ساپالى مادەنيەت بايلىعى نەگىزگى ساتىعا تىكە جەتكىزىلدى (وسىزامانداندىرۋدى كوزدەپ، رەفورمانى ىشكەرىلەي تەرەڭدەتۋ)

كۇز باسىنداعى تاڭەرتەڭ، بەيجيڭ قالاسى دۇڭچىڭ رايونى جيڭشان كوشەسىندەگى سىحىيۋان اۋلاسىندا شاتتىق ءۇنى كوتەرىلدى.

ىشكى جاقتا تەاترعا، بايىرعى رويالعا جاتتىعىپ جاتقاندار، جىرىق ەتەك كويلەك تىگىپ وتىرعاندار، تاععى مادەنيەت بازارى بار ەكەن. ”حۋتۇڭ فوتوگرابى“ گو چۇنگۋاڭ جاي فوتو اپپاراتتى كوتەرىپ، تاماشا ساتتەردى ەستەلىككە ءتۇسىردى.

”مەيحوۋ - سىشى“ بىرىكپە اۋلاسى اسەمونەر سارايىنىڭ ارتقى كوشەسىنىڭ 40 - اۋلاسىنا ورنالاسقاندىقتان وسىلاي اتالعان. 2020 - جىلى 9 - ايدا بۇل ارا جاڭالانىپ، قوناقتاردى قارسى الىپ، ءار جىلى مىڭنان استام ساپالى الەۋمەتتىك مادەنيەت قيمىلىمەن قامدايتىن بولدى. قازىر بۇل ارا جيڭشان ءمالى باسقارماسى قالا تۇرعىندارىنىڭ مادەنيەت ورتالىعى ءارى كوپتەگەن ساياحاتشىلاردىڭ ”ات بايلايتىن“ جەرى.

ءمالى باسقارماسى مادەنيەت ورتالىعى نە ءۇشىن بۇقارانىڭ قارسى الۋىنا يە بولادى؟

قوس قاقپالى بىرىكپە اۋلا كوك كەرپىشپەن قالانىپ، توبەسىنە سۇرى قاڭىلتاق كەرپىش توسەلگەن، قويۋ بەيجيڭ ەرەكشەلىگىنە يە. ستۋديادا جيڭشان ءمالى باسقارماسى لۇڭفۋسى الەۋمەتتىك اۋماعىنىڭ تۇرعىنى سۇڭ يۇيلياڭنىڭ سكريپكا ءۇنى قۇلاققا جاعىمدى ەستىلدى، ”كاسىپتىك الاڭ، كاسىپتىك جابدىق، تاعى كاسىپتىك وقىتۋشى جەتەكشىلىك ەتۋدە. مۇنداي جوعارى ساپالى مادەنيەت كەڭىستىگىن، جوعارى ساپالى مادەنيەت قىزمەت وتەۋىن ۇناتامىز!“

الەۋمەتتىك مادەنيەت قىزمەت وتەۋى فۋنكتسياسىن كەمەلدەندىرۋ كەزىندە كوپتەگەن كونە قالا تۇرعىنىنىڭ جالپىلىق تىلەگى بولاتىن. بىرنەشە جىلدىڭ الدىندا، مەترو 8 - ءنومىرلى قالقان قۇرىلىسى جەر بەتىن قايتارعان سوڭ، دۇڭچىڭ رايونى وسى ارادان ”مەيحوۋ - سىشى“ بىرىكپە اۋلاسى جاڭادان سالدى. 5400 شارشى مەتر، استى - ءۇستى ءتورت قابات، ستۋديا، اسەمونەر سارايى سياقتى 21 ورىننىڭ مادەنيەت قيمىل كەڭىستىگى ايقىش - ۇيقىش ورنالاسقان. ۇنەمى رويال جاتتىعۋعا كەلەتىن سۇڭ يۇيلياڭ بىلاي دەدى: ”بۇرىن الەۋمەتتىك اۋماقتىڭ قيمىل كەڭىستىگى شەكتى بولاتىن، كوپشىلىك ’جەرگە‘ تالاساتىن. قازىر جاعداي مۇلدە باسقاشا، اركىم ءوز قالاعانىمەن ەمىن – ەركىن شۇعىلدانادى“.

قۇرىلعىلاردى ويداعىداي سالعان سوڭ، ەندى ساپالى قىزمەت وتەۋ كەرەك. بىلتىر 11 - ايدا مەملەكەتتىك تەاترحانانىڭ 100 رەتكى الەۋمەتتىك يگىلىك كونسەرتى ”مەيحوۋ - سىشى“ اۋلاسىنا كىردى، كوركەمونەرشىلەر اكەلگەن سيمفونيالىق مۋزىكا 70 جاستان اسقان گو چۇنگۋاڭنىڭ قۇلاق تۇبىندە بۇگىنگە دەيىن جاڭعىرادى، ول: بىرىكپە اۋلادا وتىرساڭىز، وسىنداي جوعارى ورەدەگى كونسەرتتەن ءلاززاتتانا الاسىز“ دەدى.

تۇرعىنداردىڭ تابىس سەزىمى − مادەنيەتتىك قىزمەت وتەۋ جانە مادەنيەت ونىمدەرىمەن قامداۋ مەحانيزمىنىڭ ۇزدىكسىز ساپالىلانۋىنىڭ ارقاسى. ۇكىمەت تۇعىر ورناتتى، 21 مادەنيەت قيمىل كەڭىستىگى قوعامدىق كۇشتەردىڭ ءبىر تۇتاس جۇمىس جۇرگىزۋىنە تاپسىرىلىپ، كاسىپتىك ادامداردىڭ كاسىپتىك ىستەردى ىستەۋىنە دەم بەرىلدى؛ وسى بىرنەشە جىلدا تيجارات جۇرگىزۋشى جاق 100 دەن استام قۇرىلىممەن، ۇيىممەن، 700 دەن استام مادەنيەت لەكتورىمەن سەلبەستىك ورناتىپ، دۇڭچىڭ رايونىنىڭ قاتىستى تاراۋلارى، جيڭشان ءمالى باسقارماسى شارۋاشىلىق جۇرگىزۋشى جاقپەن بايلانىس جاساۋعا كومەكتەسىپ، تۇرعىنداردىڭ ەسىك الدىندا ساپالى ويىن نومىرلەرى بايلىعىنان يگىلىكتەنۋىنە مۇمكىندىك جاسادى.

قاراڭعى تۇسە بەرە، بىرىكپە اۋلاداعى كەشكى مەكتەپ ساباق باستادى. بەيجيڭ تەاترى كلاسى، سۋرەت سىزۋ كلاسى، ءيىس رەتتەۋ كلاسى... شاعىن كلاستاردا كاسىپتىك ساباق ءوتىلدى، باعادا تيىمدىلىك جاساۋ بۇقارانىڭ قىزۋ قارسى الۋىنا يە بولدى.

كەشكى مەكتەپتە وقىعاندار دا، كەشتە كەلىپ ماتەريال كورەتىندەر دە بار. ”مەيحوۋ - سىشى“ تاعى دا دۇڭچىڭ رايوندىق كىتاپحانا، دۇڭچىڭ رايوندىق مادەنيەت سارايى جيڭشان ءمالى باسقارماسىنىڭ بولىمشەسى بولىپ، كىتاپ بەرە تۇرۋ قىزمەت وتەۋىمەن قامدايدى، رايون ىشىندە ءبىر تۇتاس الا تۇرىپ، قايتارۋعا دا بولادى. ”بۇرىن ءبىز قىزمەتكەرلەر جۇمىستان تۇسكەندە الەۋمەتتىك مادەنيەتكە قىزمەت وتەۋ ورتالىعى جابىلىپ قالاتىن. قازىر كەشتە دە اشىلاتىن بولدى، ءبىر ءۇيلى جان لەزدە جەتىپ كەلەمىز“ دەدى جيڭشان ءمالى باسقارماسى جۇڭگۋ الەۋمەتتىك اۋماعىنىڭ تۇرعىنى ليۋ ساينان.

قازىرگە دەيىن، ”مەيحوۋ - سىشى“ اۋلاسىنا كەلۋشىلەردىڭ مولشەرى جالپى 780 مىڭ ادام – رەتكە جەتتى، الەۋمەتتىك يگىلىك تۇرىندەگى مادەنيەت قيمىلدارى 4700 رەتتەن استام وتكىزىلدى. دۇڭچىڭ رايونى 17 ءمالى باسقارماسىندا قالا تۇرعىندارىنا ارنالعان 17 مادەنيەت ورتالىعىن، 160 تان استام الەۋمەتتىك اۋماق جالپىلىق مادەنيەت قيمىل ءۇيىن جوعارى ساپامەن قۇرىپ ىسكە قوستى.

”مادەنيەتتىك قىزمەت وتەۋ جانە مادەنيەت ونىمدەرىمەن قامداۋ مەحانيزمىن ساپالىلاندىرۋ“، ”ساپالى مادەنيەت بايلىعىن نەگىزگى ساتىعا تىكە جەتكىزۋ مەحانيزمىن ورناتۋ“ پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ «قاۋلىسىنا» ەنگىزىلدى. ”ءبىز ۇكىمەت جەتەكشىلىك ەتۋگە، قوعام ات سالىسۋعا، ءتۇيىندى تومەنگە ويىستىرۋعا، بىرگە قۇرىپ، بىرگە يگىلىكتەنۋگە تاباندى بولىپ، بۇقارانىڭ ماڭايىنداعى ’مادەنيەت قوناق زالىن‘ ۇزدىكسىز جاڭالاپ قۇرىپ، ءتۇرلى ساپالى الەۋمەتتىك مادەنيەت قىزمەت وتەۋىن بۇقارانىڭ ىرگەسىنە جەتكىزەمىز“ دەدى دۇڭچىڭ رايوندىق پارتكومنىڭ شۋجيى سۇن شينجۇن.

كەلۋ قاينارى: حالىق تورابى