مەكتەپ اسحاناسىنداعى تاماقتانۋ ورتاسىن جاقسارتىپ، وقىتۋشى – وقۋشىلاردىڭ اس – سۋ حاۋىپسىزدىگىن شىنايى قامتاماسىزداندىرادى

ءتىلشىنىڭ بۇگىن ۇعىسۋىنشا، بازاردى باقىلاۋ – باسقارۋ باس مەكەمەسى، وقۋ – اعارتۋ مينيسترلىگى، قوعام حاۋىپسىزدىگى مينيسترلىگى، مەملەكەتتىك دەنساۋلىق ساقتاۋ – سالاماتتىق مينيسترلىگى جۋىردا بىرگە ۇقتىرۋ جاريالاپ، جەر – جەردىڭ 2024 – جىلعى كۇزگى وقۋ ماۋسىمىندا مەكتەپتەر مەن بالالار باقشالارىندا ازىق – تۇلىك حاۋىپسىزدىگى قىزمەتىن ويداعىداي ىستەۋى، وقىتۋشى – وقۋشىلاردىڭ اس – سۋ حاۋىپسىزدىگىنە شىنايى كەپىلدىك ەتۋى جونىندە ورنالاستىرۋ جاسادى.

«ۇقتىرۋدا» مىنالار تالاپ ەتىلگەن: جەر – جەردەگى وقۋ – اعارتۋ تاراۋلارى شارت – جاعدايى بار جەرلەر مەن مەكتەپتەردىڭ زور مولشەردەگى ازىق – تۇلىك ماتەريالدارىن ساتىپ العاندا اشىق تۇردە مەردىگەر شاقىرۋ، شوعىرلى تۇردە بەلگىلەنگەن ورىننان ساتىپ الۋ ءتۇزىمىن جانە باعا بەرۋ – شەگىندىرۋ ءتۇزىمىن اتقارۋىنا جەتەكشىلىك ەتۋى، قاتىستى جاعدايلاردى بەلگىلى مەرزىمدە جاريالاپ وتىرۋى كەرەك. مەكتەپتەردىڭ اسحانالارى مەن مەكتەپ سىرتىنداعى اس – سۋمەن قامدايتىن ورىندار زات كىرگىزگەندە تەكسەرۋ ىسپاتىنا قاتىستى قۇجاتتاردى الۋى، زات پەن كۋالىكتىڭ ءوزارا سايكەس كەلۋىنە كەپىلدىك ەتۋى كەرەك، شيكىزاتتىڭ كوزبەن كورگەن كەزدەگى فورماسىندا قالىپسىز جاعداي بولماۋى قاجەت، ازىق – تۇلىكتى مانەرلەۋ بارىسىن ولشەمدەندىرىپ مەڭگەرۋدى جانە وسى جۇمىسپەن شۇعىلداناتىنداردى تاربيەلەۋدى كۇشەيتۋى، ىشپەك – جەمەكتىكتى مانەرلەۋ – جاساۋ ارەكەتىن ءونىمدى تۇردە جۇيەگە ءتۇسىرۋى كەرەك.

مەكتەپ اسحاناسى ءتۇرلى تۇيىندەر مەن تارتىپتەردى ۇيلەسىمدى ورنالاستىرۋى، ازىق – تۇلىكتەردى ساقتايتىن، باستاپقى قادامدا مانەرلەيتىن، تۋرايتىن جانە ءبولىپ سالاتىن، قۋىراتىن، ىدىس – اياقتاردى جۋاتىن جانە ديزەنفەكسيالايتىن ت.ب. ورىنداردى ورنالاستىرۋى كەرەك. بەلگىلى مەرزىم بويىنشا ”ۇشتەن ساقتانۋ“ جابدىقتارى مەن قۇرىلعىلارىن تازالاپ كۇتىمدەۋ ىستەرىن ورىستەتىپ وتىرۋى، زياندى ورگانيزمدەردىڭ سىڭۋىنەن جانە كوبەيۋىنەن ساقتانۋى كەرەك. تاماقتانۋشىلاردىڭ سانىمەن سايكەس كەلەتىن ىدىس – اياقتاردى جۋۋ – ديزەنفەكسيالاۋ قۇرىلعىلارى مەن جابدىقتارىن ورنالاستىرۋى، جۋۋ – ديزەنفەكسيالاۋ قىزمەتكەرىنىڭ قىزمەتتىك جاۋاپكەرشىلىگىن كەمەلدەندىرۋى، ءتۇرلى تۇيىندەردى اتقارۋدى جۇيەگە ءتۇسىرۋى، ىدىس – اياقتاردىڭ تازالىعىنا كەپىلدىك ەتۋى كەرەك.

مۇنان سىرت، ورتا، باستاۋىش مەكتەپتەردىڭ باستىقتارى مەن بالالار باقشالارىنىڭ باستىقتارى بيىل 9 – ايدا مەكتەپ اسحاناسىندا كەمىندە ءبىر رەت جۇمىس باسىنداعى ءماجىلىستى اشۋى، مەكتەپ اسحاناسىنداعى تاماقتانۋ ورتاسىن كۇش سالا جاقسارتۋى قاجەت؛ ورتا، باستاۋىش مەكتەپتەردەگى (بالالار باقشالارىنداعى) قاتىستى جاۋاپتىلاردىڭ تاماقتا بىرگە بولۋى ءتۇزىمىن قاتاڭ تياناقتاندىرۋى قاجەت؛ ازىق – تۇلىك قاينارىندىق اۋرۋلاردان ساقتانۋ جانە قورەكتىك، سالاماتتىق تۋرالى ۇگىت جانە ءتالىم – تاربيەنى ورىستەتۋى، وقۋشىلار جەيتىن تاماققا مايدى، تۇزدى، قانتتى از قوسۋدى دارىپتەۋى قاجەت. جەر – جەردەگى قاتىستى تاراۋلار كەڭەسۋ مەحانيزمى مەن بىرلەسىپ باقىلاۋ – تەكسەرۋ مەحانيزمىن ورناتۋى، ءتۇزىم قۇرىلىسىنىڭ ءورىسىن كەڭەيتۋى، مەكتەپ اۋلاسىنداعى ازىق – تۇلىك حاۋىپسىزدىگىنە ءبارى بىردەي ءمان بەرەتىن قىزمەتتىك بىرىككەن كۇش قالىپتاستىرۋى كەرەك.

كەلۋ قاينارى: حالىق تورابى