بۇراتالا وبلىسى مەملەكەت بويىنشا ”ماۋسىمدىق ايگىلى قالا“ قاتارىنان ورىن الدى

9 – ايدىڭ 23 – كۇنى ”جۇڭگو اۋا رايى“ ايگىلى ماركا ارقىلى اۋىل ـ قىستاقتى گۇلدەندىرۋدىڭ كۇزگى اقپار جاريالاۋ ءماجىلىسى انحۇي ولكەسىنىڭ حۋاينان قالاسىندا اشىلدى، بۇراتالا موڭعۇل اۆتونوميالى وبلىسى ” ماۋسىمدىق ايگىلى قالا“ قاتارىنان ورىن الدى، بۇل شينجياڭنان تاڭدالعان بىردەن – ءبىر جەر. بۇدان سىرت، سايرام كولى ايگىلى كورىنىس قاتارىنا، جىڭ الاقاتى ”ماۋسىمدىق ايگىلى ءونىم“ قاتارىنا ەنگىزىلدى.

وسى رەتكى اقپار جاريالاۋ ماجىلىسىندە كۇزگى تەڭەلۋ كەزىندەگى تاماشا كورىنىستەردەن ورتاق يگىلىكتەنۋدەن سىرت، بۇرىنعى جاريالانعان ماۋسىمدىق تىزىمدىكتەن بازاردىڭ تەكسەرۋىنەن وتكەن، جۇرت مويىنداعان جانە ايگىلى ماركا دەپ تانىعان جاقسى ٴونىم، جاقسى كورىنىستەردى تاڭداپ شىعىپ، جەكە – جەكە ”ماۋسىمدىق ايگىلى ءونىم“، ”ماۋسىمدىق ايگىلى كورىنىس“ جانە ”ماۋسىمدىق ايگىلى قالا“ اتاعىن بەردى. وسى رەتكى اقپار جاريالاۋ ماجىلىسىندە بۇكىل ەل كولەمىندە 6 جەر ”ماۋسىمدىق ايگىلى قالا“ اتاعىنا، 12 جاقسى ٴونىم ”ماۋسىمدىق ايگىلى ءونىم“ اتاعىنا، 14 تاماشا كورىنىس ”ماۋسىمدىق ايگىلى كورىنىس“ اتاعىنا يە بولدى.

كەلۋ قاينارى: حالىق تورابى