ۋيشين شۇعىل ۇقتىرۋ شىعاردى 

جۋىردا، ۋيشين حاۋىپسىزدىك ورتالىعى شۇعىل ۇقتىرۋ شىعاردى، مىناداي الدامكوستىكتەردەن ساق بولىڭىزدار.

ۋيشيننىڭ تولەۋ يقۋاتىنداعى ءبىر ميلليون يۋاندىق مال – مۇلىكتى قامتاماسىزداندىرۋ — اۆتوماتتى اشىلاتىن، بۇكىلدەي تەگىن قامسىزداندىرۋ قىزمەتى. الايدا، جۋىردا زاڭسىز ەلەمەنتتەر ءىشىنارا پايدالانۋشىلارعا، وتە – موتە، ورتا جاستاعىلار مەن قارتتارعا باعىتتاي وتىرىپ، ولاردىڭ بۇل قىزمەت وتەۋ تۇرىنە قانىق ەمەستىگىنەن پايدالانىپ، ”ميلليون يۋاندىق مال – مۇلكىڭىزدى قامتاماسىزداندىرۋ مەرزىمى تولدى، ەندى قامسىزداندىرۋعا قاتىناسۋ ءۇشىن قاراجات تولەيسىز“ نەمەسە ”قىزمەت وتەۋ ءتۇرىن جاپساڭىز، اۆتوماتتى تۇردە اقشا تارتىپ قالادى“ دەگەن جەلەۋلەرمەن تۇزاق قۇرىپ، الدامكوستىك ىستەگەن.

پايدالانۋشىلاردىڭ زاڭدى ۇقىق – مۇددەسىن قورعاۋ ءۇشىن، ۋيشين قىزمەت توبى وسى تەكتەس الدامكوستىك ارەكەتتەرگە سوققى بەرۋدى ۇزدىكسىز كۇشەيتەدى. اتالعان زاڭعا قايشى ارەكەتتى تەكسەرىپ تۇراقتاندىرعان سوڭ، مەملەكەتتىڭ قاتىستى زاڭ – تۇزىمدەرىنە، سونداي – اق، «تىڭشۇن ۋيشين جۇمساق بولشەگىنىڭ رۇقساتناماسى جانە قىزمەت وتەۋ كەلىسىمشارتىنا»، «ۋيشيندەگى جەكەلىك تىركەلگىنى پايدالانۋ ولشەمىنە» ساي، بەلگىلەمەگە قايشى كەلۋ دارەجەسىنە نەگىزدەلە وتىرىپ، قاتىستى تىركەلگىلەردى ساتىلى فورمادا جازالايدى.

ۋيشين حاۋىپسىزدىك ورتالىعى كوپشىلىككە مىنانى ەسكەرتەدى: ۋيشيننىڭ تولەۋ يقۋاتىنداعى ميلليون يۋان مال – مۇلىكتى قامتاماسىزداندىرۋ فۋنكتسياسى ماڭگىلىك تەگىن، تەك ۋيشيننىڭ تولەۋ يقۋاتىنان پايدالانساڭىز بولعانى، بۇل قىزمەت وتەۋ تۇرىنەن يگىلىكتەنەسىز. ”مەرزىمى تولۋ“، ”مەرزىمى ءوتۋ“ دەگەن ءسوز جوق، ”جالعاستى قامتاماسىزداندىرۋ ءۇشىن قاراجات تاپسىرۋ كەرەك“ دەگەن تالاپ قويىلمايدى، سەنىمدىلىگىڭىزگە تىپتەن ىقپال جاسامايدى. ەگەر بىرەۋلەر ”ۋاقىتى جەتكەندىكتەن، قامسىزداندىرۋعا جالعاستى قاتىناسۋ كەرەك، قىزمەت وتەۋ ءتۇرىن ىسكە قوسۋ ءۇشىن اقشا تولەۋ كەرەك، قىزمەتكەر بۇل قىزمەت وتەۋ ءتۇرىن كۇشىنەن قالدىرۋىڭىزعا كومەكتەسەدى“ دەگەن سياقتىلاردىڭ بارلىعى الدامكوستىك، استە، سەنۋشى بولماڭىز.

سونىمەن بىرگە، ۋيشيننىڭ تولەۋ يقۋاتىنداعى ميلليون يۋان مال – مۇلىكتى قامتاماسىزداندىرۋعا قاتىستى بەتتە الدامكوستىككە قارسى ەسكەرتۋ بەرۋ يقۋاتى ورنالاستىرىلعان، قولدانۋشىلاردىڭ [كليەنت – مەن – قىزمەت وتەۋ – اقشا قاپشىعى – تۇتىنۋشىلاردى قورعاۋ – حاۋىپسىزدىكتى قامتاماسىزداندىرۋ – ءجۇز ميلليوندى قامتاماسىزداندىرۋ] دەگەن رەت بويىنشا اناعۇرلىم جان – جاقتى مازمۇنداردى بىلۋىنە بولادى.

كەلۋ قاينارى: حالىق تورابى