جۇڭگو جاق دەلو تۇرعىزىپ تەكسەرۋدى ۇيعاردى!

9 – ايدىڭ 9 – كۇنى، ساۋدا مينيسترلىگى حابارلاندىرۋ شىعارىپ، 2024 ـ جىلى 9 – ايدىڭ 9 –كۇنىنەن باستاپ كانادادا وندىرىلگەن قىشى تۇقىمىن ادەيى ارزانداتىپ ساتۋعا قارسى دەلو تۇرعىزىپ تەكسەرۋدى ۇيعاردى. وسى رەتكى تەكسەرۋدە بەلگىلەنگەن ادەيى ارزانداتىپ ساتۋدى تەكسەرەتىن مەرزىمى 2023 – جىلى 1 – ايدىڭ 1 - كۇنىنەن 2023 – جىلى 12 – ايدىڭ 31 – كۇنىنە دەيىن، كاسىپ سالاسىنىڭ زيانىن تەكسەرەتىن مەرزىمى 2021 - جىلى 1 - ايدىڭ 1 - كۇنىنەن 2023 - جىلى 12 - ايدىڭ 31 - كۇنىنە دەيىن بولادى.

«جۇڭحۋا حالىق رەسپۋبليكاسىنىڭ ادەيى ارزانداتىپ ساتۋعا قارسى تۇرۋ ەرەجەسىنىڭ» 18 - تارماعىندا بىلاي دەپ بەلگىلەنگەن: ”ەرەكشە جاعدايدا، ساۋدا مينيسترلىگى ادەيى ارزانداتىپ ساتۋعا قارسى تەكسەرۋ جونىندەگى جازباشا ءوتىنىشتى تاپسىرىپ الماعانىمەن، ءبىراق ادەيى ارزانداتىپ ساتۋ مەن زيانى جونىندە، سونداي - اق ەكەۋىنىڭ اراسىندا سەبەپ - سالدارلىق قاتىناس بارلىعى جونىندە تولىق دالەل - سىپات بولسا دەلو تۇرعىزىپ تەكسەرۋدى ۇيعارۋىنا بولادى.“

ساۋدا مينيسترلىگى قول جەتكىزگەن العاشقى دالەل - ىسپاتتار مەن ينفورماتسيالاردا كورسەتىلۋىنشە، ءاسىلى كانادادان يمپورت ەتىلگەن قىشى تۇقىمى قالىپتى قۇنىنان تومەن باعامەن جۇڭگوعا ەكسپورت ەتىلىپ ساتىلعان، ادەيى ارزانداتىپ ساتۋ جاعدايى بار. سونىمەن بىرگە، بۇل ءونىمنىڭ جۇڭگو بازارىنا كىرگەن سانى زور مولشەردە ارتىپ، باعاسى ءۇرتىس تومەندەپ، جۇڭگونىڭ ەل ىشىندەگى ۇقساس تۇردەگى ونىمدەرىنىڭ باعاسى تومەندەدى جانە تەجەلدى، جۇڭگونىڭ ىشكى كاسىبى ماندىك زيانعا ۇشىرادى، كانادانىڭ يمپورت ونىمدەرىن ادەيى ارزانداتىپ ساتۋ مەن ەل ىشىندەگى شارۋاشىلىقتىڭ ماندىك زيانى اراسىندا سەبەپ - سالدارلىق قاتىناس ءومىر ءسۇرىپ وتىر.

كەلۋ قاينارى: حالىق تورابى