اپتا سوڭىندا شينجياڭنىڭ كوپ جەرىندە جاڭبىر جاۋىپ، تەمپەراتۋرا تومەندەيدى

بىرنەشە كۇنگە جالعاسقان اشىق اۋا رايىنان كەيىن، اپتا سوڭىندا شينجياڭنىڭ باسىم كوپ جەرىندە جاڭبىر جاۋىپ، تەمپەراتۋرا تومەندەيدى.

شينجياڭ اۋا رايى مەكەمەسى ۋيچات الەۋمەتتىك تەكشەسىنىڭ ەڭ جاڭا مالىمەتىنە قاراعاندا، 9 ـ ايدىڭ 20 ـ كۇنى تۇننەن 21 ـ كۇنى كۇندىزگە دەيىن سولتۇستىك شينجياڭنىڭ باتىس بولىگى مەن سولتۇستىك بولىگى، وڭتۇستىك شينجياڭنىڭ باتىس بولىگىندەگى تاۋلى وڭىرلەر، بايىنعولىن وبلىسىنىڭ سولتۇستىك بولىگىندەگى تاۋلى وڭىرلەر، كۇنلۇن تاۋىنىڭ سولتۇستىك بەتكەيى قاتارلى جەرلەردىڭ ءىشىنارا وڭىرلەرىندە سەبەزگى جاڭبىر جاۋادى (تەڭىز دەڭگەيىنەن ورتاشا، بيىك تاۋلى وڭىرلەردە قار جاۋادى)، تاۋلى ءوڭىرلەردىڭ ءىشىنارا جەرلەرىندە ورتاشادان باستاپ قالىڭ جاڭبىرعا دەيىن جاۋادى نەمەسە قار جاۋادى، وڭتۇستىك شينجياڭ ويپاتىنىڭ ورتا، شىعىس بولەگىندە قيىس شىعىستان 4 تە 5 بال جەل سوعادى، كەي وڭىرلەردە قۇمدى بوران سوعادى.

بۇدان سىرت، 9 ـ ايدىڭ 24 ـ كۇنىنەن كەيىن، سولتۇستىك شينجياڭنىڭ باتىس بولىگى، تيانشاننىڭ سولتۇستىك بەتكەيى، وڭتۇستىك شينجياڭنىڭ باتىس بولىگىندەگى تاۋلى وڭىرلەر، قۇمىل قالاسىنىڭ سولتۇستىك بولىگى قاتارلى جەرلەردىڭ ءىشىنارا وڭىرلەرىندە ءبىر رەت جاۋىن – شاشىن بولادى، تەمپەراتۋرا تومەندەيدى.

ورتالىق قالا ءۇرىمجىنىڭ جانعا جايلى اۋا رايى اپتا سوڭىنا دەيىن جالعاسادى. شينجياڭ اۋا رايى مەكەمەسى ۋيچات الەۋمەتتىك تەكشەسىنىڭ مالىمەتىنە قاراعاندا، الداعى بىرنەشە كۇندە ءۇرىمجىنىڭ اۋا رايى اشىق بولادى، جەل كۇشى زور بولمايدى، اپتا سوڭىنداعى ەڭ جوعارى اۋا تەمپەراتۋراسى 28 سەلتسي گرادۋسقا شىعۋى مۇمكىن.

اۋا رايى تاراۋلارى مىنانى ەسكەرتتى: قازىر كۇندىز بەن ءتۇننىڭ تەمپەراتۋرا پارقى نەگىزىنەن 10 سەلتسي گرادۋستان جوعارى، ادام دەنەسىنىڭ قىزمەتى مۇنداي كورنەكتى وزگەرىسكە ءالى ۇيلەسە قويعان جوق، وتە - موتە وڭاي سۋىق ءتيىپ تۇماۋراتادى. سوندىقتان كوپشىلىك، اسىرەسە، وقۋعا تۇسكەن بالالار مەن دەنە قۋاتى ءالسىز قارتتار ءسوز جوق، اۋا رايىنىڭ وزگەرىسىنە قاراي كيىمدەرىن دەر كەزىندە رەتتەپ، قالىڭ كيىنۋى كەرەك.

كەلۋ قاينارى: حالىق تورابى