لي شي كامبودجا باس ءۋازىرىنىڭ ورىنباسارى، قوسىمشا مەملەكەت قىزمەتكەرلەرى مينيسترلىگىنىڭ ءۋازىرى حۇڭمانيمەن كەزدەستى

شينحۋا اگەنتتىگى، 8 - ايدىڭ 29 - كۇنى، بەيجيڭ (ءتىلشى ۋىن شين). جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى لي شي 8 - ايدىڭ 29 - كۇنى بەيجيڭدە كامبودجا باس ءۋازىرىنىڭ ورىنباسارى، قوسىمشا مەملەكەت قىزمەتكەرلەرى مينيسترلىگىنىڭ ءۋازىرى حۇڭمانيمەن كەزدەستى.

لي شي مىنانى ءبىلدىردى: جۇڭگو مەن كامبودجا _ ءبىر - بىرىنە قارايلاساتىن جاقسى كورشى، جاقسى سەرىك، ەكى جاقتى قارىم - قاتىناس ۇزاق ۋاقىت جوعارى دەڭگەيدە دامىدى. جۇڭگو جاق كامبودجا جاقپەن بىرگە، ەكى پارتيا، ەكى ەل باسشىلارى كەلىسكەن ماڭىزدى ورتاق تانىمدى بىرگە ويداعىداي تياناقتاندىرىپ، ستراتەگيالىق بايلانىستى كۇشەيتىپ، پارتيانى، مەملەكەتتى باسقارۋ تاجىريبەلەرى جونىندەگى اۋىس - كۇيىستى تەرەڭدەتىپ، ءار سالاداعى ناقتى ىستەر سەلبەستىگىن ىلگەرىلەتىپ، حالىقارالىق جانە وڭىرلىك ىستەردە سايكەسۋدى، سەلبەسۋدى كۇشەيتىپ، جۇڭگو - كامبودجا تاعدىرلاس ورتاق تۇلعاسىن قول ۇستاسا قۇرۋدى قالايدى. لي شي تاعى جۇڭگو كوممۋنيستىك پارتياسى 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ، سونداي - اق پارتيانى جاپپاي قاتاڭ باسقارۋ جانە شىرىكتەسۋگە قارسى تۇرۋ قىزمەتىنىڭ جاعدايىن تانىستىردى.

حۇڭماني جۇڭگو كوممۋنيستىك پارتياسىنىڭ جۇڭگو حالقىنا باسشىلىق ەتىپ وراسان زور دامۋ جەتىستىكتەرىنە قول جەتكىزگەندىگىن جوعارى باعالاپ، مىنانى ءبىلدىردى: كامبودجا جاق جۇڭگوعا قاراتقان دوستىق ساياساتىن باتىل اتقارادى، جۇڭگو جاقپەن ءداستۇرلى دوستىقتى جالعاستىرىپ، پارتيالار ارا قارىم - قاتىناستى جانە ەل باسقارۋ تاجىريبەلەرىن اۋىستىرۋدى تەرەڭدەتىپ، مەملەكەت قىزمەتكەرلەرى ىستەرى سياقتى سالالارداعى سەلبەستىكتى كۇشەيتىپ، جاستاردىڭ ءوزارا ءتۇسىنىسۋىن، جاقىنداسۋىن نىعايتىپ، كامبودجا - جۇڭگو قارىم - قاتىناسىنىڭ اناعۇرلىم جاقسى دامۋىن ىلگەرىلەتۋدى قالايدى.

كەلۋ قاينارى: حالىق تورابى