قۇلجا مەن اقسۋ ارالىعىندا تەمىر جول سالۋ نىسانى بەكىتۋگە جولداۋ كەزەڭىنە ءوتتى 

انار بۇلت \ شينجياڭ گازەتىنىڭ ءتىلشىسى شى شين حابارلايدى. 8 – ايدىڭ 26 – كۇنىنەن 30 – كۇنىنە دەيىن، مەملەكەتتىك دامۋ – رەفورما كوميتەتىنىڭ مىندەتتەۋى بويىنشا، جۇڭگو تەمىر جول 2 – مەكەمەسى ينجەنەريا توبى شەكتى جاۋاپكەرشىلىك سەرىكتەستىگى مەن مەملەكەتتىك تەمىر جول مەڭگەرمەسىنىڭ جوسپارلاۋ جانە ولشەم زەرتتەۋ مەكەمەسى مامانداردى ۇيىمداستىرىپ، قۇلجا – اقسۋ تەمىر جولى جەلىسنىڭ بويىنا بارىپ تەكسەرۋ جۇرگىزدى ءارى قۇلجا قالاسىندا اتقارىلۋ مۇمكىندىگىن زەرتتەۋ مالىمەتىن ساراپتاۋ جانە كاسىپ سالاسىندىق باعالاۋ – تەكسەرۋ ءماجىلىسىن اشتى.

قۇلجا – اقسۋ تەمىر جولى نىسانى ىلە قازاق اۆتونوميالى وبلىسى، بايىنعولىن موڭعۇل اۆتونوميالى وبلىسى جانە اقسۋ ايماعى كولەمىندە بولادى. جول جەلىسى جىڭ – قۇلجا – قورعاس تەمىر جولىنىڭ قۇلجا بەكەتىنەن باستالىپ، قۇلجا قالاسىن، توعىزتاراۋ اۋدانىن، كۇنەس اۋدانىن، شينجياڭ ءوندىرىس – قۇرىلىس بيڭتۋانى 4 – شىسىنىڭ 70 – تۋانىن، 73 – تۋانىن، 72 – تۋانىن، 71 – تۋانىن، حىجيڭ اۋدانىن، كۇشار قالاسىن باسىپ وتەدى، سوڭعى بەكەتى وڭتۇستىك شينجياڭ تەمىر جولى كۇشار باتىس بەكەتى بولادى. نىسانداعى جول جەلىسىنىڭ جالپى ۇزىندىعى 794 كيلومەتر، مۇندا جاڭادان سالىناتىن جول جەلىسى 455 كيلومەتر، قازىر بار تەمىر جولدان پايدالاناتىن بولىگى 339 كيلومەتر، مولشەرمەن 38 ميلليارد 100 ميلليون يۋان قارجى قوسىلادى.

ۇعىسۋعا قاراعاندا، اتقارىلۋ مۇمكىندىگىن زەرتتەۋ مالىمەتىن ساراپتاۋ جانە كاسىپ سالاسىندىق باعالاۋ – تەكسەرۋ ءماجىلىسىنىڭ اشىلۋى نىساننىڭ رەسمي بەكىتۋگە جولداۋ كەزەڭىنە وتكەنىنەن دەرەك بەرەدى. كەلەسى قادامدا، اۆتونوميالى رايوندىق دامۋ – رەفورما كوميتەتى قاتىستى جاقتارمەن سايكەسۋدى كۇشەيتىپ، نىساننىڭ الدىڭعى مەرزىمدىك قىزمەتتەرىن جەدەل ىلگەرىلەتىپ، نىساننىڭ تەزىرەك بەكىتۋدەن وتۋىنە جانە قۇرىلىستىڭ باستالۋىنا كۇش سالادى.

كەلۋ قاينارى: حالىق تورابى