسىرۋمەن بىرگە، باسقا ەلدەرمەن بىرگە دامىپ، ادامزاتتىڭ تاعدىرلاس ورتاق تۇلعاسىن قول ۇستاسا قۇرۋدى قالايدى.

شي جينپيڭ مىنالاردى اتاپ كورسەتتى: جۇڭگو جاق ا ق ش – نا قاراتىلعان ساياساتىندا وسكەلەڭ ۇلاسپالىلىقتى ساقتاپ كەلەدى. جۇڭگو، ا ق ش ەكى مەملەكەتتىڭ احۋالىندا جانە جۇڭگو، ا ق ش قارىم - قاتىناسىندا وتە زور وزگەرىس بولسا دا، ءبىراق جۇڭگونىڭ جۇڭگو - ا ق ش قارىم - قاتىناسىن ورنىقتى، اقاۋسىز، باياندى دامىتۋعا كۇش سالۋ نىساناسى وزگەرگەنى جوق، ءوزارا قۇرمەت ەتۋ، بەيبىت قاتار تۇرۋ، سەلبەسىپ تەڭ يگىلىكتەنۋ قاعيداسى بويىنشا جۇڭگو - ا ق ش قارىم - قاتىناسىن ءبىر جاقتى ەتۋ پرينسيبى وزگەرگەنى جوق، ءوزىنىڭ يەلىگىن ۇقىعىن، حاۋىپسىزدىگىن، دامۋ مۇددەسىن باتىل قورعاۋ مايدانى وزگەرگەنى جوق، جۇڭگو، ا ق ش حالىقتارىنىڭ ءداستۇرلى دوستىعىن جالعاستىرۋ قۇلشىنىسى وزگەرگەنى جوق. ا ق ش جاقتىڭ جۇڭگو جاقپەن بىرگە العا باسىپ، جۇڭگوعا جانە جۇڭگونىڭ دامۋىنا بەلسەندى، يلانىمدى پوزيتسيامەن قاراپ، ءبىر - ءبىرىنىڭ دامۋىن سىن - سايىس ەمەس، قايتا وراي دەپ ءبىلىپ، جۇڭگو جاقپەن بىرگە، جۇڭگو، ا ق ش سىندى وركەنيەتى تۇرلىشە، ءتۇزىمى تۇرلىشە، جولى تۇرلىشە ەلدەردىڭ جەر شارىندا بەيبىت قاتار تۇرىپ، بىرگە دامۋى سىندى دۇرىس قارىم - قاتىناس جولىن تاۋىپ، جۇڭگو - ا ق ش قارىم - قاتىناسىنىڭ ورنىقتىلىعىن ساقتاۋدى ىلگەرىلەتىپ، وسى نەگىزدە جاقسى بولۋعا، العا باسۋعا ۇمتىلۋىن ءۇمىت ەتەمىن.

ساليۆەن بايدەن زۇڭتۇڭنىڭ ءتوراعا شي جينپيڭگە جولداعان سالەمىن جەتكىزدى، ءتوراعا شي جينپيڭنىڭ كەزدەسكەنىنە العىس ايتىپ، مىنانى ءبىلدىردى: ا ق ش، جۇڭگو مەملەكەت باسشىلارىنىڭ سان – فرانسيسكو ديدارلاسۋىنان بەرى ەكى جاق ەكى ەل مەملەكەت باسشىلارىنىڭ ورتاق تانىمىن مۇقيات تياناقتاندىرىپ، بەلسەندى ىلگەرىلەۋشىلىككە قول جەتكىزدى. وسى رەت جۇڭگوعا كەلىپ ۋاڭ ي مەڭگەرۋشىمەن اق – جارقىن بەينەدە ستراتەگيالىق تۇرعىدان ىشكەرىلەي پىكىرلەسىپ، ماندىك جانە سىندارلى تابىسقا قول جەتكىزدىك. مىنانى قايتالاي دارىپتەگىم كەلەدى: ا ق ش جاق ”جاڭا قىرعي قاباقتىق سوعىس“ جۇرگىزۋگە، جۇڭگونىڭ ءتۇزىلىسىن وزگەرتۋگە ۇرىنبايدى، وداق جۇيەسىن كۇشەيتۋ ارقىلى جۇڭگوعا قارسى تۇرۋعا ۇرىنبايدى، ”تايۋان دەربەستىگىن“ قولدامايدى، جۇڭگومەن قاقتىعىسقىسى كەلمەيدى. ا ق ش جاقتىڭ ءبىر جۇڭگو ساياساتى وزگەرگەن جوق، تايۋاندى جۇڭگونى تەجەۋدىڭ قۇرالى ەتۋ نيەتى جوق. ا ق ش جاق جۇڭگو جاقپەن ستراتەگيالىق بايلانىستى ۇزدىكسىز ساقتاپ، ا ق ش، جۇڭگو ەكى ەل بەيبىت قاتار تۇرۋ، ا ق ش - جۇڭگو قارىم - قاتىناسىن ۇزدىكسىز دامىتۋ ءادىسىن تابۋدى ءۇمىت ەتەدى. بايدەن زۇڭتۇڭ كوپ وتپەي ءتوراعا شي جينپيڭمەن تاعى دا پىكىرلەسۋدى كۇتىپ وتىر.

شي جينپيڭ ساليۆەنگە بايدەن زۇڭتۇڭعا دەگەن سالەمىن جەتكىزۋدى تاپسىرىپ، مىنانى ءبىلدىردى: بايدەن زۇڭتۇڭمەن ۇزدىكسىز پىكىرلەسىپ، جۇڭگو - ا ق ش قارىم – قاتىناسىندا رول ۇستاپ جول باستاۋعا پەيىلمىن.

ۋاڭ ي كەزدەسۋدە بىرگە بولدى.

كەلۋ قاينارى: حالىق تورابى