جۇڭگو كوممۋنيستىك پارتياسى ورتالىق كوميتەتى كەڭسە مەڭگەرمەسى جۇڭگو كوممۋنيستىك پارتياسىنىڭ تولىمسىز پارتيا مۇشەلەرىن ۇيىمدىق جاقتان ءبىر جاقتى ەتۋ ءادىسىن باسىپ تاراتتى

شينحۋا اگەنتتىگى، 8 - ايدىڭ 29 - كۇنى، بەيجيڭ. تاياۋدا جۇڭگو كوممۋنيستىك پارتياسى ورتالىق كوميتەتى كەڭسە مەڭگەرمەسى «جۇڭگو كوممۋنيستىك پارتياسىنىڭ تولىمسىز پارتيا مۇشەلەرىن ۇيىمدىق جاقتان ءبىر جاقتى ەتۋ ءادىسىن» (تومەندە قىسقاشا «ءادىس» دەلىنەدى) باسىپ تاراتتى ءارى حابارلاندىرۋ شىعارىپ، جەر - جەردەن، تاراۋلاردان وسى بويىنشا مۇقيات اتقارۋدى تالاپ ەتتى.

«ءادىس» شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى، پارتيا ۋستاۆى مەن «جۇڭگو كوممۋنيستىك پارتياسىنىڭ پارتيا مۇشەلەرىن تاربيەلەۋ، باسقارۋ قىزمەت ەرەجەسىن» نەگىز ەتىپ، پارتيا مۇشەلەرىنىڭ ولشەمىنە تاباندى بولىپ، تاربيەلەۋ، باسقارۋ، باقىلاۋدى قاتايتىپ، وبيەكتيۆ، ءادىل، بايىپتى، ورنىقتى بولۋعا، ەرەجەگە، تارتىپكە بويسۇنۋعا تاباندى بولدى، بۇل _ تولىمسىز پارتيا مۇشەلەرىن ءبىر جاقتى ەتۋ جونىندە ارناۋلى بەلگىلەمە شىعارعان پارتيا ىشىندەگى زاڭدىق ەرەجە. «ءادىستىڭ» جاسالۋى مەن اتقارىلۋى پارتيانى جاپپاي قاتاڭ باسقارۋ ستراتەگيالىق باعىتىن دايەكتىلەندىرىپ، سەنىمى بەرىك، ساياسيدا سەنىمدى، قۇرىلىمى ۇيلەسىمدى، ساپاسى تاڭداۋلى، ءتارتىبى قاتاڭ، رولى كورنەكتى پارتيا مۇشەلەرى قوسىنىن قۇرىپ، پارتيانىڭ تىرشىلىك تىنىسى مەن ومىرشەڭدىك قۋاتىن ۇزدىكسىز كۇشەيتۋدە ماڭىزدى مانگە يە.

«ءادىس» جالپى 27 تارماقتان قۇرالعان، باستىسى مىناداي 4 جاقتاعى مازمۇندى قامتيدى: ءبىرىنشى، ۇيىمدىق ءبىر جاقتى ەتۋدىڭ جالپى تۇلعالىق تالابى، ۇعىمى، ءتاسىلى، پرينسيبى سياقتىلار جونىندە بەلگىلەمە جاسالدى؛ ەكىنشى، شەكتى مەرزىمدە تۇزەتۋ، پارتيادان شەگىنۋگە ءناسيحاتتاۋ جانە تىزىمنەن ءوشىرۋ سىندى ۇيلەسىمدى جاعدايلار بەلگىلەنىپ، ءبىر جاقتى ەتۋ ءتارتىبى جانە كەيىنگى ىستەر ناقتىلاندىرىلدى؛ ءۇشىنشى، ءبىر جاقتى ەتپەۋ جاعدايى، بىرىكتىرىپ ءبىر جاقتى ەتۋ سياقتى يگەرۋگە ءتيىستى ساياساتتىق تالاپتار جونىندە بەلگىلەمە جاسالدى؛ ءتورتىنشى، ۇيىمدىق ءبىر جاقتى ەتۋ قىزمەت جاۋاپكەرشىلىگى، قىزمەت ءتارتىبى سياقتىلار بەلگىلەندى.

ءار دارەجەلى پارتكومدار (پارتيا باسشىلىق گرۋپپاسى) تولىمسىز پارتيا مۇشەلەرىن ۇيىمدىق جاقتان ءبىر جاقتى ەتۋدى پارتيا مۇشەلەرى قوسىنى قۇرىلىسىنىڭ نەگىزدىك قىزمەتى رەتىندە يگەرىپ، «ءادىستى» قاز - قالپىندا دايەكتىلەندىرىپ، اتقارۋى كەرەك. ۇيرەنۋدى، باۋلۋدى كۇشەيتىپ، ارناۋلى تاقىرىپتا ۇيرەنۋ، پىكىر اۋىستىرۋ، زەرتتەۋ - تالقىلاۋ سياقتى تاسىلدەر ارقىلى ءار دارەجەلى پارتيا ۇيىمدارىنىڭ، قالىڭ پارتيا مۇشەلەرىنىڭ «ءادىستىڭ» رۋحىن دۇرىس ءتۇسىنىپ، «ءادىستىڭ» مازمۇنىن جاپپاي يگەرۋىنە مۇمكىندىك جاساپ، «ادىستەگى» بەلگىلەمەلەردى قاتاڭ اتقارۋ كەرەك. قاتاڭ ولشەم مەن ناقتى شاراعا تاباندى بولىپ، تاربيەلەۋدى، بۇرىلىس جاساۋدى، جوعارىلاتۋدى تياناق ەتىپ، تولىمسىز پارتيا مۇشەلەرىن ۇيىمدىق جاقتان ءبىر جاقتى ەتۋ قىزمەتىن دەر كەزىندە، قاتاڭ ورىستەتۋ كەرەك. ساياسات تالابىن يگەرىپ، ءتارتىپتى قاتاڭ اتقارىپ، ماسەلەلەردى جان - جاقتى، دۇرىس تەكسەرىپ، ءبىر جاقتى ەتۋ ۇيعارىمىن وبيەكتيۆ، ءادىل شىعارۋ كەرەك. تۇزىممەن ۇشتاستىرۋدى جاقسى ىستەپ، ۇيىمدىق جاقتان ءبىر جاقتى ەتۋ مەن پارتيا ءتارتىبى جازاسىن بەرۋدىڭ قاتىناسىن ويداعىداي ءبىر جاقتى ەتۋ كەرەك. قۋزاۋ، جەتەكشىلىك ەتۋدى كۇشەيتىپ، «ادىستەگى» بەلگىلەمەلەردىڭ ناقتى تياناقتانۋىنا كەپىلدىك ەتۋ كەرەك.

كەلۋ قاينارى: حالىق تورابى