حان حۇڭ قور قوعامى 8 ميلليون يۋان كومەك اتاپ، شينجياڭنىڭ ەمدەۋ – دەنساۋلىق ساقتاۋ ىستەرىنە دەم بەردى

9 – ايدىڭ 5 – كۇنى 9 – كەزەكتى ”جۇڭحۋا قايىرىمدىلىق كۇنى“، سول كۇنى ”حان حۇڭ مەيىر باعىشتادى، شينجياڭعا كومەكتەسۋ الەۋمەتتىك قيمىلى قايتالاي باستالدى“ اتىنداعى كومەك بەرۋ جانە اۆتوموبيلدى جونەلتۋ سالتى ۇرىمجىدە وتكىزىلدى. حان حۇڭ قور قوعامى 2013 – جىلى ”حان حۇڭ مەيىر باعىشتادى، ءجۇز ادامنىڭ شينجياڭعا كومەكتەسۋى“ اتتى ەمدەۋ جاعىندا كومەكتەسۋ الەۋمەتتىك يگىلىك ارەكەتىن وتكىزگەننەن باستاپ، 2022 – جىلى، 2023 – جىلى ”حان حۇڭ مەيىر باعىشتادى، شينجياڭعا كومەكتەسۋ الەۋمەتتىك ارەكەتى قايتالاي باستالدى“ اتتى قيمىلدى جالعاستى وتكىزگەن، وسى رەتكى الەۋمەتتىك يگىلىك ارەكەتى ءتورتىنشى رەت شينجياڭعا باعىتتالعان ەمدەۋ جاعىندا كومەك بەرۋ قيمىلى سانالادى.

وسى رەت كومەككە بەرىلەتىن قاراجاتتىڭ جالپى سوماسى 8 ميلليون يۋان، مۇندا، تاسىمالداۋعا پايدالاناتىن شۇعىل قۇتقارۋ اۆتوموبيلىنەن 30 اۆتوموبيلدى جىلۋعا اتاۋ، ”حان حۇڭ مەيىر باعىشتادى اتىنداعى اۋىل – قالاشىقتاعى شۇعىل قۇتقارۋ بولمەلەرىنەن“ 25 بولمەنى سالۋ، اۋىل – قىستاق شيپاگەرلەرىنىڭ شارلاپ ەمدەۋدە پايدالاناتىن سومكاسىنان 500 سومكانى جىلۋعا اتاۋ قامتىلادى ءارى نەگىزگى ساتىداعى ەمدەۋ – كۇتىمدەۋ قىزمەتكەرلەرىن 3 ايلىق كۋرسقا قاتىناستىرادى (شۇعىل دياگنوز قويۋ، تۋىت ءبولىمى، ۋلترا دىبىسپەن تەكسەرۋ جانە نارەستەلەر ءبولىمى قامتىلادى)، وسى ارقىلى نەگىزگى ساتىداعىلاردىڭ ەمدەۋ قىزمەتىن دەر كەزىندە ءونىمدى ىستەۋىنە دەم بەرەدى.

جىلۋ اتاۋ نىسانى قاشقار ايماعى، حوتان ايماعى، التاي ايماعى، ىلە قازاق اۆتونوميالى وبلىسى قاتارلى 13 ايماق، وبلىس، قالاداعى 34 اۋدانداعى (رايونداعى) نەگىزگى ساتىداعى ەمدەۋ – دەنساۋلىق ساقتاۋ قۇرىلىمدارىن قامتيدى.

كەلۋ قاينارى: حالىق تورابى