ءۇيدى بەلگىلەمەگە قايشى اشەكەيلەگەندىكتەن بۇرىنعى قالپىنا كەلتىرۋگە بۇيىرىلدى 

[دەلو جاعدايى] بەيجيڭ قالاسىنداعى ءمالىم تۇرعىندار اۋماعىنداعى 202 – بولمەدە تۇراتىن جاڭ مىرزا ءوز ۇيىنىڭ اسحاناسىنىڭ توبەسىنەن سۋ ءوتىپ كەتكەنىن كورىپ، ۇستىڭعى قاباتقا شىعىپ تەكسەرگەندە، ءوز ۇيىنىڭ اسحاناسىنىڭ توبەسىنەن 302 – بولمەدەگىلەر دارەتحانا شىعارىپ العانىن كورەدى. 302 – بولمەدەگى وتباسىنىڭ ءۇيدىڭ قۇرىلىمىن بىلاي وزگەرتكەنىن كورگەن جاڭ مىرزانىڭ كوڭىلىنەن بۇل ءىس وتپەيدى. ەكەۋى كەڭەسۋ ارقىلى كەلىسە الماعان سوڭ، جاڭ مىرزا ۇستىڭگى قاباتتاعى وتباسىنىڭ ۇستىنەن سوتقا ارىزدانىپ، قارسى جاقتان ءۇيدىڭ قۇرىلىمىنىڭ ورنالاسۋىن بۇرىنعى قالپىنا كەلتىرۋدى تالاپ ەتەدى. بەيجيڭ قالالىق 3 – ورتا حالىق سوتى مەكەمەسى : ”302 – بولمەدەگى وتباسى ەلىمىزدىڭ تۇرعىن ءۇي جانە قالا – اۋىل قۇرىلىسى مينيسترلىگى جاريالاعان تۇرعىن ءۇيدى جوبالاۋ ولشەمىنە قايشىلىق جاساپ، اسحانا مەن دارەتحانانىڭ ورنىن الماستىرىپ، استىڭعى قاباتتاعى كورشىسىنىڭ ۇقىق – مۇددەسىنە زيان جەتكىزگەن“ دەپ قاراپ، 302 – بولمەدەگى وتباسىنىڭ دارەتحاناسى مەن اسحاناسىنىڭ قۇرىلىمىن بۇرىنعى قالپىنا كەلتىرۋ كەرەك دەپ ۇكىم شىعارعان.

[زاڭدى ءتۇسىندىرۋ] دارەتحانا مەن اسحانانىڭ رولىنىڭ ەرەكشەلىگىنە بايلانىستى، ەلىمىزدىڭ تۇرعىن ءۇي جانە قالا – اۋىل قۇرىلىسى مينيسترلىگى جاريالاعان تۇرعىن ءۇيدى جوبالاۋ ولشەمىندە: ”دارەتحانانى تىكەلەي استىڭعى قاباتتاعى تۇرعىننىڭ جاتىن ءۇيىنىڭ، دالان ءۇيىنىڭ (قوناق بولمەسىنىڭ) اسحاناسىنىڭ نەمەسە اس ىشەتىن ءۇيىنىڭ توبەسىنە ورنالاستىرۋعا بولمايدى“ دەپ ايقىن بەلگىلەنگەن ءارى بۇل تارماق ءماجبۇرلى اتقارىلاتىن تارماق سانالادى.

(دەلونىڭ كەلۋ قاينارى: ەڭ جوعارى حالىق سوتى مەكەمەسى، حالىق گازەتىنىڭ ءتىلشىسى جاڭ تيانپەي رەتتەگەن)

كەلۋ قاينارى: حالىق تورابى