احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن سوتسياليزمنىڭ قۇرۋشىلارى مەن ءىزباسارلارىن باۋلۋ كەرەك

شينحۋا اگەنتتىگى، 8 - ايدىڭ 31 - كۇنى، بەيجيڭ. 9 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 17 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن سوتسياليزمنىڭ قۇرۋشىلارى مەن ءىزباسارلارىن باۋلۋ كەرەك» دەگەن ماڭىزدى ماقالاسى جاريالانادى.

ماقالادا مىنالار باسا دارىپتەلدى: قانداي ادام باۋلۋ − وقۋ - اعارتۋداعى ماڭداي الدى ماسەلە. ەلىمىز − جۇڭگو كوممۋنيستىك پارتياسىنىڭ باسشىلىعىنداعى سوتسياليستىك مەملەكەت، بۇل ءبىزدىڭ وقۋ - اعارتۋىمىزدىڭ، ءسوز جوق، سوتسياليزمنىڭ قۇرۋشىلارى مەن ءىزباسارلارىن باۋلۋدى ءتۇبىرلى مىندەت ەتىپ، جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمىن قولدايتىن، جۇڭگوشا سوتسياليزم ءۇشىن ءومىر بويى كۇرەس جۇرگىزۋدى مۇرات ەتەتىن سانسىز ۇرپاق جارامدى دارىندىلاردى باۋلۋى كەرەكتىگىن بەلگىلەگەن. تۇتاس حالىق ادام تاربيەلەۋگە ات سالىسۋ، تۇتاس بارىس بويىنشا ادام تاربيەلەۋ، جان - جاقتى ادام تاربيەلەۋ ءتۇزىلىس، مەحانيزمىن كەمەلدەندىرىپ، سوتسياليزمنىڭ سانسىز ۇرپاق قۇرۋشىلارى مەن ءىزباسارلارىن ۇزدىكسىز باۋلۋ كەرەك. بۇل − وقۋ - اعارتۋ قىزمەتىنىڭ ءتۇبىرلى مىندەتى، سونداي - اق وقۋ - اعارتۋدى وسىزامانداندىرۋدىڭ باعىتى مەن نىساناسى.

ماقالادا مىنالار اتاپ كورسەتىلدى: ءبىز باۋليتىن سوتسياليزمنىڭ قۇرۋشىلارى مەن ءىزباسارلارى قانداي نەگىزگى ساپا مەن رۋحاني كۇي ازىرلەۋى كەرەك؟ ولاردى قالاي باۋلۋ كەرەك؟ مۇنىڭ شەشۋشى تەتىگى تومەندەگى بىرنەشە جاقتاعى قىزمەتتى ويداعىداي ىستەۋدە. ءبىرىنشى، مۇرات - سەنىمدى بەكەمدەۋگە كۇش سالۋ كەرەك. ءبىز باۋلىعان ادام، ءسوزسىز، كوممۋنيزم ۇلى مۇراتىن جانە جۇڭگوشا سوتسياليزم ورتاق مۇراتىن ورناتۋى كەرەك. وقۋشىلاردىڭ جۇڭگوشا سوتسياليزم جونىندەگى جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن كۇشەيتىپ، ۇلتتى گۇلدەندىرۋ سىندى ءداۋىردىڭ ماڭىزدى مىندەتىن ارقالاۋعا بەل بايلايتىن ەتۋ كەرەك. ەكىنشى، وتانشىلدىق سۇيىسپەنشىلىكتى بەكەمدەۋگە كۇش سالۋ كەرەك. وتانشىلدىق − جۇڭحۋا ۇلتىنىڭ ۇلت تىلەگى، ۇلت رۋحى، سوتسياليزمنىڭ قۇرۋشىلارىن جانە ءىزباسارلارىن باۋلۋدا، ەڭ الدىمەن وقۋشىلاردىڭ وتانشىلدىق سۇيىسپەنشىلىگىن جەتىلدىرۋ كەرەك. وقۋشىلاردى جۇڭگو كوممۋنيستىك پارتياسىن قىزۋ سۇيۋگە جانە قولداۋعا، پارتيانىڭ سوزىنە قۇلاق اسۋدى، پارتياعا ىلەسۋدى مۇرات ەتۋگە، حالىققا تامىر تارتۋدى، مەملەكەتكە ۇلەس قوسۋدى مۇرات ەتۋگە تاربيەلەۋ جانە جەتەكتەۋ كەرەك. ءۇشىنشى، مىنەز - قۇلىق جەتىلىمىن كۇشەيتۋگە كۇش سالۋ كەرەك. ءمورالدى بولۋدى ەڭ الدىعا قويۋ، ءوزىن جەتىلدىرۋدى نەگىز ەتۋ − دارىندىلاردىڭ ەسەيىپ - ەرجەتۋىنىڭ نەگىزگى لوگيكاسى. وقۋشىلاردى سوتسياليستىك وزەكتى قۇن كوزقاراسىن جەتىلدىرۋگە جانە جۇزەگە اسىرۋعا، تاماشا مىنەز - قۇلىقپەن ءمورال جەتىلدىرۋدى، الەۋمەتتىك ءمورالدا ىزگى بولۋدى، اسقاق ادامگەرشىلىكپەن رۋح سومداۋدى جۇزەگە اسىرىپ، تاباندىلىقپەن تاماشا مىنەز - قۇلىق قالىپتاستىرىپ، جۇرەگى جىلى، ءمورالى بيىك، ىقىلاسى تەرەڭ ادام ەتىپ تاربيەلەۋگە جانە جەتەكتەۋگە تاباندى بولۋ كەرەك. ءبىلىم ۇيرەنۋ − وقۋشىلاردىڭ تيەسەلى مىندەتى. وقۋشىلاردى ۇيرەنۋ ۋاقىتىن قاستەرلەۋگە، بار ىنتا - ىقىلاسىمەن ءبىلىم قۋىپ، وقۋ ىزدەۋگە، ۇيرەنۋ بارىسىندا وي ءورىسىن كەڭەيتىپ، ءبىلىمىن مولايتۋعا، اقيقاتقا تالپىنۋ، ءجون - قيىسىندى ءتۇسىنۋ، جۇيە - جۇلگەنى ءبىلۋ باعىتىمەن العا باسۋعا تاربيەلەۋ جانە جەتەكتەۋ كەرەك. بەسىنشى، كۇرەسكەرلىك رۋحتى جەتىلدىرۋگە كۇش سالۋ كەرەك. وقۋشىلاردى اسقاق مۇرات ورناتۋعا، باتىلدىقپەن جاۋاپكەرلىك ارقالايتىن، تالماي كۇرەسەتىن رۋح شىڭداۋعا، جۇرەكتىلىكپەن كۇرەس جۇرگىزەتىن رۋحاني كۇيگە، ومىرگە ۇمىتپەن قاراپ، ورگە ۇمتىلاتىن پوزيتسياعا يە بولۋعا، تانىم مەن ارەكەتتى بىرلىككە كەلتىرۋدى شىنايى ورىنداۋعا، قاجىرلى دا ىسكەر بولىپ، تىنباي قۇلشىنۋعا تاربيەلەۋ جانە جەتەكتەۋ كەرەك. التىنشى، جالپىلىق ساپانى كۇشەيتۋگە كۇش سالۋ كەرەك. سوتسياليزمنىڭ قۇرۋشىلارى مەن ءىزباسارلارى، ءسوز جوق، جان - جاقتى دامىعان بولۋى كەرەك. وقۋشىلاردى جالپىلىق قابىلەتتى جەتىلدىرۋگە، جاڭاشىل ويلاۋدى جەتىلدىرۋگە تاربيەلەۋ جانە جەتەكتەۋ كەرەك. دەنساۋلىق − ءبىرىنشى دەيتىن وقۋ - اعارتۋ ۇستانىمىن ورناتىپ، دەنە تاربيە ساباقتارىن تولىق، جەتكىلىكتى اشۋ كەرەك. مەكتەپتەردىڭ ەستەتيكالىق تاربيەسىن جاپپاي كۇشەيتىپ جانە جاقسارتىپ، وقۋشىلاردىڭ ەستەتيكالىق جانە گۋمانيتارلىق ساپاسىن جوعارىلاتۋ كەرەك. وقۋشىلار اراسىندا ەڭبەك رۋحىن اسقاقتاتىپ، وقۋشىلاردى ەڭبەكتى ارداقتاۋعا، ەڭبەكتى قاستەرلەۋگە تاربيەلەۋ جانە جەتەكتەۋ كەرەك.

ماقالادا مىنالار اتاپ كورسەتىلدى: احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى تاربيەلەيتىن وقۋ - اعارتۋ جۇيەسىن قۇلشىنا قۇرىپ، دارىندى تاربيەلەۋدىڭ اناعۇرلىم جوعارى دەڭگەيلى جۇيەسىن قالىپتاستىرۋ كەرەك. ءمورال ارقىلى تاربيەلەۋدى يدەيا - ءمورال تاربيەسىنىڭ، مادەنيەت بىلىمدەرى تاربيەسىنىڭ، قوعامدىق اماليات تاربيەسىنىڭ ءتۇرلى بۋىندارىمەن توعىستىرىپ، نەگىزدىك وقۋ - اعارتۋدىڭ، كاسىپتىك وقۋ - اعارتۋدىڭ، جوعارى وقۋ - اعارتۋدىڭ ءتۇرلى سالالارىمەن ساباقتاستىرۋ، ءپان جۇيەسىن، وقىتۋ جۇيەسىن، وقۋلىق جۇيەسىن، باسقارۋ جۇيەسىن وسى نىسانانى ارقاۋ ەتە وتىرىپ جوبالاۋى، وقىتۋشىلار وسى نىسانانى ارقاۋ ەتە وتىرىپ وقىتۋى، وقۋشىلار وسى نىسانانى ارقاۋ ەتە وتىرىپ وقۋى كەرەك. وسى نىسانانى ىسكە اسىرۋعا ءتيىمسىز ءادىس - امال اتاۋلىنىڭ بارلىعىن باتىل وزگەرتۋ كەرەك.

ماقالادا مىنالار باسا دارىپتەلدى: وقۋلىق قۇرىلىسىنا باسا ءمان بەرۋ كەرەك. وقۋلىق − ءبىلىم بەرۋدىڭ ماڭىزدى دانەكەرى، ول ءبىر مەملەكەتتىڭ، ءبىر ۇلتتىڭ قۇن كوزقاراسى جۇيەسىن ايگىلەيدى، وقىتۋشىنىڭ وقۋ - وقىتۋىنىڭ، وقۋشىنىڭ ۇيرەنۋىنىڭ ماڭىزدى قۇرالى. وقۋلىقتا ماركسيزمنىڭ جەتەكشى ورنىنا تاباندى بولىپ، ماركسيزمدى جۇڭگوشالاندىرۋ تالابىن ايگىلەۋ، جۇڭگو مەن جۇڭحۋا ۇلتىنىڭ قاسيەتىن ايگىلەۋ، پارتيا مەن مەملەكەتتىڭ وقۋ - اعارتۋ جونىندەگى نەگىزگى تالابىن ايگىلەۋ، مەملەكەت پەن ۇلتتىڭ نەگىزگى قۇن كوزقاراسىن ايگىلەۋ، ادامزات مادەنيەت بىلىمدەرىنىڭ قوردالانعان جانە جاڭالىق اشقان جەتىستىگىن ايگىلەۋ كەرەك.

كەلۋ قاينارى: حالىق تورابى