ايدا تورعا شىعۋعا بولا ما؟ كوكونىس ەگۋگە بولا ما؟ ەڭ جاڭا جاۋاپ 

مەملەكەتتىك عارىش مەڭگەرمەسىنىڭ 9 – ايدىڭ 24 – كۇنى جاريالاۋىنشا، چاڭ – ى 6 – ءنومىرلى بارلاۋ مىندەتىن ورىنداعان سوڭ، جۇڭگونىڭ ايعا بارلاۋ جۇرگىزۋ ينجەنەرياسى تاعى دا 2 رەتكى ۇشىرۋ مىندەتىن ورىنداپ، حالىقارالىق اي شارىنداعى عىلىمي زەرتتەۋ جۇرگىزۋ بازاسىنىڭ نەگىزىن قالايدى، ەڭ تەز بولعاندا 2026 – جىلى 1 – رەتكى ۇشىرۋ مىندەتىن اتقارادى.

جوسپار بويىنشا، ەلىمىز 2026 – جىلى چاڭ – ى 7 – ءنومىرلى بارلاۋ اسپابىن ۇشىرادى، 2028 – جىلدىڭ الدى – ارتىندا چاڭ – ى 8 – ءنومىرلى بارلاۋ اسپابىن ۇشىرادى.

مەملەكەتتىك عارىش مەڭگەرمەسىنىڭ ورىنباسار باستىعى بيان جىگاڭنىڭ ايتۋىنشا، چاڭ – ى 7 – ءنومىرلى بارلاۋ اسپابى اي شارىنىڭ وڭتۇستىك ۇيەگىنىڭ قورشاعان ورتاسى مەن بايلىق قاينارىنا بارلاۋ جۇرگىزەدى، چاڭ – ى 8 – ءنومىرلى بارلاۋ اسپابى اي شارىنداعى بايلىق قاينارىن سول جەردىڭ وزىندە پايدالانۋ تەحنيكاسىن ىسپاتتاۋمەن بىرگە، سونان كەيىنگى مەزگىلدەگى اي شارىندا عىلىمي زەرتتەۋ بازاسىن قۇرۋ قىزمەتىنە نەگىز قالايدى. 2035 – جىلدىڭ الدى – ارتىندا، اي شارىنداعى عىلىمي زەرتتەۋ بازاسىنىڭ نەگىزگى تيپى سالىنىپ بولادى.

تانىستىرۋعا قاراعاندا، اي شارىندا حالىقارالىق عىلىمي زەرتتەۋ جۇرگىزۋ بەكەتىنىڭ قۇرىلىسى ەكى كەزەڭگە بولىنەدى:

ءبىرىنشى كەزەڭدە نەگىزگى تيپى سالىنىپ بولادى، اي شارىنىڭ وڭتۇستىك ۇيەگىندەگى ءوڭىردى ورتالىق ەتىپ، ءجۇز كيلومەترلىك اۋماقتا عىلىمي زەرتتەۋ جۇرگىزۋ قۋاتىنا يە بولادى. جەر مەن ايداعى ءبىرتۇلعالاندىرىلعان ينفورماتسيا تورىنان پايدالانىپ، ايدا ادامسىز بارلاۋ جۇرگىزۋ، ايعا ادام قوندىرۋ، حالىقارالىق سەلبەستىك قاتارلى ءتۇرلى مىندەتتەر اراسىندا ءوزارا بايلانىستىرۋ – توعىستىرۋ ىسكە اسىرىلىپ، اي شارى بازاسىندا فۋنكتسياسى مەن فاكتورلارى نەگىزىنەن تولىق بولعان اي شارى بازاسىنداعى ۋنيۆەرسال عىلىمي زەرتتەۋ تەكشەسىن قالىپتاستىرادى.

ەكىنشى كەزەڭدە كەڭەيتۋ تيپىندەگى قۇرىلىس جۇرگىزىلەدى، 2050 – جىلدان بۇرىن، اي شارىنىڭ وربيتالىق بەكەتىن وزەك ەتكەن، اي شارىنىڭ وڭتۇستىك ۇيەگىندەگى بەكەتتى ورتالىق ەتكەن، اي شارىنىڭ ەكۆاتورى مەن اي شارىنىڭ ارعى بەتىن بارلاۋ ءتۇيىنى ەتكەن اي شارىنداعى ۋنيۆەرسال بەكەت تورى سالىنىپ بولىپ، ۇزاق ۋاقىت بويى ادام تۇرمايتىن، ادام قىسقا ۋاقىت ايالدايتىن، فۋنكتيساسى كەمەلدەنگەن، ۇزدىكسىز ورنىقتى جۇمىس اتقاراتىن ءىرى تيپتى ۋنيۆەرسال عىلىمي زەرتتەۋ تەكشەسى قالىپتاستىرىلادى.

ەندەشە، ايدا تورعا شىعۋعا بولا ما؟ ايدا تۇرمىس كەشىرۋگە بولا ما؟ مەملەكەتتىك عارىش مەڭگەرمەسىنىڭ ايعا بارلاۋ جۇرگىزۋ جانە عارىش ينجەنەرياسى ورتالىعىنىڭ مەڭگەرۋشىسى گۋان فىڭ مىنانى اتاپ كورسەتتى: چاڭ – ى 8 – ءنومىرلى بارلاۋ اسپابىنىڭ حابارلاسۋ قۋاتىن ويلاستىرۋى كەرەك، ايدا، ءسوزسىز، سىمسىز تور، ەنەرگيا قاينارى بولۋى كەرەك، كوكونىس ەگۋگە بولا ما دەگەن ماسەلەگە كەلسەك، عالىمدار ءالى زەرتتەۋ ۇستىندە، چاڭ – ى 8 – ءنومىرلى بارلاۋ اسپابى وسى جاعىندا عىلىمي زەرتتەۋ جۇرگىزۋى مۇمكىن.

كەلۋ قاينارى: حالىق تورابى