ەلەكترلى ۆەلوسيپەتتىڭ كونەسىن جاڭاسىنا اۋىستىرۋدى قالاي ورىنداۋعا بولادى؟ (حالىق تۇرمىسىنا قىزمەت وتەۋ بەكەتى) 

ساۋدا مينيسترلىگى قاتارلى بەس تاراۋ جۋىردا «ەلەكترلى ۆەلوسيپەتتىڭ كونەسىن جاڭاسىنا اۋىستىرۋدى ىلگەرىلەتۋگە قاتىستى اتقارىلاتىن جوبانى» (تومەندە قىسقارتىلىپ «جوبا» دەپ اتالادى) باسىپ تاراتىپ، ەلەكترلى ۆەلوسيپەتتى ساتۋمەن شۇعىلداناتىن كاسىپورىنداردىڭ وندىرەتىن كاسىپورىندارمەن، جيناپ الاتىن كاسىپورىندارمەن بىرلەسە وتىرىپ كونەسىن جاڭاسىنا اۋىستىرۋدى ورىستەتۋىنە قولداۋ كورسەتىپ، تۇتىنۋشىلارعا ۇستەمە تيىمدىلىك جاسادى.

تۇتىنۋشىلار ەلەكترلى ۆەلوسيپەتتىڭ كونەسىن جاڭاسىنا اۋىستىرىپ ساتىپ الۋ ءۇشىن قالاي ىستەۋى كەرەك؟

ساۋدا مينيسترلىگىنىڭ قاتىستى جاۋاپتىسىنىڭ تانىستىرۋىنشا، «اسپاپتاردى كەڭ كولەمدى جاڭالاۋ مەن تۇتىنۋ بۇيىمدارىنىڭ كونەسىن جاڭاسىنا اۋىستىرۋعا قولداۋ كورسەتۋدى ارتتىرۋ جونىندەگى ءبىرقانشا شارانىڭ» رۋحىنا ساي، جەر – جەر ءىس جۇزىندىك جاعدايمەن ۇشتاستىرا وتىرىپ، ەلەكترلى ۆەلوسيپەتتىڭ كونەسىن جاڭاسىنا اۋىستىرۋ جاعىندا اتقارىلاتىن ناقتى ەرەجەنى بەلگىلەپ، ناقتى قولداۋ كورسەتۋ سوماسى مەن ءتاسىلى قاتارلىلاردى دەربەس تۇراقتاندىرۋىنا بولادى. جەر – جەر ءوزىنىڭ اتىنداعى كونە ەلەكترلى ۆەلوسيپەتتى تاپسىرىپ بەرگەن ءارى جاڭا ەلەكترلى ۆەلوسيپەتتى ساتىپ العان تۇتىنۋشىلارعا قوسىمشا قاراجات بەرەدى. بىلايشا ايتقاندا بۇل تۇتىنۋشىلاردىڭ كونەسىن جاڭاسىنا اۋىستىرۋ ءتاسىلى ارقىلى جاڭا ەلەكترلى ۆەلوسيپەت ساتىپ الۋىنا بولاتىنىن، كونەسىن ساتۋدان العان قاراجاتتان تىس، جاڭاسىنا قوسىمشا قاراجات الۋىنا بولاتىنىن كورسەتەدى.

مامانداردىڭ تانىستىرۋىنشا، 8 – ايدىڭ 19 – كۇنى، ونەركاسىپ جانە ينفورماتسيالاندىرۋ مينيسترلىگى «ەلەكترلى ۆەلوسيپەت سالاسىن ولشەمگە ءتۇسىرۋ شارتىنا» ساي كەلەتىن ءبىرىنشى توپتاعى كاسىپورىندار تىزىمدىگى جونىندە ۇقتىرۋ شىعارعان، سونىمەن بىرگە، «ليتي يوندى باتەريا سالاسىنداعى ولشەمگە ءتۇسىرۋ شارتىنا» ساي كەلەتىن سەگىزىنشى توپتاعى كاسىپورىنداردىڭ تىزىمدىگىن اشىق كورسەتكەن. مۇنان سىرت، «ەلەكترلى ۆەلوسيپەتتىڭ ليتي يوندى باتەرياسىنىڭ حاۋىپسىزدىگىنە قاتىستى تەحنيكالىق ولشەم» 11 – ايدىڭ 1 – كۇنىنەن باستاپ رەسمي اتقارىلادى. ماماندار ”تۇتىنۋشىلاردىڭ 11 – ايدىڭ 1 – كۇنىنەن بۇرىن قورعاسىن قىشقىلدى اككۋمۋلياتورلى ەلەكترلى ۆەلوسيپەتكە، 11 – ايدىڭ 1 – كۇنىنەن كەيىن قورعاسىن قىشقىلدى نەمەسە ليتي يوندى اككۋمۋلياتورلى ەلەكترلى ۆەلوسيپەتكە اۋىستىرىپ ساتىپ العانى ءجون“ دەگەن ۇسىنىس بەردى.

كەلۋ قاينارى: حالىق تورابى